స్టార్ హీరోయిన్ కాజల్ అగర్వాల్ (Kajal Aggarwal) ప్రస్తుతం సెకండ్ ఇన్నింగ్స్ ప్రారంభించింది. బ్యాక్ టు బ్యాక్ సినిమాలతో ఫ్యాన్స్ ను అలరించేందుకు సిద్ధం అవుతోంది. ఈ సందర్భంగా నెట్టింట వరుస పోస్టులతో సందడి చేస్తోంది.
దక్షిణాది ప్రేక్షకుల్లో ఎంతో క్రేజ్ దక్కించుకున్న కాజల్ అగర్వాల్ వ్యాపారవేత్త అయిన గౌతమ్ కిచ్లును 2020 అక్టోబర్ 30న పెళ్లి చేసుకున్న విషయం తెలిసిందే. గతేడాది ఏప్రిల్ 19న పండంటి మంగబిడ్డకు జన్మనిచ్చింది. పెళ్లి, ప్రెగ్నెన్సీ కారణంగా సినిమాలకు కాస్తా దూరమైంది.
ప్రస్తుతం సెకండ్ ఇన్నింగ్స్ ప్రారంభించిన స్టార్ హీరోయిన్ భారీ చిత్రాల్లో నటిస్తోంది. కమల్ హాసన్ ‘ఇండియన్ 2’లో నటిస్తూనే మరోవైపు తమిళ చిత్రాల్లోనూ వరుస నటిస్తోంది. మరోవైపు బాలయ్య ‘ఎన్బీకే 108’లో అవకాశం అందుకుందని అంటున్నారు. ఏదేమైనా కాజల్ మంచి కేరీర్ లో స్పీడ్ పెంచుతోంది.
కాజల్ ప్రధాన పాత్రలో నటించిన ‘ఘోస్టీ’ Ghosty చిత్రం ఉగాది పండుగ సందర్భంగా మార్చి 22న ప్రేక్షకుల ముందుకు రానుంది. ఇప్పటికే ఈ చిత్ర ట్రైలర్, ఆయా అప్డేట్స్ ఆకట్టుకుంటున్నాయి. చాలా రోజుల తర్వాత కాజల్ ఈ చిత్రంతో అలరించబోతోంది.
ప్రస్తుతం సినిమా ప్రమోషన్స్ లో భాగంగా నెట్టింట తెగ సందడి చేస్తోంది. చెక్కుచెదరని అందంతో అదిరిపోయే అవుట్ ఫిట్లలో స్టన్నింగ్ గా ఫొటోషూట్లు చేస్తూ వస్తోంది. తాజాగా ట్రెండీ వేర్స్ లో మతులు పోగొట్టింది. హాట్ సిట్టింగ్ ఫోజులతో స్టార్ హీరోయిన్ ఉక్కిరిబిక్కిరి చేసింది.
కంబ్యాక్ ఇస్తున్న సందర్భంగా కాజల్ నెట్టింట రచ్చ చేస్తోంది. మైండ్ బ్లోయింగ్ గా ఫొటోషూట్లు చేస్తూ గ్లామర్ ఫొటోలతో ఫ్యాన్స్ తో పాటు నెటిజన్లను ఖుషీ చేస్తోంది. కాజల్ బ్యూటీఫుల్ లుక్స్ కు అభిమానులు మంత్రముగ్ధులవుతున్నారు. ఫొటోలను లైక్స్, కామెంట్లతో నెట్టింట వైరల్ చేస్తున్నారు.
Ghosty చిత్రంలో కాజల్ అగర్వాల్, సీనియర్ హీరోయిన్ రాధిక శరత్ కుమార్, కోలీవుడ్ స్టార్ కమెడియన్ యోగిబాబు ప్రధాన తారాగణంగా నటిస్తున్నారు. గంగ ఎంటర్‌టైన్‌మెంట్స్ నిర్మించింది. ఈ చిత్రానికి కళ్యాణ్ దర్శకత్వం వహించారు. ప్రభుదేవా 'గులేబకావళి', జ్యోతిక 'జాక్ పాట్' చిత్రాలతో తెలుగు ప్రేక్షకులను సైతం ఆయన ఆకట్టుకున్న ఆయన ఈ సినిమాతో ఎలా అలరించబోతున్నారో చూడాలి.
కథ విషయానికి వస్తే, అనగనగా అందమైన లేడీ ఇన్‌స్పెక్టర్. ఆమె పేరు ఆరతి. గ్యాంగ్‌స్టర్ దాస్ జైలు నుంచి తప్పించుకుంటాడు. అతడిని పట్టుకుని తీరుతానని శపథం చేస్తుంది. కొన్నేళ్ల క్రితం ఆరతి తండ్రి దాసును అరెస్ట్ చేసి జైల్లో వేస్తారు. దాసును పట్టుకునే క్రమంలో అతడిని షూట్ చేయబోయి మరొకరిని షూట్ చేస్తుంది ఆరతి. ఆ తర్వాత ఏమైందనేది సినిమా చూసి తెలుసుకోవాలి.
హారర్ కామెడీ థ్రిల్లర్ మూవీలో కాజల్ ఆరతి పాత్రలో నటించారు.గ్యాంగ్‌స్టర్ దాస్ రోల్ ప్రముఖ దర్శకుడు కెఎస్ రవికుమార్ చేశారు. ఆరతితో పాటు పని చేసే పోలీసులుగా సీనియర్ నటి ఊర్వశి, సత్యన్ కనిపించనున్నారు. పోలీస్ కథకు, దర్శకుడు కావాలని ప్రయత్నించే యోగిబాబు పాత్రకు సంబంధం ఏమిటి? మధ్యలో మానసిక వికలాంగులకు సంబంధించిన ఆస్పత్రికి యోగిబాబు ఎందుకు వెళ్లారు? అనేది ఆసక్తికరం. సినిమాలో రిడిన్ కింగ్ స్లే, తంగదొరై, జగన్, ఊర్వశి, సత్యన్, ఆడు కాలం నరేన్, మనోబాల, రాజేంద్రన్, సంతాన భారతి, దేవదర్శిని నటించారు.