ప్రతీ శుక్రవారం నాడు బాక్సాఫీస్ వద్ద ఎన్నో సినిమాలు పోటీ పడుతుంటాయి. కొన్ని సూపర్ హిట్ టాక్ దక్కించుకుంటుంటే.. మరికొన్ని ఫ్లాప్ లుగా మిగిలిపోతున్నాయి.
ప్రతీ శుక్రవారం నాడు బాక్సాఫీస్ వద్ద ఎన్నో సినిమాలు పోటీ పడుతుంటాయి. కొన్ని సూపర్ హిట్ టాక్ దక్కించుకుంటుంటే.. మరికొన్ని ఫ్లాప్ లుగా మిగిలిపోతున్నాయి. ఎప్పటిలానే ఈ వారంలో కూడా మూడు సినిమాలు బాక్సాఫీస్ వద్ద పోటీకి దిగుతున్నాయి.
ఇక్కడ ఆసక్తికర విషయమేమిటంటే.. ఈ మూడు సినిమాలపై ప్రేక్షకుల్లో మంచి అంచనాలు ఏర్పడ్డాయి. రాజశేఖర్ నటించిన 'కల్కి' సినిమా మొదటి నుండి ఆసక్తిని రేకెత్తిస్తోంది. రీసెంట్ గా విడుదలైన ట్రైలర్ సినిమాపై అంచనాలను పెంచేసింది.
ఈ సినిమాతో రాజశేఖర్ హిట్టు కొట్టడం ఖాయమని భావిస్తున్నారు. కుర్ర హీరో శ్రీవిష్ణు నటించిన 'బ్రోచేవారెవరురా..' సినిమాపై కూడా ఎక్స్ పెక్టేషన్స్ పెరిగిపోతున్నాయి. ప్రోమోలు, టీజర్, ట్రైలర్ లు హిట్ అవ్వడంతో సినిమాపై అంచనాలు పెరిగాయి. ఈ రెండు సినిమాలే కాకుండా ఆది నటించిన 'బుర్రకథ' కూడా శుక్రవారం నాడు రిలీజ్ కి ఉంది.
ఈ సినిమా స్టోరీ లైన్ కొత్తగా ఉండడంతో ఓ మోస్తరు అంచనాలు ఏర్పడ్డాయి. ట్రైలర్ ఆసక్తికరంగా ఉండడం, నాని లాంటి హీరోలు ప్రచారం చేస్తుండడం ఈ సినిమాకి కలిసొస్తోంది. మరి ఈ మూడు సినిమాల్లో ఏది క్లిక్ అవుతుందోననే విషయం ఇప్పుడు ఆసక్తికరంగా మారింది.