Ampere Magnus Neo: రూ.80,000లకే 100 కి.మీ రేంజ్ దూసుకెళ్లే ఆంపియర్ ఎలక్ట్రిక్ స్కూటర్

Ampere Magnus Neo: మీరు ఎలక్ట్రిక్ స్కూటర్ కొనాలనుకుంటున్నారా? టాప్ కంపెనీల మోడల్స్ అయితే ధర ఎక్కువగా ఉంటాయి. అలాంటి టాప్ కంపెనీలకు పోటీగా నిలుస్తూ తక్కువ ధరకు ఎలక్ట్రిక్ స్కూటర్లను అందిస్తోంది ఆంపియర్ కంపెనీ. ఆంపియర్ మాగ్నస్ నియో మోడల్ ధర, ఫీచర్స్ తదితర వివరాలు తెలుసుకుందాం రండి. 

ఆంపియర్ మాగ్నస్ నియో ఇప్పుడు బడ్జెట్ ఎలక్ట్రిక్ స్కూటర్లలో ఒకటిగా ఫేమస్ అయింది. ఇది తక్కువ ధరకే లభిస్తుంది. ప్రయాణించడానికి సౌకర్యంగా కూడా ఉంటుంది. ఆంపియర్ మాగ్నస్ నియో ఒక్కసారి ఛార్జ్‌ చేస్తే 100 కి.మీ వరకు ఈజీగా వెళ్లొచ్చు.

ఈ స్కూటర్‌లో డిజిటల్ ఫీచర్స్ కూడా ఉన్నాయి. ఇవి మిమ్మల్ని డిజిటల్ వరల్డ్ కి కనెక్ట్ చేసి ఉంచుతాయి. ఈ స్కూటర్ గురించిన మరిన్ని వివరాలు తెలుసుకుందాం. 

ఆంపియర్ మాగ్నస్ నియో ఫీచర్ల లిస్ట్

ఆంపియర్ మాగ్నస్ నియో స్కూటర్ డిజిటల్ ఓడోమీటర్, డిజిటల్ స్పీడోమీటర్, డిజిటల్ ట్రిప్ మీటర్ వంటి అధునాతన సదుపాయాలను కలిగి ఉంది. అంతేకాకుండా నావిగేషన్ సిస్టమ్, లో బ్యాటరీ ఇండికేటర్, ప్యాసింజర్ ఫుట్‌రెస్ట్, ఎల్ఈడీ హెడ్‌లైట్లు, టర్న్ సిగ్నల్ లైట్లు వంటి మంచి ఫీచర్లను కూడా కలిగి ఉంది. ఈ స్కూటర్ లో ఉన్న స్మార్ట్ ఫీచర్లలో ఒకటి ఏంటంటే.. స్మార్ట్ పుష్ బటన్ స్టార్ట్. దీంతో మీకు స్కూటర్ స్టార్ట్ చేయడం చాలా సింపుల్ గా ఉంటుంది. హెల్మెట్ తీసుకెళ్లడానికి సీట్ల కింద అవసరమైనంత స్టోరేజ్ కూడా ఉంది. 

ఆంపియర్ మాగ్నస్ నియో బ్యాటరీ కెపాసిటీ

మాగ్నస్ బ్యాటరీ కెపాసిటీ, విషయానికొస్తే కంపెనీ ఈ స్కూటర్ లో 2.3 kWh బ్యాటరీని అమర్చింది. ఇది నడిపే వారికి బెస్ట్ హై పవర్ ఎక్స్‌పీరియన్స్ అందిస్తుంది.

ఈ స్కూటర్ ఒకసారి ఛార్జ్ చేస్తే 100 కి.మీ రేంజ్‌ వరకు వెళుతుంది. దీని మాక్సిమ్ స్పీడ్ 65 కి.మీ. ఈ స్కూటర్ మగవారికి, ఆడవారికి ఇద్దరికీ సూట్ అవుతుందని ఆంపియర్ కంపెనీ ప్రకటించింది. 

మాగ్నస్ నియో ఆన్‌రోడ్ ధర

ఆంపియర్ కంపెనీ ఇండియాలో ఒక వేరియంట్‌ని మాత్రమే తీసుకొస్తోంది. దీని ధర రూ.79,999 నుంచి స్టార్ట్ అవుతుంది. అయితే ఇందులో మీరు చాలా కలర్ ఆప్షన్స్ ఉన్నాయి. 

ఆంపియర్ మాగ్నస్ నియో సస్పెన్షన్, బ్రేకులు

ఈ స్కూటర్ కి ముందు వైపు మీరు టెలిస్కోపిక్ సస్పెన్షన్, వెనుకవైపు డ్యూయల్ ట్యూబ్ సస్పెన్షన్ ఉన్నాయి.  ఇవి రెండు టైర్లకు డ్రమ్ బ్రేకుల్లో అమర్చారు. అందువల్ల ప్రమాదాలు జరగడానికి మాక్సిమం అవకావం ఉండదు.