బాలకృష్ణ వల్లే ఇలా బ్రతికున్నాను.. నటి అనితా చౌదరి కామెంట్స్ వైరల్..

నందమూరి బాలకృష్ణ మంచి మనసు గురించి చెప్పుకొచ్చారు మాజీ యాంకర్.. ప్రముఖ నటి అనితా చౌదరి. రెండు మేజర్ యాక్సిడెంట్లు అయిన తాను.. బాలయ్య  కేర్ తీసుకోవడంతో కోలుకున్నానన్నారు.   

బాలయ్య బాబు మనసు చిన్నపిల్లాడిలా ఉంటుంది అంటుంటారు. బాలకృష్ణ చాలా మంచి వారని.. కోపం ఎక్కువైనా.. ఆయన మనసు వెన్నెలాంటిదని ఎందరో చెపుతుంటారు. అంతే కాదు టాలీవుడ్ లో ఎంతో మంది ఆర్టిస్ట్ లను ఆదుకోవడంతోపాటు.. స్టార్స్ కు కూడా ఆయన వైద్య సాయం చేశారని చెపుతుంటారు. ఇండస్ట్రీలో చాలా మంది ఇంటర్వ్యూల్లో బాలయ్య మంచి మనసు గురించి చెపుతుంటారు. తాజాగా.. మాజీ యాంకర్, టాలీవుడ్ నటి అనితా చౌదరి కూడా బాలయ్య గోప్పతనం గురించి వివరించింది. 

టాలీవుడ్ లో మల్టీ టాలెంట్ స్టార్ గా పేరు తెచ్చుకున్నారు అనితా చౌదరి.  క్యారెక్టర్ ఆర్టిస్ట్ గా తనకంటూ మంచి గుర్తింపు తెచ్చుకుంది.  అనిత చౌదరి యాంకర్ గా కెరీర్ స్టార్ట్ చేసి.. టాలీవుడ్ లో నటిగా ఎంట్రీ ఇచ్చింది. క్యారెక్టర్ ఆర్టిస్ట్ గా స్టార్ హీరోల సినిమాల్లో కీలక పాత్రలో నటిస్తూ ప్రస్తుతం బిజీగా ఉంటోంది.  అప్పట్లో ఉదయభాను, సుమ, ఝాన్సీ, శిల్పా లాంటి వాళ్లు యాంకర్స్ గా బుల్లితెరను ఏలుతున్న సమయంలోనే అనిత చౌదరి కూడా యాంకర్ గా రాణించారు. ఓవైపు యాంకరింగ్ చేస్తూనే సీరియల్స్ లో కూడా నటిస్తూ మంచి పేరు తెచ్చుకున్నారు వరుస సినిమాల్లో  నటిగా ఆకట్టుకున్నారు.

Anitha Chowdary

సక్సెస్ ఫుల్ కెరీర్ ను చూసిన అనితా చౌదరి జీవితంలో  జీవితంలో ఎన్నో ఇబ్బందులు ఎదుర్కొన్నారు. ఈ వీషయాలు రీసెంట్ గా ఓ ఇంటర్వ్యూలో పంచుకున్నారామె. ఓ ఇంటర్వ్యూలో మాట్లాడుతూ.. నా జీవితంలో రెండు మేజర్ యాక్సిడెంట్స్ జరిగాయి. అందులో మొదటిసారి అమెరికా వెళుతున్న సమయంలో ఆక్సిడెంట్ జరిగింది. అప్పుడు కస్తూరి సీరియల్ లో నా నటన మెచ్చుకొని సన్మానం చేసేందుకు ఇన్ వైట్ చేశారు అప్పుడే కారు డ్రైవర్ నిర్లక్ష్యంతె ఓ ట్రక్ మా కారును గుద్దేసింది. అప్పుడు నా కాలర్ బోన్ విరిగిపోయింది అన్నారు అనిత. 

కాలర్ బోన్ విరిగి కుట్లు కూడా పడ్డాయి.. అప్పుడు ఎలాగో కోలుకున్నాను అనుకుంటే.. కేరింత సినిమా టైమలో మరో పెద్ద యాక్సిడెంట్ అయ్యింది అన్నాను నటి. ఆ ఆక్సిడెంట్ లో నా డిస్క్ విరిగింది. ఆ టైంలో నేను ఇక్కడ ఉండను. అమెరికా వెళ్లి ట్రీట్మెంట్ చేయించుకుందామని అనుకున్నా. కానీ నాకు ఇక్కడే బాలకృష్ణ గారు  దగ్గరుండి ట్రీట్మెంట్ చేయించారు. స్వయంగా హాస్పిటల్ కి వచ్చి వాళ్ళ హాస్పిటల్ నుంచి డాక్టర్స్ తీసుకొచ్చారు. 

నాకు ఒక అభిమాని ఉంది. తను బాలకృష్ణకు చాలా క్లోజ్ అంతే కాదు.. ఆయనకు ఆమె  ఫ్యామిలీ ఫ్రెండ్. దాంతో తను నా గురించి ఆలోచించి బాలకృష్ణ గారికి నా ఆక్సిడెంట్ గురించి చెప్పింది. అప్పుడు బాలకృష్ణ వెంటనే స్పందించారు. మా ఫ్యామిలీ మెంబర్స్ తో మాట్లాడారు. నా భర్త అమెరికాలో ఉంటే ఆయనతో మాట్లాడి ధైర్యం చెప్పారు. నాకు ట్రీట్మెంట్ చేయించారు. నిజంగా సాయం చేయాలంటే అంత చేయాల్సిన అవసరం లేదు. కానీ ఆయన నా పట్ల చాలా కేర్ తీసుకున్నారు" అని అన్నారు.

నాకు యాక్సిడెంట్ అయి నా లైఫ్ పోయిందని చాలామంది నా మీద జోక్స్ వేసేవారు. ఆ సమయంలో డైరెక్టర్ కృష్ణవంశీ నా పక్కన ఉన్నారు. అప్పుడు నాకు కృష్ణవంశీ గారు చెప్పిన కొన్ని మాటలు చాలా ఇన్స్పిరేషన్ గా అనిపించాయి అన్నారు అనిత చౌదరి. అలాగే కొన్నికారణాలవల్ల చాలా సినిమాల్లో మంచి క్యారెక్టర్స్ మిస్ చేసుకున్నానని ఈ సందర్భంగా చెప్పారు. 

'బొమ్మరిల్లు' సినిమాలో శ్రీవాణి క్యారెక్టర్ ముందు తాను చేయాల్సిందని, అలాగే రీసెంట్ గా వచ్చిన 'కార్తికేయ 2' లో కూడా ఒక మంచి క్యారెక్టర్ చేయాల్సిందని, కానీ కొన్ని కారణాల వల్ల అవి చేయలేకపోయానని అన్నారు. ఇక బాలయ్య మంచితనం గురించి అనితా చౌదరి చెప్పిన మాటలు ప్రస్తుతం వైరల్ అవుతున్నాయి.