బ్యాంకాక్ లో చరణ్ ఏం చేస్తున్నాడో చూడండి!

రామ్ చరణ్ హీరోగా దర్శకుడు బోయపాటి ఓ సినిమాను రూపొందిస్తోన్న సంగతి తెలిసిందే. ప్రస్తుతం ఈ సినిమా కొత్త షెడ్యూల్ బ్యాంకాక్ లో జరుగుతోంది. అయితే ఈ సినిమా కోసం చరణ్ తన కోస్టార్ కియారా అద్వానీతో కలిసి జిమ్ లో వర్కవుట్లు చేస్తున్నాడు. ఈ సందర్భంగా తీసిన వీడియో ఇప్పుడు సోషల్ మీడియాలో దర్శనమిస్తోంది.

చరణ్ భార్య ఉపాసన ఈ వీడియోను షేర్ చేస్తూ.. 'మిస్టర్ సి బ్యాంకాక్ లో ఫిట్ అవుతున్నారు. జిమ్ ట్రైనర్ కష్టమైన కసరత్తులు చేయిస్తున్నారు'' అంటూ రాసుకొచ్చింది. 'రంగస్థలం' హిట్ తరువాత చరణ్ నటిస్తోన్న సినిమా కావడంతో ఈ సినిమాపై భారీ అంచనాలు నెలకొన్నాయి. భారీ యాక్షన్ ఎంటర్టైనర్ గా ఈ సినిమాను రూపొందిస్తున్నారు.