`కపటధారి` థీమ్ ట్రైలర్ ..అదిరింది
సారాంశం
ఆర్కియాలజీలో ఎప్పుడో జరిగిన హత్య… హంతకుడు ఎవరో తెలియదు. పోలీస్ డిపార్ట్మెంట్ కూడా అంతు పట్టని ఆ హంతకుడు రహస్యాన్ని ఓ ట్రాఫిక్ ఇన్స్పెక్టర్ ఎలా చేధించాడనే అంశంతో రూపొందిన సస్పెన్స్ థ్రిల్లర్ `కపటధారి`.
‘మళ్ళీ రావా..', 'సుబ్రహ్మణ్యపురం', 'ఇదంజగత్’ వంటి విభిన్న సినిమాలతో ఫామ్ లోకి వచ్చిన సుమంత్ నటిస్తున్న తాజా చిత్రం ‘‘కపటధారి’’. గతేడాది కన్నడలో సూపర్ హిట్ అయిన ‘‘కావలుధారి’ చిత్రానికిది రీమేక్. విజయ్ ఆంటోని హీరోగా వచ్చిన ‘భేతాళుడు’ మూవీతో ఆకట్టుకున్న ప్రదీప్ కృష్ణమూర్తి డైరెక్ట్ చేస్తున్నాడు. క్రియేటివ్ ఎంటర్టైనర్స్ అండ్ డిస్ట్రిబ్యూటర్స్ బ్యానర్పై తెలుగు, తమిళ భాషల్లో డా.ధనంజయన్ నిర్మిస్తున్నారు. శ్వేత నందిత (నందిత శ్వేత) హీరోయిన్ గా చేస్తున్న ఈ చిత్రం థీమ్ ట్రైలర్ ని విడుదల చేశారు.
ఆర్కియాలజీలో ఎప్పుడో జరిగిన హత్య… హంతకుడు ఎవరో తెలియదు. పోలీస్ డిపార్ట్మెంట్ కూడా అంతు పట్టని ఆ హంతకుడు రహస్యాన్ని ఓ ట్రాఫిక్ ఇన్స్పెక్టర్ ఎలా చేధించాడనే అంశంతో రూపొందిన సస్పెన్స్ థ్రిల్లర్ `కపటధారి`.
వైవిధ్యమైన పాత్రలు, కథా చిత్రాల్లో నటించడానికి ఆసక్తి చూపించే హీరో సుమంత్ మరో విభిన్నమైన పాత్రలో ఆకట్టుకోవడానికి సిద్ధమయ్యారు. కపటధారి చిత్రంలో సుమంత్ ట్రాఫిక్ ఇన్స్పెక్టర్ పాత్రలో నటించారు. కన్నడంలో సూపర్ హిట్ చిత్రమైన `కావలుధారి` సినిమాకు ఇది రీమేక్. `కపటధారి` చిత్రం ఫిబ్రవరి 19న విడుదల కానుంది.
ఓ మనిషి నిజాన్ని బతికించడానికి సమరం చేయాలని చెప్పే మాంటేజ్ సాంగ్ ఈ థీమ్ ట్రైలర్లో ఆకట్టుకుంటోంది. అసలు హంతకుడు ఎవరు? అనే విషయాన్ని గోప్యంగా ఉంచుతూ ఇప్పటి వరకు చేసిన `కపటధారి` ప్రమోషన్స్ సినిమాపై ఆసక్తిని పెంచాయి. ఈ రోజు మంగళవారం(ఫిబ్రవరి 16)రోజున `కపటధారి` ప్రీ రిలీజ్ వేడుక జరగనుంది. ఈ వేడుకకి కింగ్ నాగార్జున ముఖ్య అతిథిగా హాజరు అవుతున్నారు.
ప్రదీప్ కృష్ణమూర్తి దర్శకత్వంలో క్రియేటివ్ ఎంటర్టైనర్స్ అండ్ డిస్ట్రిబ్యూటర్స్ బ్యానర్పై కపటధారి చిత్రాన్ని డా.ధనంజయన్ నిర్మిస్తున్నారు.నాజర్, సంపత్, జయప్రకాశ్ తదితరులు కీలక పాత్రల్లో నటించారు. రీసెంట్గా సమంత అక్కినేని విడుదల చేసిన ఈ సినిమా ట్రైలర్కు సూపర్బ్ రెస్పాన్స్ వచ్చింది.
నటీనటులు:
సుమంత్, నందిత, నాజర్, జయప్రకాశ్, సంపత్ తదితరులు
సాంకేతిక వర్గం:
దర్శకత్వం: ప్రదీప్ కృష్ణమూర్తి
నిర్మాత: డా.జి.ధనంజయన్
యాక్షన్: స్టంట్ సిల్వ
మ్యూజిక్: సైమన్ కె.కింగ్
ఆర్ట్: విదేశ్
ఎడిటింగ్: ప్రవీణ్ కె.ఎల్
మాటలు: బాషా శ్రీ
స్క్రీన్ ప్లే అడాప్షన్: డా.జి.ధనంజయన్
కథ: హేమంత్ ఎం.రావు