Automatic Cars: రూ.7 లక్షలలోపు వచ్చే టాప్ 5 బెస్ట్ ఆటోమేటిక్ కార్లు

Automatic Cars: సిటీ ట్రాఫిక్‌లో పదేపదే క్లచ్, గేర్లు మార్చే పనిలేకుండా సాఫీగా సాగే ఆటోమేటిక్ కార్లు కొనేందుకు ఎక్కువ మంది ఇష్టపడుతున్నారు. ఇక్కడ మేము రూ.7 లక్షల లోపు బడ్జెట్‌లో ఉన్న బెస్ట్ ఆటోమేటిక్ కార్లు ఏవో చూద్దాం.

టాటా టియాగో

తక్కువ బడ్జెట్లో వచ్చే కార్లలో టాటా టియాగో ఒక హిట్ మోడల్. దీని 1.2-లీటర్ పెట్రోల్ ఇంజిన్‌లో AMT ఆటోమేటిక్ గేర్‌బాక్స్ ఆప్షన్ ఉంది. CNG వేరియంట్‌లో కూడా AMT ఆప్షన్ అందించే కొన్ని కార్లలో ఇది ఒకటి కావడం విశేషం. సిటీ ట్రాఫిక్‌లో చాలా సులభంగా నడపవచ్చు. దీని ప్రారంభ ఎక్స్-షోరూమ్ ధర సుమారు రూ.6 లక్షలు. ఆన్ రోడ్ ధర ఏడు లక్షల వరకు అవుతుంది.

టాటా టిగోర్

సెడాన్ కారే కావాలనుకునేవారికి టాటా టిగోర్ మంచి ఛాయిస్. ఇందులో కూడా 1.2-లీటర్ పెట్రోల్, CNG ఇంజిన్ ఆప్షన్లతో పాటు AMT గేర్‌బాక్స్ అందుబాటులో ఉంది. పెద్ద బూట్ స్పేస్, సౌకర్యవంతమైన క్యాబిన్ ఉండటంతో కుటుంబంతో ప్రయాణించడానికి ఇది మంచి కారు. దీని ప్రారంభ ధర సుమారు రూ.6.8 లక్షలు.

నిస్సాన్ మాగ్నైట్

కాంపాక్ట్ ఎస్‌యూవీ కావాలనుకునేవారికి నిస్సాన్ మాగ్నైట్ కొనుక్కోవడం మంచిది. ఇందులో 1.0-లీటర్ సాధారణ పెట్రోల్ ఇంజిన్‌తో EZ-షిఫ్ట్ AMT గేర్‌బాక్స్, 1.0-లీటర్ టర్బో పెట్రోల్ ఇంజిన్‌తో CVT ఆటోమేటిక్ ట్రాన్స్‌మిషన్ అందుబాటులో ఉన్నాయి. సిటీలోనే కాదు, హైవేపైనా ఈ కారు స్మూత్ డ్రైవింగ్ అనుభవాన్ని ఇస్తుంది. దీని ప్రారంభ ధర సుమారు రూ.6.24 లక్షలు.

హ్యుందాయ్ ఎక్స్‌టర్

మైక్రో ఎస్‌యూవీలలో హ్యుందాయ్ ఎక్స్‌టర్ అద్భుతంగా ఉంటుంది. దీని 1.2-లీటర్ పెట్రోల్ ఇంజిన్‌లో AMT గేర్‌బాక్స్ ఆప్షన్ ఉంది. మోడరన్ డిజైన్, మంచి భద్రతా ఫీచర్లు, ప్రీమియం ఫీచర్లతో ఈ సెగ్మెంట్‌లో ఇది ప్రత్యేకంగా నిలుస్తుంది. దీని ప్రారంభ ధర సుమారు రూ.6.95 లక్షలు.

రెనో కైగర్

ఎస్‌యూవీల జాబితాలో మరో మంచి మోడల్ రెనో కైగర్. ఇందులో 1.0-లీటర్ సాధారణ పెట్రోల్ ఇంజిన్‌తో AMT ఆప్షన్, 1.0-లీటర్ టర్బో పెట్రోల్ ఇంజిన్‌తో CVT ఆటోమేటిక్ గేర్‌బాక్స్ అందుబాటులో ఉన్నాయి. మంచి పెర్ఫార్మెన్స్, సౌకర్యవంతమైన డ్రైవింగ్ కోరుకునేవారికి కైగర్ మంచి ఛాయిస్. దీని ప్రారంభ ఎక్స్-షోరూమ్ ధర సుమారు రూ.6.99 లక్షలు.