Honda Dio 125: 5 రంగుల్లో.. అద్బుతమైన ఫీచర్లతో హోండా డియో 125 లేటెస్ట్ మోడల్

Honda Dio 125: హోండా కంపెనీ నుంచి మరో కొత్త అప్టేడెట్ స్కూటర్ వచ్చేసింది. ఇప్పటికే ప్రజాదరణ పొందిన డియో స్కూటర్ 2025లో కొత్త ఫీచర్లతో మార్కెట్ లోకి వచ్చేసింది. ఈ స్కూటర్ ప్రత్యేకతలు, మైలేజ్, ధర తదితర వివరాలు ఇక్కడ ఉన్నాయి. 

హోండా కంపెనీ తన ఫేమస్ స్కూటర్ డియో 125 2025 వెర్షన్‌ను విడుదల చేసింది. ఈ కొత్త మోడల్ తాజా OBD2B ప్రమాణాలకు అనుగుణంగా ఉండే ఇంజిన్‌తో తయారైంది. ఇందులో అధునాతన ఫీచర్లు, వినియోగదారులకు నచ్చే ఆకర్షణీయమైన ఫీచర్లు ఉన్నాయి. ఇది యువతకు తప్పకుండా నచ్చుతుంది. 

రెండు వేరియంట్లలో.. 

డియో 125 ను హోండా కంపెనీ DLX, H-స్మార్ట్ అనే రెండు స్టైలిష్ వేరియంట్లలో ప్రవేశపెట్టింది. DLX వేరియంట్ ఎక్స్ షోరూమ్ ధర రూ.96,749గా ఉంది. అదే సమయంలో ప్రీమియం H-స్మార్ట్ ఎక్స్ షోరూమ్ ధర రూ.1,02,144 గా ఉంది.

ఈ కొత్త వెర్షన్లు, రోజువారీ ప్రయాణాలలో బాగా ఉపయోగపడతాయి. వాటి పనితీరు, సాంకేతికత నడిపేవారికి చాలా సౌకర్యవంతంగా ఉంటాయి. ఈ స్కూటర్ల స్టైలిష్ డిజైన్స్ లేడీస్, జంట్స్ కి కూడా బాగా నచ్చుతాయి.  

ఆధునిక ఫీచర్లుతో రెండు స్కూటర్లు.. 

అప్టేడ్ అయిన డియో 125 స్కూటర్ లో 4.2 అంగుళాల TFT డిస్ప్లే ఉంది. ఇది మైలేజ్ రీడౌట్, ట్రిప్ మీటర్, పర్యావరణ సూచిక, రేంజ్ డేటా వంటి రియల్ టైమ్ సమాచారాన్ని అందించే ఫీచర్స్ ఉన్నాయి. ఇందులో టర్న్ బై టర్న్ నావిగేషన్‌ కూడా ఉంది. స్కూటర్ నడిపే వారికి ఈ ఫీచర్ చాలా బాగా నచ్చుతుంది.

హోండా రోడ్‌సింక్ యాప్ ద్వారా మీరు మీ స్మార్ట్‌ఫోన్‌ను కూడా కనెక్ట్ చేసుకోవచ్చు. దీని ద్వారా కాల్, ఎస్ఎంఎస్ నోటిఫికేషన్స్ కూడా పొందవచ్చు. ఈ స్కూటర్లో స్మార్ట్ కీ సిస్టమ్, USB టైప్ సి ఛార్జింగ్ పోర్ట్‌లు కూడా ఉన్నాయి.  

రంగులు, డిజైన్

డియో 125 ఐదు అద్భుతమైన రంగుల్లో లభిస్తుంది. అవి మ్యాట్ మార్వెల్ బ్లూ మెటాలిక్, పెర్ల్ డీప్ గ్రౌండ్ గ్రే, పెర్ల్ స్పోర్ట్స్ యెల్లో, పెర్ల్ ఇగ్నియస్ బ్లాక్, ఇంపీరియల్ రెడ్. ఇవి రోజువారీ ప్రయాణానికి స్టైలిష్ లుక్‌ను జోడిస్తాయి.

పనితీరు, బ్రాండ్

కొత్త డియో 123.92 సీసీ సింగిల్ సిలిండర్ ఎయిర్ కూల్డ్ FI ఇంజిన్ ద్వారా పని చేస్తుంది. 8.19 bhp, 10.5 Nm టార్క్‌ను ఉత్పత్తి చేస్తుంది. మెరుగైన ఇంధన సామర్థ్యం కోసం ఇది ఐడ్లింగ్ స్టార్ట్/స్టాప్ సిస్టమ్‌ను కూడా కలిగి ఉంది.

ఇది కూడా చదవండి ఐఫోన్ కంటే ఆ కీప్యాడ్ ఫోనే అత్యంత ఖరీదైంది. ఎందుకంటే..?