రైలు టికెట్ కొంటే.. మనకు ఇన్ని ఫ్రీగా వస్తాయా? ఇప్పటి వరకు తెలీదే..!
First Published | Nov 18, 2024, 12:36 PM IST
ట్రైన్ టికెట్ కొనడం వల్ల మనకు ఉచితంగా కొన్ని సదుపాయాలు లభిస్తాయని మీకు తెలుసా? ఇప్పటి వరకు మీకు నిజంగా తెలిసి ఉండకపోచవచ్చు.
☰
మనలో చాలా మంది రెగ్యులర్ గా రైలు ప్రయాణం చేస్తూనే ఉంటారు. ట్రైన్ ఎక్కాలంటే టికెట్ తీసుకోవడం చాలా కామన్. అయితే.. ట్రైన్ టికెట్ కొనడం వల్ల మనకు ఉచితంగా కొన్ని సదుపాయాలు లభిస్తాయని మీకు తెలుసా? ఇప్పటి వరకు మీకు నిజంగా తెలిసి ఉండకపోచవచ్చు. ఉచితంగా ఆహారం, పడక గది ఇలా సదుపాయాలు పొందొచ్చు. అదెలా పొందాలో ఇప్పుడు తెలుసుకుందాం…
MEMU Trains
1.ఉచిత ఆహారం…
రైలు టికెట్ కొన్నందుకు మనం ఉచిత భోజనం పొందవచ్చు. అయితే.. మీరు రాజధాని, దుంతో, శతాబ్ధి వంటి ప్రీమియం ట్రైన్ లోనే ప్రయాణించాలి. అక్కడ కూడా ఒక కండిషన్ అప్లై అవుతుంది. కనీసం రెండు గంటలు రైలు ఆలస్యం అవ్వాలి. అప్పుడు మాత్రమే మీకు ఉచితంగా భోజనం అందుతుంది. మీరు ఏదైనా మంచి ఆహారం తినాలి అనుకుంటే.. ఈ కేటరింగ్ సేవ ద్వారా ఫ్రీగగా ఫుడ్ ఆర్డర్ చేసుకోవచ్చు.
2.ఉచిత బెడ్ షీట్…
భారతీయ రైల్వే సుదూర ప్రయాణం కోసం ఏసీ1, ఏసీ2, ఏసీ3 కోచ్ లలో తన ప్రయాణీకులకు ఒక దుప్పటి, ఒక దిండు, రెండు బెడ్ షీట్లు, ఒక టవల్ ను ఇస్తారు. కానీ గరీబ్ రథ్ ఎక్స్ ప్రెస్ లో దీనికి రూ.25 చెల్లించాలి. ఇది కాకుండా, కొన్ని రైళ్లలో ప్రయాణీకులు స్లీపర్ క్లాస్ లో స్లీపింగ్ వసతి కూడా పొందవచ్చు.
Latest Videos
Trains
3.ఉచిత వైద్య సహాయం…
రైలులో ప్రయాణిస్తున్నప్పుడు మీకు ఏదైనా ఆరోగ్య సమస్య తలెత్తినా కూడా ఉచితంగా వైద్య సహాయం కూడా అందిస్తారు. ముందుగా ప్రథమ చికిత్స అందిస్తారు. పరిస్థితి విషమించే అవకాశం ఉంటే.. రైల్వే అధికారులు తదుపరి చికిత్స కూడా అందిస్తారు.
4. ఉచిత వెయిటింగ్ హాల్: చాలా సార్లు మీరు రైలు కోసం వేచి ఉండాలి. మీరు రైలు ఎక్కడానికి ముందుగానే స్టేషన్‌కు వెళ్లవలసి వస్తే, వేచి ఉండవలసి వస్తే, మీరు వెయిటింగ్ సౌకర్యాన్ని కూడా ఉపయోగించవచ్చు. స్టేషన్‌లోని ఏసీ లేదా నాన్‌ఏసీ వెయిటింగ్ హాల్‌లో ప్రయాణికులు వేచి ఉండొచ్చు. దీని కోసం మీరు మీ రైలు టిక్కెట్‌ను చూపించాలి.
5.ఫ్రీగా లగేజ్ ఉంచడానికి…
దేశంలోని అన్ని ప్రధాన రైల్వే స్టేషన్లలో వస్తువులను నిల్వ చేయడానికి నిల్వ గదులు ఉన్నాయి. లాకర్ రూమ్, క్లోక్ రూమ్ అని పిలువబడే ఈ గదులలో మీరు మీ వస్తువులను గరిష్టంగా 1 నెల వరకు ఉంచవచ్చు. అయితే దీనికి కొంత రుసుము చెల్లించాల్సి ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!