ఏడాది చివర్లో విపణిలోకి రియల్ మీ ఎక్స్ 2 ప్రో..
By Arun Kumar P | First Published Oct 12, 2019, 4:26 PM ISTచైనా స్మార్ట్ ఫోన్ల దిగ్గజం రియల్ మీ తన ఎక్స్ 2 ప్రో మోడల్ ఫోన్ను ఈ ఏడాది చివరిలోగా భారత విపణిలోకి విడుదల చేయనున్నది. ఈ నెల 15వ తేదీన చైనా, యూరప్ దేశాల్లో విడుదల చేసేందుకు రంగం సిద్ధం చేసుకున్నది.
న్యూఢిల్లీ: చైనా స్మార్ట్ ఫోన్ దిగ్గజాల్లో ఒక్కటైన రియల్ మీ.. భారత విపణిలోకి మరో కొత్త ఫోన్ను విడుదల చేయనుంది. డిసెంబర్లో కొత్త రియల్మీ ఎక్స్-2 ప్రోను విడుదల చేస్తున్నట్లు ప్రకటించింది. దానితో పాటు ఎక్స్టీ 730జీ ఫోన్ కూడా విడుదల చేయనున్నట్లు తెలిపింది.
ఎక్స్-2 ప్రో మొబైల్ను భారత విపణిలోకి విడుదల చేసేందుకు సిద్ధమవుతోంది రియల్మీ సంస్థ. ఈ డిసెంబర్లో విడుదల చేయనున్నట్లు సంస్థ సీఈఓ మాధవ్ శేఠ్ ఇటీవల ట్విట్టర్ ద్వారా వెల్లడించారు. ఈనెల 15న చైనాలోనూ, యూరప్ లోనూ విడుదల చేస్తున్నట్లు తెలిపారు.
Latest Videos
undefined
రియల్మీలో ప్రస్తుతం ఉన్న ఎక్స్ సిరీస్కు ఆధునిక హంగులతో ఎక్స్-2 ప్రోను రూపొందించినట్లు సంస్థ పేర్కొంది. వన్ప్లస్ 7టీ సిరీస్ తరహాలో ఎక్స్-2 ప్రో ఫోన్ తీసుకు రానున్నారు.
అంటే రియల్ మీ ఎక్స్ 2 ప్రో ఫోన్ లోనూ క్వాల్కమ్ స్నాప్డ్రాగన్ 855+ ఎస్ఓసీ ప్రాసెసర్, 8జీబీ ర్యామ్ విత్ 256 జీబీ ఇంటర్నల్ మెమొరీ, 90హెచ్జడ్ స్క్రీన్, ఎల్ఈడీ డిస్ప్లే, ఫింగర్ ప్రింట్ స్కానర్ ఉన్నట్లు సంస్థ సీఈఓ మాధవ్ శేఠ్ తెలిపారు.
ఇంకా 4000 ఎంఏహెచ్ సామర్థ్యం గల బ్యాటరీ, 50 వాట్స్ సూపర్ వూక్ ఛార్జింగ్ సపోర్ట్, ఆండ్రాయిడ్ 9 పై-కలర్ ఓఎస్ 6.2 ఎక్స్-2 ప్రో ప్రత్యేకతలు. రియల్మీ ఎక్స్టీ తరహాలో అల్ట్రా వైడ్ యాంగిల్ క్వాడ్ కెమెరా సెటప్, సూపర్ మాక్రో లెన్స్, 32 మెగా పిక్సెల్ సెల్ఫీ కెమెరా, ప్రత్యేక డిజైన్ వంటి ఫీచర్లు ఉంటాయి.
ఇక భారత విపణిలో ఇప్పటికే విడుదల చేసిన రియల్మీ ఎక్స్టీ ఫోన్లకు అదనపు హంగులతో రియల్మీ ఎక్స్టీ 730జీ ఫోన్ కూడా డిసెంబర్లో విడుదల చేసేందుకు సిద్ధమైంది. ఎక్స్-2 ప్రోలో ఉన్న అన్నిరకాల ఫీచర్స్ ఇందులో ఉంటాయి.
రెండింటి మధ్య తేడా స్నాప్డ్రాగన్ 730జీ చిప్ మాత్రమే. ప్రధానంగా వీడియో గేమ్లు ఎక్కువగా ఇష్టపడేవారిని ఆకర్షించే విధంగా రూపొందించారు.డ్యుయల్ బాండ్ వై-ఫై, జీపీఎస్ విత్ డ్యూయల్ ఫ్రీక్వెన్సీ సపోర్ట్, లిక్విడ్ కూలింగ్, ఫ్రేమ్ బూస్ట్ 2.0, టచ్ బూస్ట్ వంటి ఫీచర్లు జత చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి