ఏప్రిల్ తర్వాత బంగారం కొనే వాళ్లకి లక్కీ ఛాన్స్

Union Budget 2025: మీరు బంగారం కొనే ఆలోచనలో ఉన్నారా? ఒక్క క్షణం ఆగండి. ఏప్రిల్ తర్వాత బంగారం కొనే వాళ్లు చాలా లక్కీ అవుతారు. ఎందుకో తెలుసుకుందాం రండి. 

బంగారం ధరలు రోజు రోజుకూ పెరడగమే తప్ప తగ్గడం అనేది చరిత్రలో లేదు. మధ్య మధ్యలో కాస్త తగ్గనా సరాసరి చూస్తే ప్రతి సంవత్సరం పెరుగుతూనే ఉంటుంది. అందుకే చాలా మంది తమ సేవింగ్స్ ని బంగారం రూపంలో దాచుకుంటారు. అయితే ప్రస్తుతం మీరు కూడా మీ దగ్గర ఉన్న డబ్బులతో బంగారం కొనాలని అనుకుంటే ఏప్రిల్ దాకా ఆగండి. ఆ తర్వాత కొన్న వారికి చాలా ప్రయోజనాలు కలుగుతాయి. అవేంటో ఇప్పుడు చూద్దాం. 

కేంద్ర ఆర్థిక శాఖా మంత్రి నిర్మలా సీతారామన్ ఫిబ్రవరి 1న బడ్జెట్ ప్రవేశ పెట్టారు. అందులో బంగారం, వెండిపై  కస్టమ్ డ్యూటీని 15 శాతం నుంచి 6 శాతానికి తగ్గించారు. ఇది బంగారంపై పెట్టుబడి పెట్టే వారికి నిజంగా శుభవార్త. ఎందుకంటే తగ్గిన కస్టమ్ డ్యూటీ వల్ల బంగారం, వెండి ధరలు తగ్గే అవకాశం ఉంది. 

కేంద్ర ప్రభుత్వం గోల్డ్, సిల్వర్ పై కస్టమ్ డ్యూటీని తగ్గించడానికి ఓ బలమైన కారణం ఉంది. అదేంటంటే బంగారం, వెండి లిక్విడిటీ పెంచేందుకు ఇలా కస్టమ్ డ్యూటీని తగ్గించారు. అందుకే బంగారం, వెండి ధరలు తగ్గి, వాటిని దేశ వ్యాప్తంగా డిమాండ్ పెరిగే ఛాన్స్ ఉంది. 

కస్టమ్ డ్యూటీ తగ్గించడం వల్ల వ్యాపారులు ఎక్కువ మొత్తంలో దిగుమతి చేసుకుంటారు. దీని వల్ల ఇల్లీగల్ దిగుమతులు కూడా తగ్గిపోతాయి. దేశ వ్యాప్తంగా ప్రజల నుంచి గోల్డ్ కు డిమాండ్ పెరుగుతుంది. దీంతో నగల తయారీ రంగం కూడా ఊపందుకుంటుంది. నగల తయారీ ఎక్కువగా జరిగితే విదేశాలకు ఎగుమతులు కూడా పెరుగుతాయి. దీని ద్వారా కూడా కేంద్రానికి ట్యాక్స్ లభిస్తుంది. 

బంగారం దిగుమతులు ఎక్కువగా చేసే కల్యాణ్ జ్యువెలర్స్, టైటాన్ వంటి కంపెనీలకు ఈ వార్త కలిసొచ్చే విషయం. ఎందుకంటే స్టాక్ మార్కెట్ లో వాటి షేర్లు పెరగడానికి ఛాన్స్ ఉంటుంది. ఎటు చూపినా బంగారం, వెండిపై కస్టమ్స్ డ్యూటీ తగ్గించడం వల్ల కేంద్రానికి భారీ లాభమే జరగనుందని అర్థమవుతోంది. 

కస్టమ్ డ్యూటీ 15 నుంచి 6 శాతం తగ్గడంతో దిగుమతులు పెరుగుతాయి. బంగారం దిగుమతి చేసుకొనే వ్యాపారులు ఇప్పుడు ఆర్డర్స్ ఇస్తే ఏప్రిల్ లోపు వారికి అందుతాయి. అప్పటికి బంగారం ధరలు కచ్చితంగా తగ్గుతాయని వ్యాపార నిపుణులు ధీమాగా చెబుతున్నారు. అందువల్ల బంగారం కొనాలన్న ఆలోచన ఉన్న వారు  ఏప్రిల్ నెల తర్వాత కొనేలా ప్లాన్ చేసుకుంటే కచ్చితంగా లాభపడతారు. 

ప్రస్తుతం హైదరాబాద్ లో గోల్డ్, సిల్వర్ రేట్లు ఎలా ఉన్నాయంటే.. 
24 క్యారెట్స్ 10 గ్రాముల బంగారం రూ.84,490గా ఉంది. 
అదే 22 క్యారెట్స్ 10 గ్రాముల బంగారం రూ.77,450 గా ఉంది. 
సిల్వర్ 1 కిలో ధర రూ.1,07,000గా ఉంది.