ఆదివారం రోజు రాత్రి బెంగుళూరులోని ఎలెక్ట్రానిక్ సిటీ సమీపంలో ఒక రేవ్ పార్టీ జరిగింది. పక్కా సమాచారం అందుకున్న పోలీసులు రేవ్ పార్టీ జరుగుతున్న చోటుకి వెళ్లి పోలీసులు రైడ్ చేశారు.
ఆదివారం రోజు రాత్రి బెంగుళూరులోని ఎలెక్ట్రానిక్ సిటీ సమీపంలో ఒక రేవ్ పార్టీ జరిగింది. పక్కా సమాచారం అందుకున్న పోలీసులు రేవ్ పార్టీ జరుగుతున్న చోటుకి వెళ్లి పోలీసులు రైడ్ చేశారు. హైదరాబాద్ కి చెందిన వ్యక్తి ఈ పార్టీ నిర్వహించినట్లు తెలుస్తోంది.
ఫామ్ హౌస్ లో సీక్రెట్ గా నిర్వహిస్తున్న రేవ్ పార్టీ గురించి పోలిసులకి సమాచారం వెళ్ళింది. వెంటనే స్పందించిన పోలీసులు రైడ్ చేసి కొందరిని అదుపులోకి తీసుకున్నట్లు టాక్. ఈ పార్టీలో టాలీవుడ్ కి చెందిన కొందరు నటీమణులు.. ప్రముఖులు, బడాబాబులు పాల్గొన్నట్లు తెలుస్తోంది.
రేవ్ పార్టీలో పోలీసులు కొన్ని మాదక ద్రవ్యాలని కూడా స్వాధీనం చేసుకున్నారు. కేసు నమోదు చేసి పూర్తి స్థాయిలో విచారణ చేస్తున్నారు. బర్త్ డే పార్టీ పేరుతో అసాంఘిక కలాపాలకు పాల్పడుతున్న వ్యక్తిపై పోలీసులు కేసు నమోదు చేశారట. దీనికి సంబందించిన పూర్తి వివరాలు రావాల్సి ఉంది.
అయితే ఈ పార్టీలో టాలీవుడ్ నటి హేమ పాల్గొన్నట్లు వార్తలు వచ్చాయి. తన పేరు వినిపిస్తుండడంతో హేమ వెంటనే స్పందించింది. తాను హైదరాబాద్ విడిచి ఎక్కడికి వెళ్లలేదని.. తన గురించి వస్తున్న వార్తలు వాస్తవం కాదని హేమ అంటోంది.
నా గురించి వస్తున్న వార్తలు నమ్మొద్దు. నేను ప్రస్తుతం హైదరాబాద్ లో ఓ ఫామ్ హౌస్ లో ఎంజాయ్ చేస్తున్నా అంటూ హేమ క్లారిటీ ఇచ్చింది. అక్కడ ఎవరెవరు ఉన్నారో నాకు తెలియదు. ఈ వివాదంలోకి నన్ను లాగొద్దు అంటూ రిక్వస్ట్ చేసింది.
రేవ్ పార్టీకి సంబంధించిన వివరాలు ఒక్కొక్కటిగా వెలుగులోకి వస్తున్నాయి. మొత్తం 100 మంది ఈ పార్టీలో పాల్గొన్నారట. ఇందులో తెలుగు టివి నటులు, మోడల్స్ పోలీసులకు చిక్కినట్లు తెలుస్తోంది. రేవ్ పార్టీలు, డ్రగ్స్ వివాదాలు తరచుగా టాలీవుడ్ ని వెంటాడుతూనే ఉన్నాయి.