Vishwak Sen Birthday: విశ్వక్ సేన్ ముఖచిత్రం, పవర్ ఫుల్ లాయర్ గా యంగ్ స్టార్

అడ్వకేట్ అవతారం ఎత్తాడు యంగ్ స్టార్ విశ్వక్ సేన్. సరికొత్త కథలు.. సరికొత్త క్యారెక్టర్స్ ను కోరిమరీ ఎంచుకుంటున్నాడు విశ్వక్. ఈసారి డెస్ట్ రోల్ కోసం అడ్వకేట్ అవతారం ఎత్తాడు. విశ్వక్ బర్త్ డే సందర్భంగా ఫస్ట్ లుక్ ను రిలీజ్ చేశారు మేకర్స్. 

వికాస్ వశిష్ట, ప్రియ వడ్లమాని, చైతన్య రావ్, అయేషా ఖాన్ ప్రధాన పాత్రల్లో నటిస్తున్న సినిమా ముఖచిత్రం. కలర్ ఫొటో సినిమా ఫేమ్ సందీప్ రాజ్ కథ స్క్రీన్ ప్లే మాటలు అందించగా.. గంగాధర్ డైరెక్టర్ గా ఈ సినిమాతో టాలీవుడ్ కు పరిచయం కాబోతున్నాడు. ఎస్ కేఎన్ సమర్పణలో పాకెట్ మనీ పిక్చర్స్ పతాకంపై ప్రదీప్ యాదవ్, మోహన్ యల్ల  ఈ సినిమాను నిర్మిస్తున్నారు. 

సరికొత్త కథతో రూపొందిన ముఖచిత్రం సినిమాలో ఓ స్పెషల్ రోల్ చేశారు యువ హీరో విశ్వక్ సేన్. ఈరోజు ( మార్చ్ 29) విశ్వక్ సేన్ పుట్టినరోజు సందర్భంగా ఈ సినిమా నుంచి స్పెషల్ పోస్టర్ రిలీజ్ చేశారు. లాయర్ విశ్వామిత్ర పాత్రలో విశ్వక్ సేన్ కనిపించనున్నారు. ఈ పాత్ర పవర్ ఫుల్ గా ఉంటూ కథలో కీలకంగా వ్యవహరిస్తుంది. 15 నుంచి 20 నిమిషాలు సినిమాలో ఉండే లాయర్ విశ్వామిత్ర క్యారెక్టర్ లో విశ్వక్ సేన్ అద్భుతంగా నటించారు. 

విశ్వక్ సేన్ కు ముఖచిత్ర మూవీ టీమ్ పుట్టినరోజు విశెస్ తెలిపింది. ఇప్పటిదాకా సినిమా నుంచి విడుదల చేసిన టీజర్, పోస్టర్ లుక్స్ ఈ మూవీని ఇంటెన్స్ లవ్ స్టోరీ గా ప్రెజెంట్ చేయగా..ఇప్పుడు విశ్వక్ సేన్ పోస్టర్ రివీల్ తో ఇదొక ఇంట్రెస్టింగ్ కోర్ట్ రూమ్ డ్రామాగా తెలుస్తున్నది. మూవీ టీమ్ లో విశ్వక్ సేన్ యాడ్ అవడంతో ముఖచిత్రం సినిమా మీద మరింత క్రేజ్ పెరిగింది. అన్ని కార్యక్రమాలు పూర్తి చేసుకున్న రిలీజ్ కు రెడీ అవుతుంది. మరి విశ్వక్ ఇమేజ్ ఈసినిమాకు ఏవిధంగా ఉపయోగపడుతుందో చూడాలి.