అమెజాన్ సి‌ఈ‌ఓ బర్త్ డే: ఒకప్పుడు ఆన్ లైన్ లో బుక్స్.. నేడు ప్రపంచంలోనే అత్యంత సంపన్నుడు.. ఎలా అయ్యడంటే ?

ప్రపంచంలోని మూడవ అత్యంత సంపన్నుడు, అమెజాన్ అండ్ బ్లూ ఆరిజిన్‌తో సహా ప్రసిద్ధ కంపెనీల అధినేత జెఫ్ బెజోస్ నేడు 58వ ఏట అడుగుపెట్టారు. ఆయన 1964 జనవరి 12న ఈ రోజు జన్మించారు. ఒకప్పుడు గ్యారేజీలో పని చేసిన అతను నేడు ప్రపంచంలోని అత్యంత ధనవంతుల టాప్ 3లో చేరాడు.  

 తన తండ్రి గ్యారేజీ నుండి మానవులతో అంతరిక్షయానం చేసే వరకు ధైర్యం, అభిరుచి ఉంటే ఏ పనీ అసాధ్యం కాదని జెఫ్ బెజోస్ తన శ్రమ బలంతో నిరూపించాడు. తనపై తనకున్న నమ్మకంతో ప్రపంచంలోనే అత్యంత ధనవంతుడు అయ్యాడు. అమెజాన్ మాత్రమే కాదు జెఫ్ బెజోస్ చాలా పెద్ద కంపెనీలకు కూడా యజమాని. 

 జెఫ్ బెజోస్ తల్లి జాక్వెలిన్ జోగర్సన్, ఆమె జెఫ్ బెజోస్ పుట్టిన సమయంలో ఉన్నత పాఠశాలలో ఉంది. ఆమె న్యూ మెక్సికోలోని అల్బుకెర్కీలో నివసించేది. 16 సంవత్సరాల వయస్సులో ఆమె ప్రసిద్ధ యూనిసైక్లిస్ట్ టెడ్ జోగర్సెన్‌ను వివాహం చేసుకుంది. తరువాత జెఫ్ బెజోస్ 1964లో జన్మించారు. తల్లి జాక్వెలిన్ జోగర్సన్ అండ్ టెడ్ జోగర్సెన్‌  జెఫ్ బెజోస్ పుట్టిన ఒక సంవత్సరం తర్వాత విడిపోయారు. దీని తరువాత జాక్వెలిన్ తన కొడుకును పెంచడానికి ఒక కంపెనీలో సెక్రటరీగా పనిచేసింది. జెఫ్ బెజోస్‌కు 4 సంవత్సరాల వయస్సు ఉన్నప్పుడు ఆమే మైక్‌ను రెండవ వివాహం చేసుకుంది.  

కంప్యూటర్ సైన్స్‌లో పట్టభద్రుడయ్యాడు
జెఫ్ బెజోస్ 1986లో ప్రిన్స్‌టన్ విశ్వవిద్యాలయం నుండి కంప్యూటర్ సైన్స్‌లో పట్టభద్రుడయ్యాడు. ఆ తర్వాత అతను తన మొదటి ఉద్యోగాన్ని పెట్టుబడి సంస్థలో  ప్రారంభించాడు. ఉద్యోగం చేస్తూనే తన నైపుణ్యంతో విజయాల మెట్లు ఎక్కి కేవలం ఏడేళ్లలో కంపెనీకి వైస్ ప్రెసిడెంట్ అయ్యాడు. కానీ బెజోస్ 1993లో ఉద్యోగాన్ని విడిచిపెట్టి, ఒక సంవత్సరం తర్వాత తన కెరీర్‌ను తాత్కాలికంగా నిలిపివేసి ఏదైనా పెద్ద పని చేయాలనే కోరికతో ఆన్‌లైన్ బుక్ స్టోర్‌ని ప్రారంభించాడు. అదేంటంటే.. ఈ-కామర్స్ ప్లాట్ ఫామ్ అమెజాన్ ను ప్రారంభించాడు. 

తండ్రి గ్యారేజ్‌ నుంచి మొదలైన అమెజాన్‌ ప్రయాణం 
అమెజాన్ జూలై 5, 1994న ఇంట్లో చిన్న గ్యారేజీతో ప్రారంభమైంది. అమెజాన్ ప్రయాణం ఆన్‌లైన్‌లో పుస్తకాలను విక్రయించడం నుండి ప్రారంభమైంది తరువాత ఐదేళ్లలో ప్రపంచవ్యాప్తంగా ప్రసిద్ధి చెందింది. దీని తర్వాత జెఫ్ బెజోస్ వెనుదిరిగి చూడలేదు అలాగే విజయాల మెట్లు ఎక్కుతూనే ఉన్నాడు. అతను 2004లో బ్లూ ఆరిజిన్ అనే స్పేస్ స్టార్టప్ కంపెనీని స్థాపించాడు. ఇదే కంపెనీకి చెందిన రాకెట్‌లో  గతేడాది జూలైలో బెజోస్ అంతరిక్షయానం చేశారు. జెఫ్ బెజోస్ మొదటిసారిగా 1999లో ఫోర్బ్స్ జాబితాలో చోటు దక్కించుకున్నాడు. ఆ సమయంలో జెఫ్ బెజోస్ ప్రపంచంలోని 19వ అత్యంత ధనవంతుడు ఇంకా అతని నికర విలువ సుమారు 10 బిలియన్ డాలర్లు.