ఆదివారం ఈ వస్తువులను దానం చేస్తే మీ ఇళ్లు ఎప్పుడూ సంతోషంగా ఉంటుంది

ఆదివారం సూర్యభగవానుడికి అంకితం చేయబడింది. ఈ రోజు సూర్యభగవానుడిని నిష్టగా పూజిస్తే అంతా మంచే జరుగుతుందని జ్యోతిష్యులు చెబుతున్నారు. అలాగే ఈ రోజు కొన్నింటిని దానం చేస్తే మీ జీవితంలోని అన్ని బాధలు తొలగిపోతాయనే నమ్మకం కూడా ఉంది. ఇందుకోసం ఏమేం దానం చేయాలంటే? 

ఆదివారం నాడు సూర్యుడిని పూజిస్తారు. సనాతన ధర్మంలో సూర్యుడిని గ్రహాలకు రాజుగా భావిస్తారు. అందుకే ఆదివారం నాడు సూర్యదేవుడిని పద్ధతి ప్రకారం పూజించాలని చెప్తారు. ఇలా చేయడం వల్ల ప్రభుత్వ ఉద్యోగాలు వచ్చే అవకాశం ఉందని కూడా నమ్ముతారు. అలాగే ఈ రోజు దానం చేయాలనే నియమం కూడా ఉంది. ఈ దానం వల్ల మీ జీవితంలోని అన్ని రకాల బాధల నుంచి ఉపశమనం పొందుతారని చాలా మంది నమ్ముతారు. మరి ఈ రోజున ఏ వస్తువులను దానం చేయాలో ఇప్పుడు తెలుసుకుందాం.. 

దానం

బెల్లం

జ్యోతిషశాస్త్రం ప్రకారం.. ఆదివారం నాడు బెల్లం దానం చేయాలి. ఈ దానం వల్ల మీరు సూర్యభగవానుడిని ప్రసన్నం చేసుకుంటారు. అలాగే దేవుడి అనుగ్రహం మీపై ఉంటుంది. బెల్లం దానం చేయడం వల్ల మీ జీవితంలోని ఎన్నో కష్టాలు తొలగిపోతాయి. అలాగే సూర్య భగవానుడి ఆశీస్సులతో మీ జీవితం సుఖసంతోషాలతో నిండిపోతుంది. 

ఆదివారం నాడు బెల్లాన్ని, బియ్యాన్ని నీటిలో ప్రవహించనివ్వడం శుభప్రదంగా భావిస్తారు. జ్యోతిషశాస్త్రం ప్రకారం.. ఈ పరిహారాన్ని చేయడం వల్ల సూర్యభగవానుడి దయ మీ పట్ల ఉంటుంది. ఆయన అనుగ్రహం కూడా మీపై ఉంటుంది. 

ఆదివారం నాడు ఇంటి నుంచి బయటకు వెళ్లేటప్పుడు నుదుటిపై ఎర్రని తిలకాన్ని పెట్టుకోవాలని జ్యోతిష్యులు చెబుతున్నారు. ఇలా చేయడం వల్ల పనిలో ఎదురయ్యే ఇబ్బందులు కొన్ని రోజుల్లో తొలగిపోతాయి. అలాగే అశుభ గ్రహాల ప్రభావం కూడా పోతుంది. 

Image: Getty

జ్యోతిషశాస్త్రం ప్రకారం.. ఈ రోజు కాపర్ ను దానం చేయడాన్ని కూడా చాలా పవిత్రంగా భావిస్తారు. ఈ దానం వల్ల మీ రంగంలో పురోగతికి బాటలు పడతాయి. అలాగే సూర్యభగవానుడి అనుగ్రహం కూడా లభిస్తుంది.