కాలేజీ డ్రెస్ లో చిలిపి గా నవ్వుతూ అట్రాక్ట్ చేస్తున్న అనుపమా.. క్యూట్ లుక్స్ తో కుర్రాళ్ల మతిపోగొడుతోంది..

కేరళ కుట్టి అనుపమా పరమేశ్వరన్  (Anupama Parameswaran) గురించి తెలుగు ఆడియెన్స్ కు ప్రత్యేకంగా పరిచయం అవసరం లేదు. టాలీవుడ్ కు ఎంట్రీ ఇచ్చాక తన నటించిన తొలి మూడు చిత్రాలతో యాట్రిక్ హిట్ అందుకుందీ భామా.  

యంగ్ హీరోయిన్ అనుపమా పరమేశ్వరన్ తన అందం, అభినయంతో వరుస చిత్రాలతో అభిమానులను అలరిస్తోంది. విభిన్న పాత్రల్లో నటిస్తూ తనకంటూ ప్రత్యేక గుర్తింపు దక్కించుకుంటుంది. కేరళలకు చెందిన ఈ బ్యూటీ తన కేరీర్ ను మలయాళ చిత్రాలతోనే ప్రారంభించింది.

2015లో ఇండస్ట్రీలో అడుగుపెట్టిన అనుపమా తెలుగు, తమిళం, మలయాళంలో 15కు పైగా చిత్రాల్లో నటించింది. వాటిలో దాదాపు అన్నీ ప్రేక్షకుల నుంచి మంచి రెస్పాన్స్ నే దక్కించుకున్నాయి. మరోవైపు గతేడాది ‘ఫ్రీడమ్ ఎట్ మిడ్ నైట్’ వెబ్ సిరీస్  లోనూ మెరిసింది.

స్టార్ డైరెక్టర్ త్రివిక్రమ్ శ్రీనివాస్ దర్శకత్వం వహించిన ‘అ ఆ’ చిత్రంతో అనుపమా టాలీవుడ్ కు ఎంట్రీ ఇచ్చింది. ‘నాగవల్లి’పాత్రలో ఆడియెన్స్ ను అలరించింది. ఆ తర్వాత ‘ప్రేమమ్’, ‘శతమానం భవతి’ చిత్రాల్లో నటించింది. వరుగా ఈ మూడు చిత్రాలు అనుపమా కేరీర్ లో మంచి విజయాలను సాధించి పెట్టాయి.

అయితే మలయాళ చిత్రం ‘ప్రేమమ్’ను తెలుగులోనూ 2016లో అదే టైటిల్ తో రీమేక్ చేశారు. హీరోగా నాగచైతన్య (Nagachaitanya) నటించారు. ఈ చిత్రంలో శ్రుతి హాసన్ కూడా కీలక పాత్రపోషించింది. అనుపమా కాలేజీ స్టూడెంట్ గా నటించి మంచి గుర్తింపు తెచ్చుకుంది. మూవీని తెలుగులోనూ దర్శకుడు అల్ఫోన్స్ పుతారెన్ డైరెక్ట్ చేశారు.

మలయాళంలో రూ. 4 కోట్లతో తెరకెక్కించిన ఈ చిత్రం రూ.60 కోట్లు కలెక్ట్ చేసింది. అదేవిధంగా తెలుగులో రూ.20 కోట్లు ఖర్చు పెట్టి తెరకెక్కించగా రూ.70కు పైగా గ్రాస్ వసూళ్లు చేసింది. అయితే ‘ప్రేమమ్’చిత్రం రిలీజ్ అయ్యి ఏడు సంవత్సరాలు పూర్తైయింది.

ఈ సందర్భంగా అనుపమా ఆ మూవీ షూటింగ్ సమయంలో కాలేజీ యూనిఫాంలో దిగిన కొన్ని ఫొటోలను తన అభిమానులతో  పంచుకుంది. ఈ చిత్రంలో నటించడం పట్ల సంతోషం వ్యక్తం చేసింది. అయితే యూనిఫాంలో 16 ఏండ్ల అమ్మాయిలానే కనిపిస్తోందీ బ్యూటీ. క్యూట్ లుక్స్, కర్లీ హెయిర్ తో కుర్రాళ్లను తన వైపు తిప్పుకుంటోంది. 

తను పోస్ట్ చేసిన పిక్స్ ను హీరోయిన్ రాశీ ఖన్నా (Raashi Khanna) లైక్ చేసింది. కాలేజీలో డ్రెస్ లో నిజంగా అనుపమా అందరి చూపును ఆకట్టుకుంటోంది. చిలిపిగా నవ్వుతూ నెటిజన్ల గుండెల్ని కొల్లగొడుతోంది. ప్రస్తుతం ఈ పిక్స్ నెట్టింట వైరల్ గా మారాయి. 

ఇదిలా ఉంటే.. ప్రస్తుతం అనుపమా టాలీవుడ్ హీరోయిన్ గా వరుస ఆఫర్లు  అందుకుంటోంది. చివరిగా ‘రౌడీ బాయ్స్’ చిత్రంతో అలరించిన ఈ ముద్దుగుమ్మ.. ‘18 పేజెస్, కార్తీకేయ 2, బట్టర్ ఫ్లై’ చిత్రాల్లో నటిస్తోంది. 18పేజెస్ మూవీ జూన్ 1కు రిలీజ్ కావాల్సి ఉంది. కానీ మేకర్స్ వాయిదా వేసే పనిలో ఉన్నట్టు  తెలుస్తోంది. మిగిలిన చిత్రాలు శరవేగంగా షూటింగ్ ను జరుపుకుంటున్నాయి.