షాకింగ్ లుక్ లో పూనమ్ కౌర్. వింత వ్యాధితో బాధపడుతున్న మాజీ హీరోయిన్ ? కారణం ఏంటంటే?

ఒకప్పుడు హీరోయిన్  గా టాలీవుడ్ ప్రేక్షకులను మెప్పించిన పూనమ్ కౌర్. ఆమధ్య ఎక్కువగా వివాదాస్పద పోస్ట్ లతో హాట్ టాపిక్ గా మారిన పూనమ్.. తాజాగా షాకింగ్ లుక్ లో దర్శనం ఇచ్చింది. ఆంధ్రప్రదేశ్ ముఖ్యమంత్రి నారా చంద్రబాబు నాయుడును కలిసి గిఫ్ట్ కూడా ఇచ్చారు.  

ఒకప్పుడు వైవిధ్య‌మైన పాత్రలతో టాలీవుడ్ ప్రేక్షకులను మెప్పించిన నటి పూనమ్ కౌర్. ఆమధ్య ఎక్కువగా వివాదాస్పద పోస్ట్ లతో హాట్ టాపిక్ గా మారిన పూనమ్.. తాజాగా షాకింగ్ లుక్ లో దర్శనం ఇచ్చింది. మరో షాకింగ్ విషయం ఏంటంటే.. ఆమె ఆంధ్రప్రదేశ్ ముఖ్యమంత్రి నారా చంద్రబాబు నాయుడును కలిసి ఒక ప్రత్యేక కానుక అందించారు.

హైదరాబాద్‌లో నిర్వహించిన తెలుగు వన్ డిజిటల్ మీడియా సంస్థ వజ్రోత్సవ వేడుకల సందర్భంగా, పూనమ్ కౌర్ ముఖ్యమంత్రి చంద్రబాబును కలిశారు. ఈ సందర్భంగా ఆమె అందించిన బహుమతి చూసి అంతా ఆశ్చర్యపోయారు. సాంప్రదాయ చిత్ర కళ ఆధారంగా రూపుదిద్దుకున్న ఫ్రేమ్ ను ఆమె చంద్రబాబుకు అందించారు.. అందులో అమరావతి అభివృద్ధిని ప్రతిబింబించే కళాత్మక దృశ్యాలు, కలల రాజధాని రూపంలో ఆ ప్రాంతం ఎలా మారుతుందో వివరిస్తూ రూపొందించబడింది.

ఈ బహుమతిని సీఎం చంద్రబాబు ఆసక్తిగా పరిశీలించారు. కళ, కథనం, భావోద్వేగాల సమ్మిళితంగా ఉన్న ఈ ఆర్ట్‌వర్క్‌పై ఆయన ప్రశంసలు వ్యక్తం చేశారు. కార్యక్రమానికి సినీ ప్రముఖులతో పాటు పూనమ్ కౌర్ కూడా హాజరైన విషయం గమనార్హం.

ఈ నేపథ్యంలో పూనమ్ కౌర్ గురించి సోషల్ మీడియాలో ఆరోగ్య సంబంధిత వార్తలు చక్కర్లు కొడుతున్నాయి. ఈవెంట్‌లో పూనమ్ కాస్త లావుగా కనిపించడంతో అనేక ఊహాగానాలు వెలువడ్డాయి. దీనిపై స్వయంగా స్పందించిన పూనమ్ కౌర్, తనకు ప్రస్తుతం ఫుడ్ ఎలర్జీ ఉందని, దాంతో పాటు ఫైబ్రోమయాల్జియా అనే వ్యాధితో కూడా బాధపడుతున్నట్లు తెలిపారు.

ఆరోగ్య సమస్యల కారణంగానే శరీరంలో మార్పులు వచ్చాయని, అందుకే ఇలా కనిపించానని పూనమ్ తెలిపారు. నెటిజన్లలో కొందరు ఆమెకు ఆరోగ్యంపై శ్రద్ధ వహించాలని సలహాలు ఇస్తున్నారు.