ఆర్టిఫిషియల్ టెక్నాలజీతో విపణిలోకి 'సామ్‌సంగ్' 5జీ స్మార్ట్ఫోన్లు
By Sandra Ashok Kumar | First Published Feb 12, 2020, 4:13 PM ISTసామ్‌సంగ్ గెలాక్సీ ఎస్ 20 స్మార్ట్ఫోన్ సిరీస్ను ఆవిష్కరించింది. వీటిలో ఆర్టిఫిషియల్ ఇంటెలిజెన్స్(కృత్రిమ మేథస్సు) కెమెరాలను పొందుపరిచినట్లు పేర్కొంది. సామ్‌సంగ్ ఇదే కార్యక్రమంలో 'గెలాక్సీ జెడ్ ఫ్లిప్' అనే మడత (ఫోల్డింగ్) ఫోన్ను కూడా ఆవిష్కరించింది.
న్యూఢిల్లీ: దక్షిణ కొరియా ఎలక్ట్రానిక్ దిగ్గజం సామ్‌సంగ్ విపణిలోకి 5జీ స్మార్ట్ ఫోన్ ఆవిష్కరించింది. ఆర్టిఫిషియల్ ఇంటెలిజెన్స్ కెమెరా టెక్నాలజీతో సామ్‌సంగ్ కొత్తశ్రేణి ఫోన్ తన 'గెలాక్సీ ఎస్ 20 సిరీస్'ని ఆవిష్కరించింది.
హై-ఎండ్ స్మార్ట్ఫోన్ మార్కెట్లో తన స్థానాన్ని మరింత బలోపేతం చేసుకోవడానికి సామ్‌సంగ్ దీన్ని తీసుకొచ్చింది. ప్రస్తుతం అమెరికా టెక్ దిగ్గజం ఆపిల్, చైనా స్మార్ట్ ఫోన్ల తయారీ సంస్థ వన్ప్లస్ నుంచి సామ్‌సంగ్ గట్టిపోటీని ఎదుర్కొంటోంది.
Latest Videos
undefined
also read ఇండియాలో సామ్‌సంగ్ నుండి గెలాక్సీ ఎం31 స్మార్ట్ ఫోన్ లాంచ్
"ఈ కొత్త దశాబ్దంలో కమ్యూనికేషన్ వ్యవస్థను '5జీ' పూర్తిగా మార్చివేయనుంది. అందుకే గెలాక్సీ ఎస్20 వేరియంట్లు-గెలాక్సీ ఎస్ 20, గెలాక్సీ ఎస్ 20+, గెలాక్సీ ఎస్ 20 ఆల్ట్రాలను 5జీ కనెక్టివిటీతో తీసుకొస్తున్నాం’ అని సామ్‌సంగ్ ఎలక్ట్రానిక్స్ ప్రెసిడెంట్, మొబైల్ కమ్యూనికేషన్స్ బిజినెస్ హెడ్ టీఎం రోహ్ చెప్పారు.
సామ్‌సంగ్ 'అన్ప్యాక్డ్ 2020' కార్యక్రమంలో గెలాక్సీ ఎస్ 20 సిరీస్ను ఆవిష్కరించింది. ఇందులో హార్డ్వేర్ ఆధారిత దాడుల నుంచి రక్షించే సరికొత్త, సురక్షితమైన ప్రాసెసర్ వాడినట్లు పేర్కొంది.
గెలాక్సీ ఎస్ 20 సిరీస్ ఫోన్లలోని కెమెరాల రిజల్యూషన్ గణనీయంగా పెంచామని సామ్‌సంగ్ తెలిపింది. ఎస్ 20, ఎస్ 20 ప్లస్ల్లో 64 ఎంపీ కెమెరా, ఎస్ 20 ఆల్ట్రాలో 108 ఎంపీ కెమెరా పొందుపరిచినట్లు స్పష్టం చేసింది.
also read రెడ్‌మి నుండి 8ఎ డ్యూయల్ కొత్త స్మార్ట్ ఫోన్...తక్కువ ధరకే..
గెలాక్సీ ఎస్ 20 సిరీస్ ఫోన్లు మార్చి 6 నుంచి అందుబాటులోకి రానున్నాయని సామ్‌సంగ్ తెలిపింది. వీటి ప్రాథమిక ధర సుమారు రూ.72,000 (999 డాలర్లు), సుమారు రూ. లక్ష (1,399 డాలర్లు) గా ఉంటుందని స్పష్టం చేసింది.
సామ్‌సంగ్ ఇదే కార్యక్రమంలో 'గెలాక్సీ జెడ్ ఫ్లిప్' అనే మడత (ఫోల్డింగ్) ఫోన్ను ఆవిష్కరించింది. ఇది సామ్‌సంగ్ తొలి మడత ఫోను 'గెలాక్సీ ఫోల్డ్' కంటే భిన్నంగా ఉంది. ఈ కొత్త మడత ఫోన్ స్క్రీన్ను 2,00,000 సార్లు మడతపెట్టి, విప్పుకోవచ్చని కంపెనీ తెలిపింది. దీనిని ఈ నెల 14వ తేదీన విడుదల చేయనున్నట్లు తెలిపింది. దీని ధర సుమారు రూ.99 వేలు (1,380 డాలర్లు) ఉంటుందని పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి