దీర్ఘకాలిక పెట్టుబడులను మారథాన్ లతో పోలుస్తుంటారు. చిన్న మొత్తం అయినా ఎక్కువ కాలం పెట్టుబడి పెడితే అత్యధిక రాబడి దక్కుతుంది. దానికి సరైన ఉదాహరణ SBI లాంగ్ టర్మ్ ఈక్విటీ ఫండ్. ఈ పథకంలో SIP ద్వారా తక్కువ పెట్టుబడితో 32 ఏళ్లలో కోటి రూపాయల రాబడి పొందవచ్చు. ఈ ఫండ్‌కు 3 సంవత్సరాల లాక్-ఇన్ పీరియడ్ ఉంటుంది, ఇది దీర్ఘకాలిక పెట్టుబడికి అనుకూలమైన పథకం.
మ్యూచువల్ ఫండ్లలో నెలనెలా పెట్టుబడి పెట్టేదే సిస్టమాటిక్ ఇన్వెస్ట్మెంట్ ప్లాన్. దీన్ని ఎంత ఎక్కువకాలం కొనసాగిస్తే అంత అత్యధికంగా లాభాలు పొందవచ్చు. అందుకే ఈక్విటీ మార్కెట్‌ను ఎప్పుడూ ఒక మారథాన్‌తో పోలుస్తారు. ఇన్వెస్ట్‌మెంట్లు చేసేవాళ్లు ఇందులో ఎక్కువ రాబడి పొందొచ్చు.
SBI లాంగ్ టర్మ్ ఈక్విటీ ఫండ్‌లో నెలనెలా రూ.1000 కూడా పెట్టుబడి పెట్టవచ్చు. 32 ఏళ్లుగా నెలకు ₹1,000 ఇన్వెస్ట్ చేస్తే, SIPతో కోటి రూపాయల కంటే ఎక్కువ రిటర్న్ వస్తుంది. ఆ మొత్తాన్ని పెంచుకుంటూ వెళ్తే మరింత అధిక ఆదాయం వస్తుంది. చక్రవడ్డీతో లక్షల పెట్టుబడితోనే కోటీశ్వరులు అవ్వొచ్చు. SBI లాంగ్ టర్మ్ ఈక్విటీ ఫండ్ అలాంటిది.
SBI లాంగ్ టర్మ్ ఈక్విటీ ఫండ్ అనేది 3 ఏళ్ల లాక్-ఇన్ పీరియడ్ ఉన్న ఓపెన్-ఎండెడ్ స్కీమ్. అంటే మూడేళ్ల వరకు మీరు పెట్టిన పెట్టుబడిని తీసుకోవడానికి వీలుండదు. లాంగ్ టర్మ్ ఈక్విటీ ఫండ్‌లో 32 ఏళ్లుగా SIP ద్వారా ₹10,000 ఇన్వెస్ట్ చేస్తే ఎక్కువ రిటర్న్ వస్తుంది.
ఈ ఫండ్ మార్కెట్‌లోకి 1993లో వచ్చింది. మొదట్లో డివిడెండ్ ఆప్షన్‌లో ఉంది. తర్వాత 2007లో వృద్ధిలోకి వచ్చింది. 1993 నుంచి SIP ద్వారా ఈ ఫండ్‌లో నెలకు ₹10,000 ఇన్వెస్ట్ చేస్తే, 2025 మార్చి 28 నాటికి ₹14.44 కోట్లకు చేరేది. ఈ ఫండ్ యొక్క మొత్తం CAGR 17.94%.
SIP ద్వారా ఈ ఫండ్‌లో ₹1,000 ఇన్వెస్ట్ చేస్తే, 32 ఏళ్లలో ₹1.4 కోట్లు పొందేవాళ్లు. 15 ఏళ్లకు 16.03% వార్షికంగా, 10 ఏళ్లకు 17.59% వార్షికంగా ఉంది. ఈ ఫండ్ 5 ఏళ్లలో 24.31% రిటర్న్ ఇచ్చింది. మీ పిల్లల చదువు, పెళ్లి, వాళ్ల భవిష్యత్తు అవసరాల కోసం పెట్టుబడి పెట్టాలనుకుంటే.. ఇది చాలా అనుకూలమైన పథకం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి