చీర గౌను కోసం 10వేల గంటలు.. ఇషా అంబానీ కట్టిన ఈ చీర గురించి తెలుసా..

రిలయన్స్ రిటైల్ మేనేజింగ్ డైరెక్టర్, ముకేశ్ అంబానీ ఏకైక కూతురు ఇషా అంబానీ మంగళవారం మెట్ గాలా 2024లో ఇండియన్  డిజైనర్ రాహుల్ మిశ్రా కస్టమ్-మేడ్ హ్యాండ్ ఎంబ్రాయిడరీ కోచర్ చీర గౌనును ధరించారు. ఈ చిరపై పువ్వులు, సీతాకోక చిలుకలు, తూనీగలు వంటి  ఎంబ్రాయిడరీ డిజైన్  చూడవచ్చు. అయితే ఈ చీరను పూర్తి చేయడానికి దాదాపు 10,000 గంటలు పట్టింది అంటే సుమారు ఏడాదికి పైగా... 

చీర  గౌనుపై  వర్క్ ఫరీషా, జర్దోజీ, నక్షి మరియు దబ్కా వంటి అప్లిక్ అండ్  ఎంబ్రాయిడరీ పద్ధతులను ఉపయోగించారు. డిజైనర్ అండ్  ఇషా అంబానీ స్టైలిస్ట్ అనైతా ష్రాఫ్ అడజానియా ప్రకారం, గౌనుపై ఫ్రెంచ్ ముడులు(French knots) కూడా ఉన్నాయి.

"చిరుపై ఈ అంశాలన్నీ గ్రహం యొక్క స్థితి గురించి శక్తివంతమైన కథనాన్ని, పునర్జన్మ మెసేజ్  అందిస్తాయి.  అనేక భారతీయ గ్రామాలలో వందలాది మంది స్థానిక కళాకారులు, చేనేత కార్మికులకు సపోర్ట్ చేస్తూ రాహుల్ మిశ్రా  అటెలియర్‌లలో ఈ అద్భుతమైన చీర లుక్ చేతితో ఎంబ్రాయిడరీ చేశారు. ," అని తెలిపింది. 

తన లుక్  ఫినిష్ చేయడానికి ఇషా అంబానీ సాంప్రదాయ తామర హ్యాండ్ బ్రాస్లెట్ (హాత్‌పోచాస్), ప్యారోట్  చెవిపోగులు, ఫ్లవర్ చోకర్‌లతో సహా విరేన్ భగత్ రూపొందించిన ప్రకృతి-ప్రేరేపిత ఆభరణాల ఎంచుకుంది. నకాషి, మినియేచర్ పెయింటింగ్ వంటి భారతీయ కళ పద్ధతులను ఉపయోగించి రూపొందించిన క్లచ్ బ్యాండ్ బ్యాగ్  కూడా ఆమె ధరించారు. 

క్లచ్ బ్యాగ్ పై భారతదేశ జాతీయ పక్షి నెమలి లేదా మయూర పెయింటింగ్‌  ఉంది. ఈ పెయింటింగ్‌ను జైపూర్‌కు చెందిన హరి నారాయణ్ మరోటియా రూపొందించారు. ఈ ఏడాది ఇషా అంబానీ మెట్ గాలా వేదికపైకి రావడం నాలుగోసారి. ఆమె 2017లో క్రిస్టియన్ డియోర్ సమిష్టితో మెట్ గాలా ఎంట్రీ  చేసింది. 2019 లో ఆమె భారతీయ డిజైనర్ ప్రబల్ గురుంగ్ రూపొందించిన లిలక్ గౌ ధరించారు. 2023లో కూడా ఇషా అంబానీ మళ్లీ గురుంగ్‌ డిజైన్ సెలెక్ట్ చేసుకున్నారు. 

2023లో రిలయన్స్ రిటైల్ MD గురుంగ్ రూపొందించిన నల్లని పట్టు చీర గౌను ధరించారు. ఆమె ఒక భుజం మీద కప్పబడిన నల్లని సిల్క్ ఫాబ్రిక్, ఫ్లోర్-లెంగ్త్ సిల్క్ షిఫాన్ ట్రైన్‌, ముత్యాలు జోడించారు. ఆమె ధరించిన చోకర్, డైమండ్ నెక్లెస్, చెవిపోగులు  ఇంకా ఉంగరాలతో తన లుక్  ఫినిష్ చేసింది. ఆమె మరింత హైలెట్ గా కనిపించేలా చానెల్ డాల్ బ్యాగ్‌ని కూడా ధరించారు.