తెలుగు సినిమాల్లో మనం రకరకాల జోనర్స్ లో సినిమాలు చూస్తుంటాం.. దర్శకులు, రైటర్లు ఆడియన్స్ ని మెప్పించే కథలు రాయడానికి చాలా కృషి చేస్తుంటారు. సరికొత్త కాన్సెప్ట్స్ కోసం పరితపిస్తుంటారు. అలా ఈ పదేళ్లలో వచ్చిన కొన్ని సినిమాలు తెలుగు సినిమా స్థాయిని పెంచేశాయి. అందులో కొన్ని సినిమాలకు ఫ్లాప్ టాక్ వచ్చినప్పటికీ.. కథ పరంగా సక్సెస్ అనిపించుకున్నాయి. ఆ సినిమాలేవో ఇప్పుడు ఒకసారి చూద్దాం!
undefined
ఖలేజా (2010) : ఈ సినిమా థియేటర్లలో పెద్దగా ఆడనప్పటికీ టీవీలో మాత్రం పెద్ద హిట్. ఇప్పటికీ ఈ సినిమా టీవీలో వస్తుందంటే.. ప్రేక్షకులు టీవీలకు అతుక్కుపోతారు. ఈ సినిమాలో దేవుడు అనే ఎమోషన్, నమ్మకం అనే విషయాలపై త్రివిక్రమ్ చెప్పిన డైలాగ్స్ ఆడియన్స్ ని మెప్పిస్తాయి.
undefined
వేదం (2010) : ఈ సినిమా వచ్చి పదేళ్లు దగ్గర పడుతోంది. మనిషికి సిసలైన అర్ధం చెప్పే సినిమా ఇది. డబ్బు, స్టేటస్, జాబ్, మతం వీటన్నింటికంటే మనిషిగా బ్రతకడమనేది ముఖ్యమని చెప్పే సినిమా ఇది.
undefined
ప్రస్థానం (2010) : 2010లో వచ్చిన ఈ సినిమాని రీసెంట్ గా హిందీలో రీమేక్ చేశారంటే ఇది ఎంత ఫ్రెష్ కంటెంట్ అనేది చెప్పొచ్చు. సినిమాలో ప్రతీ పాత్ర మనకి ఏదొక కొత్త విషయాన్ని చెబుతూనే ఉంటుంది.
undefined
ఈగ (2012): రాజమౌళి తీర్చి దిద్దిన ఈ సినిమాలో ప్రతీ సీన్ ఆడియన్స్ ని ఆకట్టుకుంది. రివెంజ్ బ్యాక్ డ్రాప్ లో సాగే ఈ సినిమాని తెరపై ఎంతో బాగా ఎగ్జిక్యూట్ చేశారు.
undefined
మిథునం (2012): సరికొత్త కాన్సెప్ట్ తో తెరకెక్కిన ఈ సినిమా విమర్శకుల ప్రశంసలు అందుకుంది. ప్రేమతో కలిసి జీవించడమనే ఈ కాన్సెప్ట్ చాలా మందిని ఆలోచనలో పడేసింది.
undefined
స్వామిరారా (2013): డార్క్ కామెడీ నేపధ్యంలో వచ్చిన ఈ సినిమాని తెరపై ఆవిష్కరించిన తీరు ప్రతీ ఒక్కరినీ ఆకట్టుకుంది. చిన్న బడ్జెట్ లో వచ్చిన ఈ సినిమా భారీ సక్సెస్ అందుకుంది.
undefined
నేనొక్కడినే (2015) : దర్శకుడు సుకుమార్ సరికొత్త పంథాలో ఈ కథని ఆడియన్స్ ని చెప్పాడు. సినిమాలో కొన్ని విషయాలు ఆడియన్స్ ని డిజప్పాయింట్ చేసినప్పటికీ సినిమాలో సుకుమార్ క్రియేటివిటీని మెచ్చుకోకుండా ఉండలేం.
undefined
బాహుబలి (2015-2017): తెలుగు సినిమా స్థాయిని ప్రపంచానికి చాటి చెప్పిన ఈ సినిమా గురించి ఎంత చెప్పుకున్నా తక్కువే..
undefined
కంచె (2015) : ప్రేమ, కులాల మధ్య నడిపించిన ఈ సినిమా ప్రతి ఒక్కరినీ కదిలించింది.
undefined
మళ్ళీ మళ్ళీ ఇది రాని రోజు (2015) : ఇదొక కల్ట్ క్లాసిక్ లవ్ స్టోరీ అనే చెప్పాలి. ఇకపై ఇలాంటి కథలు వస్తాయని కూడా అనుకోలేం. అంత అధ్బుతంగా ఈ సినిమాని రూపొందించారు.
undefined
ఎవడే సుబ్రమణ్యం (2015) : ఇలాంటి సినిమాలు చాలా అరుదుగా వస్తుంటాయి. తెరపై ఈ సినిమాని దర్శకుడు నాగాశ్విన్ ఎంత అందంగా మలిచాడంటే ప్రతీ ఒక్కరికీ ఈ సినిమా కనెక్ట్ అవుతుంది.
undefined
పెళ్లిచూపులు (2016) : రొమాంటిక్ కామెడీ జోనర్ లో వచ్చిన ఈ సినిమా ఊహించని విధంగా సక్సెస్ అందుకుంది.
undefined
అర్జున్ రెడ్డి (2017) : ప్రేమకథని ఎంత బోల్డ్ గా చెప్పాలనుకున్నాడో.. అంతే బోల్డ్ గా తెరపై ఆవిష్కరించాడు దర్శకుడు సందీప్ రెడ్డి వంగా. ఈ సినిమాతో విజయ్ దేవరకొండ క్రేజ్ అమాంతం పెరిగిపోయింది.
undefined
మహానటి (2018) : సావిత్రి బయోపిక్ గా వచ్చిన ఈ సినిమా తెలుగు ప్రజలను ఓ ఊపు ఊపేసింది. ఈ సినిమా రిలీజ్ అయిన చాలా రోజుల వరకు టికెట్లు హౌస్ ఫుల్ అయ్యేవి.
undefined
రంగస్థలం (2018) : రివెంజ్ బ్యాక్ డ్రాప్ లో వచ్చిన ఈ సినిమా సరికొత్త అనుభూతిని కలిగిస్తుంది.
undefined
కేరాఫ్ కంచరపాలెం (2018) : ఈ సినిమా స్క్రీన్ ప్లే ప్రేక్షకులను ఆకట్టుకుంది. కథను ఎంతో అందంగా తెరపై చూపించారు.
undefined
గూఢచారి (2018) :ఈ థ్రిల్లర్ చిత్రం సరికొత్త అనుభూతిని కలిగిస్తుంది. సినిమాలో కొంత ల్యాగ్ ఉన్నప్పటికీ ఓవరాల్ గా మాత్రం ప్రేక్షకులను మెప్పించింది.
undefined