ITR Filing 2026: కొత్త పన్ను విధానం తక్కువ పన్ను రేట్లను అందించడంతో పాటు, అనేక ముఖ్యమైన పన్ను మినహాయింపులు, తగ్గింపులను కూడా అందిస్తుంది. కొత్త టాక్స్ విధానంలో వేతన జీవులకు లభించే 5 అద్భుతమైన పన్ను మినహాయింపుల వివరాలు ఇక్కడ తెలుసుకుందాం.
ఐటీఆర్ ఫైలింగ్ 2026: కొత్త టాక్స్ విధానంలో వేతన జీవులకు బంపర్ ఆఫర్
ఆదాయపు పన్ను రిటర్నుల (ITR) సీజన్ వచ్చేసింది. ఆర్థిక సంవత్సరం 2025-26 (FY26) కి సంబంధించి ఐటీఆర్ దాఖలు చేయడానికి చివరి తేదీ 31 జూలై 2026. చాలా మంది ఐటీఆర్ అంటే కేవలం పన్ను కట్టడానికే అనుకుంటారు. కానీ అది తప్పు. హోమ్ లోన్, పర్సనల్ లోన్, క్రెడిట్ కార్డ్ లేదా విదేశాలకు వెళ్లడానికి వీసా కావాలన్నా ఐటీఆర్ ఒక పక్కా ఇన్కమ్ ప్రూఫ్గా పనిచేస్తుంది.
ప్రస్తుతం ప్రభుత్వం పన్ను చెల్లింపుదారులకు పాత, కొత్త టాక్స్ విధానాల్లో ఏదో ఒకటి ఎంచుకునే ఛాన్స్ ఇస్తోంది. కొత్త టాక్స్ విధానంలో పన్ను రేట్లు చాలా తక్కువగా ఉన్నాయి. దాంతో పాటు కొన్ని ముఖ్యమైన పన్ను మినహాయింపులు, కటింగులు కూడా అందుబాటులో ఉన్నాయి. కొత్త టాక్స్ విధానంలో జీతాలు తీసుకునే ఉద్యోగులకు లభించే ఆ 5 పెద్ద లాభాలు ఏంటో ఇక్కడ చూద్దాం.
26
₹75,000 స్టాండర్డ్ డిడక్షన్
కొత్త పన్ను విధానంలో జీతాలు తీసుకునే ఉద్యోగులకు ₹75,000 వరకు స్టాండర్డ్ డిడక్షన్ బెనిఫిట్ లభిస్తుంది. దీని కోసం మీరు ఎలాంటి ఇన్వెస్ట్మెంట్ చేయాల్సిన అవసరం లేదు, ఎలాంటి డాక్యుమెంట్లు చూపించక్కర్లేదు. ఉదాహరణకు ఒక ఉద్యోగి వార్షిక జీతం ₹14 లక్షలు అనుకుంటే, ఈ ₹75,000 తగ్గింపు తర్వాత అతని టాక్సబుల్ ఇన్కమ్ ₹13.25 లక్షలకు తగ్గిపోతుంది.
36
ఎన్పీఎస్ కాంట్రిబ్యూషన్పై టాక్స్ ఫ్రీ
మీ కంపెనీ లేదా యజమాని మీ ఎన్పీఎస్ టైర్-1 అకౌంట్లో డబ్బులు డిపాజిట్ చేస్తే, మీకు అదనపు లాభం ఉంటుంది. ఆదాయపు పన్ను చట్టం సెక్షన్ 80CCD(2) కింద బేసిక్ శాలరీ, డీఏ లో 14 శాతం వరకు ఉండే మొత్తంపై పన్ను మినహాయింపు పొందవచ్చు. ఇది స్టాండర్డ్ డిడక్షన్కు అదనంగా లభించే బెనిఫిట్. అయితే ఈపీఎఫ్, ఎన్పీఎస్, సూపర్యాన్యుయేషన్ ఫండ్లలో కంపెనీ ఇచ్చే మొత్తం కాంట్రిబ్యూషన్ ఏడాదికి ₹7.5 లక్షల కంటే ఎక్కువ ఉండకూడదు.
కొత్త టాక్స్ విధానంలో ఫ్యామిలీ పెన్షన్ తీసుకునే వారికి కూడా మంచి రిలీఫ్ ఇచ్చారు. ఇందులో ₹25,000 లేదా మొత్తం ఫ్యామిలీ పెన్షన్లో మూడో వంతు (1/3) భాగం... ఈ రెండింటిలో ఏది తక్కువైతే అంత మొత్తం వరకు టాక్స్ డిడక్షన్ క్లెయిమ్ చేసుకోవచ్చు.
56
అద్దెకిచ్చిన ఇంటి హోమ్ లోన్ వడ్డీపై మినహాయింపు
ఒకవేళ మీరు ఒక ఇంటిని కొని దాన్ని అద్దెకు ఇచ్చి, ఆ ఇల్లు కొనడానికి హోమ్ లోన్ తీసుకుని ఉంటే... ఆ లోన్ వడ్డీపై కొత్త పన్ను విధానంలో కూడా మినహాయింపు లభిస్తుంది. ఇక్కడ మరో ప్లస్ పాయింట్ ఏంటంటే, ఈ వడ్డీ తగ్గింపుపై ఎలాంటి గరిష్ఠ పరిమితి లేదు.
66
అగ్నివీర్ కార్పస్ ఫండ్పై 100% డిడక్షన్
ఆదాయపు పన్ను చట్టంలోని సెక్షన్ 80CCH కింద అగ్నివీరులకు ఒక స్పెషల్ ఆఫర్ ఉంది. అగ్నివీర్ కార్పస్ ఫండ్కు వారు చేసే కాంట్రిబ్యూషన్పై 100 శాతం పన్ను మినహాయింపు లభిస్తుంది. కాబట్టి, మీరు మీ ఐటీఆర్ ఫైల్ చేసే ముందు ఈ ఐదు రకాల పన్ను లాభాలను గుర్తుంచుకుంటే మంచిది. దీనివల్ల జీతగాళ్లు తమ టాక్స్ ప్లానింగ్ను బెటర్గా చేసుకుని, ఎక్కువ బెనిఫిట్ పొందే అవకాశం ఉంటుంది.
