‘టైగర్ నాగేశ్వర రావు’ హీరోయిన్ ఫస్ట్ లుక్.. రెహమాన్ పాట, టాప్ సింగర్స్ పాడిన ‘విలన్స్ ఆంథెమ్’రిలీజ్..
By Asianet News | First Published Aug 28, 2023, 9:30 PM ISTరవితేజ నటిస్తున్న `టైగర్ నాగేశ్వరరావు` నుంచి హీరోయిన్ ఫస్ట్ లుక్, `రాజుగారి అమ్మాయి నాయుడుగారి అబ్బాయి` లో రెహమాన్ పాట, `రాక్షస కావ్యం`నుంచి విలన్స్ ఆంథెమ్ విడుదలయ్యాయి.
తెలుగు ప్రేక్షకులు, మాస్ మహరాజా అభిమానులు ఎంతో ఆసక్తిగా ఎదురుచూస్తున్న చిత్రం ‘టైగర్ నాగేశ్వర రావు’. వంశీ దర్శకత్వం వహిస్తున్నారు. అభిషేక్ అగర్వాల్ ఆర్ట్స్ బ్యానర్ పై అభిషేక్ అగర్వాల్ గా గ్రాండ్ గా నిర్మిస్తున్నారు. రవితేజ తొలి పాన్ ఇండియా చిత్రంగా Tiger Negeswara Rao ప్రేక్షకుల ముందుకు రానుంది. రీసెంట్ గా వచ్చిన టీజర్ తో సినిమాపై భారీ అంచనాలు నెలకొన్నాయి. స్టూవర్టుపురం గజదొంగ టైగర్ నాగేశ్వర రావు పాత్రలో మాస్ మహరాజా రవితేజ నటిస్తున్నారు.
తాజాగా ఈ చిత్ర హీరోయిన్ బాలీవుడ్ సింగర్, నటి నుపుర్ సనన్ (Nupur Sanon) ఫస్ట్ లుక్ పోస్టర్ ను విడుదల చేశారు. బాలీవుడ్ స్టార్ హీరోయిన్ కృతి సనన్ చెల్లెలు ఈమె. ఈ చిత్రంతో సారా అనే పాత్రతో తెలుగు ప్రేక్షకులను ఆకట్టుకోబోతోంది. పోస్టర్ లో రైలు కిటికీ సీట్లో కూర్చున్న నూపూర్ తన జీవితపు ప్రేమను కలుసుకోవడానికి ఆత్రుతగా ఎదురుచూస్తున్నట్లు కనిపిస్తోంది. పోస్టర్ తో ఆమె పాత్రపై ఆసక్తి పెరిగింది. ఇక ఈ చిత్రం దసరా కానుకగా అక్టోబర్ 20న విడుదల కాబోతోంది. గాయత్రి భరద్వాజ్, రేణు దేశాయ్, అనుపమ్ ఖేర్ కీలక పాత్రలు పోషిస్తున్నారు.
Latest Videos
undefined
రెహమాన్ రాసిన `ఐ లవ్ యూ` లిరికల్..
మరో చిత్రం "రాజుగారి అమ్మాయి నాయుడుగారి అబ్బాయి" నుంచి "ఐ లవ్ యు" లిరికల్ సాంగ్ ఈరోజు విడుదలైంది. రెహమాన్ లిరిక్స్ అందించారు. ప్రముఖ సంగీత దర్శకుడు కోటి తనయుడు రోషన్ సాలూరి మంచి ట్యూన్ అందించారు. యాజిన్ నిజర్, నూతన్ మోహన్ చక్కగా పాడారు. చిత్రాన్ని తన్విక అండ్ మొక్షిక క్రియేషన్స్ పతాకంపై రూపొందిస్తున్నారు. రవితేజ, నేహ జురెల్ హీరోహీరోయిన్ గా పరిచయం కాబోతున్నారు. సత్య రాజ్ దర్శకుడు. రామిసెట్టి సుబ్బారావు, ముత్యాల రామదాసు నిర్మాతలు.
స్టార్‌సింగర్స్ ఆలపించిన `విలన్స్ ఆంథెమ్`..
‘రాక్షస కావ్యం’ సినిమా నుంచి ముగ్గురు టాప్ సింగర్స్ రాహుల్ సిప్లిగంజ్, మంగ్లీ, రామ్ మిర్యాల పాడిన ’విలన్స్ ఆంథెమ్’ ఈరోజు రిలీజ్ అయ్యింది. నవీన్ బేతిగంటి, అన్వేష్ మైఖేల్, పవన్ రమేష్, దయానంద్ రెడ్డి, కుశాలిని, రోహిణి ప్రధాన పాత్రల్లో నటిస్తున్న చిత్రం “రాక్షస కావ్యం”. గరుడ ప్రొడక్షన్స్, పింగో పిక్చర్స్, సినీ వ్యాలీ మూవీస్ బ్యానర్స్ లో దాము రెడ్డి, శింగనమల కల్యాణ్ నిర్మిస్తున్నారు. నవీన్ రెడ్డి, వసుందర దేవి సహ నిర్మాతలు. శ్రీమాన్ కీర్తి దర్శకుడు. తాజాగా విడుదలైన పాటకు కాసర్ల శ్యామ్ సాహిత్యాన్ని అందించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి