Power beats Pro 2: మీ హార్ట్ బీట్ ని చెప్పే బెస్ట్ ఇయర్‌ఫోన్స్ ఇవిగో

Power beats Pro 2: మీరు ఫిట్‌నెస్ కోసం కష్టపడుతుంటారా? లేదా మీరు క్రీడాకారులా? మీలాంటి వారి కోసం బీట్స్ కంపెనీ వైర్‌లెస్ ఇయర్‌ఫోన్స్ మోడల్ పవర్‌బీట్స్ ప్రో 2ని విడుదల చేసింది. హార్ట్ బీట్ ని మానిటరింగ్ చేసే ఈ ఇయర్ ఫోన్స్ ధర, ఫీచర్స్ తెలుసుకుందాం రండి. 

ఫిట్‌నెస్ కోసం కసరత్తులు చేసే వారికి, క్రీడాకారుల కోసం రూపొందించిన వైర్‌లెస్ ఇయర్‌ఫోన్స్ ఇవి. ఈ ఇయర్‌ఫోన్‌లు ట్రాన్స్‌పరెన్సీ మోడ్‌లతో పాటు యాక్టివ్ నాయిస్ క్యాన్సిలేషన్ (ANC), డైనమిక్ హెడ్ ట్రాకింగ్‌, స్పేషియల్ ఆడియో, వాయిస్ ఐసోలేషన్ సపోర్ట్ వంటి ఫీచర్‌లను కలిగి ఉన్నాయి. ఇవి వైర్‌లెస్ డివైజ్ ద్వారా ఛార్జింగ్‌ అవుతాయి. అంతేకాకుండా USB టైప్-C పోర్ట్‌ను కూడా కలిగి ఉన్నాయి.

పవర్‌బీట్స్ ప్రో 2 ధర, రంగులు 

పవర్‌బీట్స్ ప్రో 2 ధర రూ. 29,900. జెట్ బ్లాక్, క్విక్ సాండ్, హైపర్ పర్పుల్ మరియు ఎలక్ట్రిక్ ఆరెంజ్ అనే నాలుగు రంగులలో లభిస్తుంది. ఈ డివైస్ ఫిబ్రవరి 13న మార్కెట్లోకి అందుబాటులోకి వస్తుంది.

స్పెసిఫికేషన్లు, ఫీచర్లు

డైనమిక్ హెడ్ ట్రాకింగ్, స్పేషియల్ ఆడియోతో, లేెెటెస్ట్ వెర్షన్ ఇయర్ ఫోన్స్ ఇవి. వీటిల్లో అదనంగా అడాప్టివ్ EQని ఉంది. ఇది వినియోగదారుల చెవికి అనుకూలంగా సెట్ అవుతుంది. ఇయర్‌బడ్‌లు ట్రాన్స్‌పరెన్సీ మోడ్, యాక్టివ్ నాయిస్ క్యాన్సిలేషన్ (ANC)లను కూడా కలిగి ఉన్నాయి. దాదాపు 1,000 మంది అథ్లెట్లు పవర్‌బీట్స్ ప్రో 2ని పరీక్షించారని కంపెనీ ప్రకటించింది. 

ఇదే పవర్‌బీట్స్ ప్రో 2 స్పెషాలిటీ

LED ఆప్టికల్ సెన్సార్‌లను ఉపయోగించి సెకనుకు 100 కంటే ఎక్కువ సార్లు రక్త ప్రవాహాన్ని కొలిచే హార్ట్ రేట్ మానిటరింగ్ కొత్త మోడల్‌ ప్రత్యేకత. రన్నా, నైక్ రన్ క్లబ్, ఓపెన్ వంటి అనేక ఫిట్‌నెస్ యాప్‌లు ఈ డేటాను యాక్సెస్ చేయగలవు. వ్యాయామాల సమయంలో వినియోగదారులు వారి హృదయ స్పందన రేటును చెక్ చేసుకోవచ్చు. 

పవర్‌బీట్స్ ప్రో 2 క్లాస్ 1 బ్లూటూత్‌ను కూడా కలిగి ఉంది. ఇది ఆపిల్ పరికరాల కోసం ఆటోమేటిక్ స్విచింగ్, వన్ టచ్ పెయిరింగ్‌ను అనుమతిస్తుంది. అదనంగా ఇది ఫైండ్ మై, ఆడియో షేరింగ్, హ్యాండ్స్ ఫ్రీ సిరి యాక్టివేషన్ వంటి ఫంక్షన్‌లను కలిగి ఉంటుంది. 

బ్యాటరీ, ఛార్జ్

ఆపిల్ రూపొందించిన H2 చిప్‌ని ఉపయోగించి పవర్‌బీట్స్ 45 గంటల బ్యాటరీ లైఫ్‌ను కలిగి ఉంది. కేవలం ఐదు నిమిషాల ఛార్జ్‌తో దాదాపు 90 నిమిషాల ప్లేబ్యాక్ సాధ్యమవుతుంది.