ఇస్కాన్ టెంపుల్ లో ప్రణీతా సుభాష్.. ఆధ్యాత్మిక చింతనలో కన్నడ భామ.. బుట్టబొమ్మ బ్యూటీఫుల్ లుక్

కన్నడ బ్యూటీ ప్రణీతా సుభాష్ రీసెంట్ ఇస్కాన్ టెంపుల్ ను సందర్శించింది. ఈ సందర్భంగా కృష్ణుడికి ప్రత్యేక పూజలు చేసింది. తాజాగా కొన్ని ఫొటోలను అభిమానులతో పంచుకుంది.

బెంగళూరు బ్యూటీ ప్రణీతా సుభాష్ (Pranitha Subhash) తెలుగు ప్రేక్షకుల్లో మంచి గుర్తింపు తెచ్చుకున్న విషయం తెలిసిందే. ఇక్కడ బడా స్టార్స్  సరసన నటించి మెప్పించింది. తనకంటూ స్పెషల్ ఇమేజ్ ను సొంతం చేసుకుంది. 

‘బావ’ చిత్రంతో టాలీవుడ్ కు ఎంట్రీ ఇచ్చింది. పవన్ కళ్యాణ్ సరసన ‘అత్తారింటికి దారేది’, రామ్ పోతినేని సరసన ‘హలో గురు ప్రేమకోసమే’ వంటి సినిమాలతో తెలుగు ఆడియెన్స్ కు మరింతగా దగ్గరైంది. తన నటన, గ్లామర్ తో కట్టిపడేసింది. 

ఇక రెండేళ్ల కింద ఈ ముద్దుగుమ్మ నితిన్ రాజ్ అనే వ్యాపారిని పెళ్లి చేసుకుంది. ఎలాంటి సందడి లేకుండా కుటుంబ సభ్యులు, అతికొద్ది మంది అతిథుల మధ్య వీరి వివాహం జరిగింది. ఇక గతేడాది పండంటి ఆడబిడ్డకూ జన్మనిచ్చింది. అప్పటి నుంచి వరుస కుటుంబం గురించి తెలియజేస్తూ వరుస పోస్టులు పెడుతోంది.

ఇప్పటికే తన కూతురును పరిచయం చేసిన ప్రణీతా.. చిన్నారికి సంబంధించిన ఫొటోలను ఎప్పటికప్పుడు అభిమానులతో పంచుకుంటూ వస్తోంది. ఈక్రమంలో రీసెంట్ గా శ్రీకృష్ణ జన్మాష్టమి సందర్భంగా ప్రముఖ ఇస్కాన్ (ISKON) టెంపుల్ ను సందర్శించింది. తన చిన్నారిని కూడా వెంట తీసుకెళ్లింది.

ఇస్కాన్ అంటే.. అంతర్జాతీయ కృష్ణ చైతన్య సంఘం. దీనినే హరేకృష్ణ ఉద్యమం అనికూడా అంటారు. అంతర్జాతీయ కృష్ణ సమాజం కూడానూ. వీరు అంతర్జాతీయంగా భగవద్గీతాను ప్రచారం చేస్తుంటారు. శ్రీకృష్ణాష్టమి సందర్భంగా నిర్వహించిన ఆధ్యాత్మిక సేవా కార్యక్రమంలో ప్రణీత కూడా  పాల్గొంది.

తాజాగా పంచుకున్న ఫొటోల్లో ఆధ్యాత్మిక ప్రవచనాలు వింటూ కనిపించింది. ట్రెడిషనల్ వేర్ లో పద్ధతిగా మెరిసి ఆకట్టుకుంది. ఇక ప్రణీతా హిందూ సంప్రదాయాలు, ఆచారాలు, పండుగలకు ఎక్కువ ప్రాధాన్యత ఇస్తుంటుంది. అందుకే తరుచుగా సంప్రదాయ దుస్తుల్లో మెరుస్తూ ఆకట్టుకుంటుంది. ఇదిలా ఉంటే.. ప్రణీతా మలయాళంలోకి ఎంట్రీ ఇస్తూ Dileep 148 చిత్రంలో నటిస్తోంది.