బంగారం అంటే ఇష్టం లేనివాళ్లు ఎవరైనా ఉంటారా? ముఖ్యంగా ఇండియన్స్... చేతిలో కాస్త ఎక్కువ మొత్తంలో డబ్బు ఉంది అంటే చాలు బంగారం కొనేస్తారు. ఇక ఇంట్లో పెళ్లి, శుభకార్యం ఏదైనా ఉంది బంగారం కొనకుండా.. అది పూర్తవ్వదు. కానీ.. ఈ రోజుల్లో బంగారం ధర ఆకాశాన్ని తాకుతోంది. దీంతో బంగారం కొనాలంటేనే భయం వేస్తోంది.
కానీ, మీకు తక్కువ ధరకే బంగారం కావాలా? తక్కువ ధరకు బంగారం కొనాలంటే విదేశాలకే వెళ్లాల్సిన అవసరం లేదు. మన దేశంలో కూడా ఒక రాష్ట్రంలో మన దగ్గర కంటే తక్కువకే బంగారం కొనచ్చు. మరి, ఆ రాష్ట్రం ఏంటి అనే వివరాలు ఇప్పుడు చూద్దాం..
25
భారతదేశంలో తక్కువ ధరకు బంగారం కొనండి
భారత దేశం మొత్తం ఒకే బంగారం ధర ఉండదు. రాష్ట్రాలు, నగరాల మధ్య బంగారం ధరలు మారుతూ ఉంటాయి. దేశంలోని వివిధ రాష్ట్రాల్లో బంగారం ధరలు మారడానికి దిగుమతి పన్నులు, రవాణా ఖర్చులు, స్థానిక డిమాండ్ వంటి అనేక కారణాలు ఉన్నాయి. కానీ భారతదేశంలో చౌకగా బంగారం కొనగలిగే ఒక రాష్ట్రం ఉందని మీకు తెలుసా? వ్యక్తులు ఎక్కువగా బంగారం కలిగి ఉన్న రాష్ట్రాల్లో కూడా ఈ రాష్ట్రం అగ్రస్థానంలో ఉంది.
35
బంగారం ధర
భారతదేశంలోనే కేరళలో బంగారం తక్కువ ధరకు దొరుకుతుంది. కేరళలో బంగారం ధర తగ్గడానికి చాలా కారణాలు ఉన్నాయి. సమీపంలోని ఓడరేవుల నుంచి బంగారాన్ని దిగుమతి చేసుకోవడం ఒక ముఖ్యమైన కారణం. ఇది రవాణా ఖర్చులను గణనీయంగా తగ్గిస్తుంది. అంతేకాకుండా, బంగారు వ్యాపారుల్లో పన్ను ఎగవేత కూడా జరుగుతోందని చెబుతున్నారు.
45
భారతదేశంలో చౌకైన బంగారం..
పన్ను ఎగవేత నుంచి వచ్చే పొదుపు ద్వారా వినియోగదారులకు తక్కువ ధరలకు బంగారాన్ని అందిస్తున్నారు. ఫలితంగా, దేశంలోని ఇతర ప్రాంతాలతో పోలిస్తే కేరళలో బంగారం ధర తక్కువగా ఉంది.
కేరళలో వ్యక్తిగత బంగారం వినియోగం భారతదేశంలోనే అత్యధికం. వరల్డ్ గోల్డ్ కౌన్సిల్ (WGC) సమాచారం ప్రకారం, కేరళలో బంగారం వినియోగం ఏడాదికి 200-225 టన్నులు. కేరళ ప్రజలు ఎంతగా బంగారాన్ని ఇష్టపడతారో ఇది నిరూపిస్తుంది.
55
భారతదేశంలో బంగారం వినియోగం
కేరళ తర్వాత, కర్ణాటక, తమిళనాడు, ఆంధ్రప్రదేశ్, పశ్చిమ బెంగాల్ వంటి రాష్ట్రాలు కూడా చౌకైన బంగారం జాబితాలో ఉన్నాయి. అయితే, బంగారం వ్యాపారానికి ఒక ఉపయోగకరమైన కేంద్రంగా ఉండే దాని ఆర్థిక, భౌగోళిక పరిస్థితుల కారణంగా, కేరళ పేరు నిరంతరం అగ్రస్థానంలో ఉంది. ఈ కారణంగా, కేరళ లో బంగారం ధర కాస్త తక్కువగా ఉంటుంది. మీరు హ్యాపీగా వెళ్లి.. అక్కడ బంగారం కొనుక్కోవచ్చు.
