బంగారం ధర భారీగా పతనం అవుతోంది ఇప్పటికే గరిష్ట స్థాయి నుంచి 2000 రూపాయల వరకు తగ్గింది దీంతో పసిడి ప్రేమికులు పండగ చేసుకుంటున్నారు. గతవారం బంగారం ధర 62,000 వద్ద గరిష్ట స్థాయిని తాకింది. అక్కడి నుంచి నెమ్మదిగా బంగారం ధర స్వల్పంగా తగ్గుతూ వస్తోంది
ప్రస్తుతం శుక్రవారం బంగారం ధర 10 గ్రాములకు 24 కారెట్లకుగానూ రూ. 60,820గా ఉంది. అదే సమయంలో గురువారం బంగారం ధర రూ. 61,040 వద్ద పలికింది. మరోవైపు 22 క్యారెట్ల బంగారం ధర రూ. 55,750గా ఉంది.
అయితే బంగారం ధరలు తగ్గడం వెనుక మార్కెట్లో స్థిరీకరణ కొనసాగుతుందని అందుకే పసిడి ధరలు దిగొస్తున్నాయని నిపుణులు అంచనా వహిస్తున్నారు. దాంతోపాటు అంతర్జాతీయంగా కూడా డాలర్ ధర పెరుగుతోంది. అలాగే అంతర్జాతీయ మార్కెట్లో ఔన్స్ అంటే 31 గ్రాముల బంగారం ధర 2000 డాలర్ల దిగువకు చేరింది. ప్రస్తుతం పసిడి ధర 1,994 డాలర్ల వద్ద ట్రేడవుతోంది. దీంతో బంగారం ధరలు తగ్గుముఖం పడుతున్నాయని నిపుణులు అంచనా వేస్తున్నారు.
అలాగే బంగారం ధరలు తగ్గడం వెనుక అంతర్జాతీయంగా అనేక కారణాలు కనిపిస్తున్నాయి. ప్రపంచ మార్కెట్లలో కొనుగోళ్ల సందడి కనిపిస్తోంది. అంతే కాదు అటు వెండి ధరల్లో కూడా తగ్గుముఖం కనిపిస్తోంది. ముఖ్యంగా పసిడి ధరలు తగ్గుముఖం పట్టడానికి, ప్రపంచ వ్యాప్తంగా ఉన్న స్టాక్ మార్కెట్లలో పాజిటివిటీ నెలకొని ఉండటం ఒక కారణంగా నిపుణులు పేర్కొంటున్నారు.
మరోవైపు దేశీయంగా కూడా బంగారం ధరలు తగ్గుముఖం పడుతున్నాయి. దీని వెనక ఎంసీఎక్స్ లో పసిడి ఫ్యూచర్లు తగ్గడం ఒక కారణంగా చెప్పవచ్చు. అలాగే కేడియా కమోడిటీస్‌కు చెందిన అజయ్ కేడియా ప్రకారం, ఫెడరల్ రిజర్వ్ వడ్డీ రేటు పెంపుపై పెట్టుబడిదారుల ఆశలు సన్నగిల్లడంతో బంగారం బలమైన డాలర్‌తో పోలిస్తే పడిపోతోందని అంచనా వేశారు. అంతేకాదు ఫెడరల్ రిజర్వ్ తన రాబోయే సమావేశాల్లో వడ్డీ రేట్లను ఎంత పెంచుతుందని పెట్టుబడిదారులు ఊహాగానాలు కొనసాగించడంతో బంగారం, వెండి ధర తగ్గింది.
మోతీలాల్ ఓస్వాల్ ఫైనాన్షియల్ సర్వీసెస్ కమోడిటీస్ రీసెర్చ్ సీనియర్ వైస్ ప్రెసిడెంట్ నవనీత్ దమానీ మాట్లాడుతూ, "రాబోయే నెలల్లో సురక్షితమైన బులియన్ డిమాండ్, US ఫెడరల్ రిజర్వ్ వడ్డీ రేట్ల పెంపుపై భౌగోళిక-రాజకీయ ఆందోళనలు ప్రభావం చూపుతాయి." దూకుడు వైఖరిని మృదువుగా చేయాలనే అంచనాలు వెలువడుతున్నాయి.
అంతర్జాతీయ మార్కెట్లో ఔన్స్ బంగారం ధర 2000 డాలర్ల దిగువకు పడిపోయింది, వెండి ఔన్స్‌కు 30 డాలర్ల దిగువకు చేరింది. హెచ్‌డిఎఫ్‌సి సెక్యూరిటీస్ రీసెర్చ్ విశ్లేషకుడు దిలీప్ పర్మార్ మాట్లాడుతూ, మెరుగైన ఆర్థిక డేటా వెలువడుతుందనే ఆశలతో యుఎస్ బాండ్ ఈల్డ్‌లు స్వల్పంగా పెరిగాయి. దీంతో కామెక్స్‌లో బంగారం ధరలు తగ్గాయి.