మీకు తెలుసా.. బాలీవుడ్ స్టార్స్ కంటే మన సౌత్ హీరోలు ఎక్కువగా సంపాదిస్తున్నారని..? వారికంటే మనవారి ఆస్తులు ఎక్కువ అని.. మరి బాలీవుడ్ హీరోలకంటే ఎక్కువగా సంపాదిస్తున్నసౌత్ స్టార్స్ ఎవరోతెలుసా..?
సౌత్ ఇండియాన్ హీరోలలో గట్టిగా రెమ్మునరేషన్ అందుకుంటున్న హీరోలలో ప్రభాస్ ముందున్నాడు. ప్రస్తుతం 5 పాన్-ఇండియన్ సినిమాలు చేస్తోన్న ప్రస్తుతం సినిమాకు 150 నుంచి 200 కోట్ల వరకూ వసూలు చేస్తున్నట్టు తెలుస్తోంది. ఇక ప్రస్తుతం ప్రభాస్ కల్కి AD 2898తో పాటు సలార్ 2, స్పిరిట్, రాజాసాబ్, లాంటి సినిమాలు చేస్తున్నారు. వీటితో పాటు కొన్ని బిజినెస్ లలో కూడా ఆయన పెట్టుబటి పెట్టినట్టు తెలుస్తోంది.
ఇక మొదటి నుంచి ఇండియాలో అత్యధిక పారితోషికం తీసుకుంటున్న హీరోలలో సూపర్ స్టార్ రజనీకాంత్ ముందు వరుసలోనే ఉన్నారు. భారతదేశంలోనే కాకుండా ఆసియాలోనే అత్యధిక పారితోషికం తీసుకుంటున్న నటుడు తలైవా. అఫీషియల్ గా తెలియదు కాని.. జైలర్ సినిమాతో ఆయనకు 200 కోట్లకు పైగానే ముట్టినట్టు తెలు్స్తోంది. ఒక్కో సినిమాకు 150-200 కోట్లు వసూలు చేస్తున్నాడట తలైవా.
ఇక సినిమాల నుంచి మాత్రమే కాకుండా.. ఆడ్ ఫిల్మ్స్, బిజినెస్, మోడలింగ్ ద్వారా కూడా గట్టిగా సంపాదిస్తున్నాడు సూపర్ స్టార్ మహేష్. ఆయన ఏడాదికి ఒక్క సినిమా చేస్తాడు.. సినిమాకు 70 నుంచి 100 కోట్లు తీసుకుంటున్నాడట. ఇక దీనికంటే ఆయన చేసే యాడ్ ఫిల్మ్స్ తోనే ఎక్కువ సంపాదిస్తున్నారుమహేష్. ఇక ఏషియన్ సినిమాస్ తోకలిసి AMB మాల్స్ ను నడిపిస్తున్న మహేష్ సినిమా నిర్మాణంలో కూడా ఉన్నారు. ఇలా కోట్లకు కోట్లు సంపాదిస్తూ.. చిన్నారుల హార్ట్ ఆపరేషన్స్ చేయిస్తూ.. సమాజసేవలో కూడా ముందున్నాడు టాలీవుడ్ సూపర్ స్టార్.
ఇక ప్రభాస్ లాంటి స్టార్ హీరోల సరసన చేరాడు అల్లు అర్జున్. ఆయన సినిమాకు 125 కోట్ల వరకూ తీసుకుంటున్నట్టు సమాచారం. అంతే కాదు ఏషియన్ సినిమాస్ తో కలిసి.. ఆయన మల్టీ ప్లెక్స్ బిజినెస్ లోకి కూడా దిగాడు. ఇప్పటికే హైదరాబాద్ లో ఒకటి స్టార్ట్ చేసిని అల్లు అర్జున్.. బిజినెస్ ను వైజాక్ కు ఎక్స్ పెండ్ చేయబోతున్నాడట. ఈలెక్కన ఆయనక కూడా బాలీవుడ్ స్టార్స్ కంటే ఎక్కువగానే సంపాదిస్తున్నారు. ఇక త్వరలో పుష్ప2 తో సందడి చేయబోతున్నాడు బన్నీ.
ఇక రామ్ చరణ్, ఎన్టీఆర్ కూడా ఇదే బాటలో ఉన్నారు. రామ్ చరణ్ ముందు నుంచే బాగా సంపాదిస్తున్నారు. ఆయన సినిమాలతో పాటు బిజినెస్ లో కూడా ఉన్నారు. పోలో టీమ్ ఉంది, ఎయిర్ వేస్ లో పెట్టుబడులు పెట్టారు.. ఇలా రకరకాల బిజినెస్ లలో చరణ్ ఉన్నారు. ఈరకంగా సినిమాలకంటే కూడా ఆయన ఎక్కువగానే సంపాదిస్తున్నారు. దాంతో పాటు ఆయన భార్య ఉపాసన అపోలో హాస్పిటల్స్ కు అధిపతి కూడా.
ఇటు ఎన్టీఆర్ కూడా సినిమాలతో పాటు యాడ్ ఫిల్మ్స్ తో బాగా సంపాదిస్తున్నారు తారక్ బిజినెస్ లైన్స్ గురించి తెలియదు కాని.. ఆయన కూడా ఆస్తులు భారీగానే కూడగట్టినట్టు తెలుస్తోంది. సినిమాకు 100 కోట్లకుపైగా డిమాండ్ చేస్తున్నాడట యంగ్ టైగర్.
ఇక ఇటీవలి కాలంలో దళపతి విజయ్ సినిమాలు 100 కోట్ల క్లబ్‌లో చేరుతున్నాయి. లియోకు 130 కోట్ల వరకూ తీసుకున్నట్టు తెలుస్తోంది. ఇది చాలా మంది బాలీవుడ్ నటులు వసూలు చేసే దానికంటే ఎక్కువ. ఇలా సౌత్ హీరోలు.. ముఖ్యంగా టాలీవుడ్ హీరోలు.. బాలీవుడ్ స్టార్స్ ను మించి సంపాదిస్తున్నారు. రెమ్యూనరేషన్ విషయంలో కూడా చాలామంది బాలీవుడ్ స్టార్స్ అందనంత దూరంలో ఉన్నారు మనస్టార్స్.