బాలీవుడ్ నటి స్వరా భాస్కర్ నటించిన 'వీరే ది వెడ్డింగ్' సినిమా ప్రేక్షకుల ముందుకు వచ్చిన
బాలీవుడ్ నటి స్వరా భాస్కర్ నటించిన 'వీరే ది వెడ్డింగ్' సినిమా ప్రేక్షకుల ముందుకు వచ్చిన సంగతి తెలిసిందే. ఈ సినిమాలో స్వరా భాస్కర్ తో పాటు సోనమ్ కపూర్, కరీనా కపూర్ లాంటి హీరోయిన్లు నటించారు. స్నేహితురాలి పెళ్లి కోసం కలుసుకున్న స్నేహితులు తమ వ్యక్తిగత విషయాలకు సంబంధించిన కథను బోల్డ్ గా చూపించిన చిత్రమే ఈ సినిమా. అయితే ఈ సినిమాలో ఓ సన్నివేశంలో స్వరా భాస్కర్ స్వయంతృప్తి పొందుతూ కనిపిస్తుంది.
లైంగిక సంతృప్తి కోసం ఆమె వైబ్రేటర్ ను వినియోగిస్తుంది. ఇప్పుడు ఈ సీన్ లో నటించినందుకు సోషల్ మీడియా వేదికగా ఆమెను విపరీతంగా ట్రోల్ చేస్తున్నారు. హిందూ అతివాదులు ఆమెపై తీవ్ర వ్యాఖ్యలు చేస్తున్నారు. కొందరు నెటిజన్లు ఇంట్లో వారితో సినిమాకు వెళ్లి ఆ సీన్ చూడలేక థియేటర్ నుండి బయటకు వచ్చేశామని ట్వీట్ చేయగా మరికొందరు స్వరా భాస్కర్ ను సపోర్ట్ చేస్తూ కామెంట్లు పెడుతున్నారు.
వీటిపై స్పందించిన స్వరా భాస్కర్.. ''కొందమంది డబ్బులు ఇచ్చి మరీ సోషల్ మీడియాలో ఈ సినిమాపై నెగెటివ్ ప్రచారం చేస్తున్నారు. వాళ్లు సినిమా చూడడానికి ఇలాంటి ట్వీట్స్ పెట్టడానికి కచ్చితంగా డబ్బులు తీసుకునే ఉంటారు'' అంటూ కామెంట్ చేసింది.