HDFC Loan: రూ.40 లక్షల లోన్ ఇవ్వడానికి హెచ్‌డీఎఫ్‌సీ బ్యాంకు రెడీ. కాని మీకు ఈ అర్హతలు ఉన్నాయా?

HDFC Loan: మీ అవసరం ఏదైనా రూ.40 లక్షల వరకు పర్సనల్ లోన్ ఇవ్వడానికి HDFC బ్యాంక్ సిద్ధంగా ఉంది. అయితే ఈ లోన్ పొందడానికి మీకు కొన్ని అర్హతలు ఉండాలి. అవేంటో ఇక్కడ తెలుసుకోండి. 

పెళ్లి, ఇంటి రిపేర్ లేదా మెడికల్ ఎమర్జెన్సీ ఇలా మీకు సడన్ గా డబ్బు అవసరమైతే ఏం చేస్తారు. బయట అప్పు చేస్తారు కదా.. కాని అధిక వడ్డీల వల్ల మీరు చాలా డబ్బు తిరిగి కట్టాల్సి ఉంటుంది. కాని మీరు HDFC బ్యాంకులో వ్యక్తిగత రుణం తీసుకుంటే ఎలాంటి డాక్యుమెంట్లు ఇవ్వాల్సిన అవసరం లేకుండానే రూ.40 లక్షల వరకు రుణం పొందొచ్చు.

HDFC బ్యాంక్ ఎక్స్‌ప్రెస్ పర్సనల్ లోన్

హెచ్‌డీఎఫ్‌సీ బ్యాంకు అందిస్తున్న ఎక్స్‌ప్రెస్ పర్సనల్ లోన్ తీసుకోవడానికి మీరు ఎలాంటి హామీ సమర్పించాల్సిన అవసరం లేదు. అంటే లోన్ కోసం మీరు బ్యాంకులో ఏమీ తాకట్టు పెట్టవలసిన అవసరం లేదు.

ఈ లోన్ మీకు రావాలంటే మీ క్రెడిట్ స్కోర్, ఆదాయం బాగుండాలి అంతే. మీకు ఈ అర్హతలు ఉంటే రూ.40 లక్షల వరకు రుణం పొందవచ్చు.

అర్హతలు

మీ వయస్సు 21 నుంచి 60 సంవత్సరాల మధ్య ఉండాలి.

మీ క్రెడిట్ స్కోర్ 720 కంటే ఎక్కువ ఉంటే రుణం పొందడం సులభం అవుతుంది.

మంత్లీ ఇన్‌కమ్ రూ. 25,000 ఉండాలి. కనీసం రెండు సంవత్సరాలు ప్రైవేట్ లిమిటెడ్ లేదా ప్రభుత్వ రంగ సంస్థలో పనిచేసిన అనుభవం ఉండాలి.

వడ్డీ ఎంత?

HDFC బ్యాంక్ ఎక్స్‌ప్రెస్ వ్యక్తిగత రుణ విభాగం కింద వడ్డీ రేట్లు 10.85 శాతం నుంచి 24.00 శాతం వరకు ఉంటాయి. ప్రాసెసింగ్ ఫీజు రూ. 6,500 + జీఎస్టీ కూడా ఉండవచ్చు. ఇది కాకుండా వివిధ రాష్ట్రాల్లో అమల్లో ఉన్న చట్టం ప్రకారం స్టాంప్ డ్యూటీ కూడా ఉంటుంది. మరింత సమాచారం కోసం స్థానిక బ్రాంచిని, లేదా కస్టమర్ సేవా బృందాన్ని సంప్రదించండి.

దరఖాస్తు చేయడానికి డాక్యుమెంట్స్

మీ గుర్తింపు కార్డు లేదా అడ్రస్ ప్రూఫ్.

3 నెలల బ్యాంక్ స్టేట్‌మెంట్ లేదా 6 నెలల పాస్‌బుక్.

ఫారం 16తో పాటు 2 నెలల జీతం స్లిప్ లేదా జీతం సర్టిఫికేట్.

ఎలా దరఖాస్తు చేయాలి?

ముందుగా మీ వృత్తిని ఎంచుకోండి. మొబైల్ నంబర్, DOB/PAN ఎంటర్ చేయండి. వ్యక్తిగత వివరాలు ఇవ్వండి. మీ ఇన్ కమ్ సోర్స్ వివరాలు కన్ఫర్మ్ చేయండి. లోన్ ద్వారా వచ్చే ఆఫర్లను తనిఖీ చేయండి. ఆధార్ ఆధారిత KYC పూర్తి చేయండి. 

పైన చెప్పిన అర్హతలన్నీ మీకు ఉంటే హెచ్‌‌డీఎఫ్‌సీ ద్వారా వెంటనే రూ.40 లక్షల పర్సనల్ లోన్ కి అప్లై చేసుకోండి.