అనుష్క శెట్టి అలియాజ్ స్వీటీ శెట్టి.. ప్రస్తుతం ఈ పేరు సౌత్ చిత్ర పరిశ్రమని ఏలుతోంది. 'డాన్స్ రాదు, నటన రాదు.. యోగ టీచర్ గా చేస్తున్నా' అంటూ 15 ఏళ్ల క్రితం అనుష్క పూరి జగన్నాథ్ తో చెప్పిన మాటలు. ఇప్పుడు ఆ యోగ టీచరే సౌత్ లో టాప్ హీరోయిన్.
undefined
లేడి ఓరియెంటెడ్ చిత్రం అయినా, గ్లామర్ రోల్స్ అయినా ప్రాణం పెట్టి నటించేస్తుంది. అందుకే రాజమౌళి లాంటి టాప్ డెరెక్టర్ అనుష్కని తన రెండు చిత్రాల కోసం తీసుకున్నారు. రాజమౌళి దర్శకత్వంలో అనుష్క విక్రమార్కుడు, బాహుబలి చిత్రాల్లో నటించిన సంగతి తెలిసిందే.
undefined
ప్రస్తుతం అనుష్క.. హేమంత్ మధుకర్ దర్శత్వంలో నిశ్శబ్దం చిత్రంలో నటిస్తోంది. అనుష్క నటిగా 15ఏళ్ల కెరీర్ పూర్తి చేసుకున్న సంధర్భంగా నిశ్శబ్దం చిత్ర యూనిట్ హైదరాబాద్ లో గ్రాండ్ ఈవెంట్ నిర్వహించింది. ఈ ఈవెంట్ కు అనుష్కతో పనిచేసిన దర్శకులు చాలా మంది హాజరయ్యారు. రాఘవేంద్ర రావు, రాజమౌళి. వీరు పోట్ల, పూరి జగన్నాధ్, వైవిఎస్ చౌదరి లాంటి దర్శకులు ఈ కార్యక్రమానికి అతిథులుగా హాజరయ్యారు.
undefined
ఈ ఈవెంట్ లో ప్రతి ఒక్క దర్శకుడు అనుష్కపై ప్రశంసలు వర్షం కురిపించారు. ఇక పూరి జగన్నాధ్ తనదైన శైలిలో అనుష్కతో తన అనుబంధాన్ని వివరించాడు. నాగార్జునతో సూపర్ చిత్రం చేద్దామనుకున్నప్పుడు హీరోయిన్ కోసం ముంబైకి ఆడిషన్స్ కోసం వెళ్లాం. అక్కడ నివాస్ అనే వ్యక్తి నాకు ఫోన్ చేసి ఓ అమ్మాయి ఉంది పంపుతున్నాను అన్నాడు.
undefined
ఆడిషన్స్ జరుగుతున్న హోటల్ కు అనుష్క వచ్చింది. చూడడానికి చాలా బావుంది అనిపించింది. కూర్చున్నాక మీ ఫోటో ఇవ్వండి అని అడిగా.. పర్సులో చాలా సేపు వెతికి స్టాంపు సైజు కన్నా చిన్నగా ఉండే బిళ్ళ లాంటి ఫోటో ఇచ్చింది. ఇది సినిమా పక్షి కాదే అని మనసులో అనుకున్నా. ఆడిషన్స్ కి వచ్చేటప్పుడు ఇలాంటి ఫొటోలా తెచ్చేది.. ఫోటో షూట్ చేయలేదా అని అడిగా.. లేదు అని అంది.
undefined
యాక్టింగ్ వచ్చా అని అడిగా.. రాదు అని చెప్పింది. డాన్సులు.. అవి కూడా ఎప్పుడూ చేయలేదంది. పిల్లేమో చూడడానికి బావుంది. అదే సమయంలో నా భార్య హోటల్ పై రూమ్ లో ఉంది. ఫోన్ చేసి ఒక అద్భుతమైన అమ్మాయి వచ్చింది.. చూడడానికి చాలా బావుంది అని చెప్పా.
undefined
నీ కళ్ళకు అందరు అమ్మాయిలు అందంగానే కనిపిస్తారు.. నేను వచ్చి చెప్తా ఆగు అని చెప్పింది. అబ్బా ఎంత బావుంది ఈ అమ్మాయి.. ఆమెనే హీరోయిన్ గా తీసేసుకుందాం అని నా భార్య అనుష్కని చూసి చెప్పింది. ప్రస్తుతం ఏం చేస్తున్నావ్ అని అడిగా.. యోగ టీచర్ గా చేస్తున్నట్లు చెప్పింది. హైదరాబాద్ తీసుకుని వెళ్లి నాగార్జునకు పరిచయం చేశాం. ఆయన కూడా చూడగానే ఈ అమ్మాయినే ఫైనల్ చేయండి అన్నారు.
undefined
ఫోటో షూట్ చేద్దాం అని మేకప్ మెన్ దగ్గరకు వెళ్లాం. వాడు పొట్టినాకొడుకు.. అనుష్క ముఖం పట్టుకుని.. ఈ ముఖం ఏంటి సర్ ఎకరం అన్నర ఉంది అని అన్నాడు. నేను వాడితో.. ఒరేయ్ అమ్మాయిది బెంగుళూరు.. తెలుగు తెలిసే ఉంటుంది.. చెత్త వాగుడు వాగుకు అని అన్నా.
undefined
దీనితో వాడు అనుష్కని.. అమ్మా నేను మాట్లాడింది అర్థం అయ్యిందా అని అడిగాడు.. అనుష్క అర్థం అయినట్లు తల ఊపింది. అమ్మా ఈ సంగతి నాగార్జునతో చెప్పొద్దు అని బ్రతిమాలాడాడు. అన్నపూర్ణ స్టూడియోలోనే అనుష్క నటనలో శిక్షణ పొందింది.
undefined
నాగార్జున గారు నీ పేరేంటి అని అడిగారు.. స్వీటీ అని చెప్పింది. నిక్ నేమ్ కాదు ఒరిజినల్ నేమ్ అని నాగ్ అడిగారు. నా ఒరిజినల్ నేమ్ ఇదే అని పాస్ పోర్ట్ తీసి చూపించింది. ఈ పేరు కరెక్ట్ కాదు.. ఈ అమ్మాయికి స్టేజ్ నేమ్ ఏదైనా సెలెక్ట్ చేయండి అని అడిగారు. ఆ తర్వాత అనుష్క అని తామే నామకరణం చేసినట్లు పూరి తెలిపారు.
undefined
అనుష్కని నాతో పాటు రవితేజ, ఛార్మి అమ్మా అని పిలుస్తాం. అనుష్కలో కొన్ని లక్షణాలు అయినా రావాలని కలసిన ప్రతిసారి ఆశీర్వాదం తీసుకుంటుంటాం అని పూరి ఫన్నీ కామెంట్స్ చేశాడు.
undefined