‘మామ మశ్చీంద్ర’ నుంచి సుధీర్ బాబు షాకింగ్ లుక్.. ఆసక్తి పెంచుతున్న పోస్టర్.. డిటేయిల్స్!
By Asianet News | First Published Mar 1, 2023, 11:47 AM ISTనైట్రో స్టార్ సుధీర్ బాబు (Sudheer Babu) నటిస్తున్న లేటెస్ట్ ఫిల్మ్ ‘మామ మశ్చీంద్ర’. చిత్రంలో మూడు గెటప్స్ లో కనిపించనున్నారు. తాజాగా ఫస్ట్ గెటప్ కు సంబంధించిన పోస్టర్ విడుదలై ఆకట్టుకుంటోంది.
టాలీవుడ్ యంగ్ అండ్ టాలెంట్ హీరో సుధీర్ బాబు వరుస చిత్రాలతో తెలుగు ప్రేక్షకులను అలరిస్తున్న విషయం తెలిసిందే. రీసెంట్ గా యాక్షన్ ఫిల్మ్ ‘హంట్’తో అలరించారు. కాస్తా పాజిటివ్ రెస్పాన్స్ నే దక్కించుకుంది. ఇక సుధీర్ బాబు లైనప్ లో మరిన్ని చిత్రాలు ఉన్నాయి. వాటిలో నెక్ట్స్ రిలీజ్ కు సిద్ధంగా ఉన్న చిత్రం ‘మామ మశ్చీంద్ర’ (Mama Mascheendra). ప్రస్తుతం చిత్ర షూటింగ్ చివరి దశలో ఉన్నట్టు తెలుస్తోంది. అప్పుడే చిత్ర యూనిట్ ప్రమోషన్స్ నూ ప్రారంభించి ఇంట్రెస్టింగ్ గా కొనసాగిస్తున్నారు.
ఈ సందర్భంగా సినిమాపై ఆసక్తిని పెంచేలా యూనిట్ భిన్నంగా ప్రచార కార్యక్రమాలను నిర్వహిస్తున్నారు. ‘మామ మశ్చీంద్ర’లో సుధీర్ బాబు మూడు గెటప్ లలో కనిపించనున్నట్టు తెలుస్తోంది. ఈ సందర్భంగా మునుపెన్నడూ చూడని గెటప్ లో సుధీర్ కనిపించబోతున్నారు. ‘దుర్గ, పరుశురామ్, డీజే’ పాత్రలతో అలరించనున్నారు. తాజాగా ‘దుర్గ’ అనే బరువెక్కిన పాత్రకు సంబంధించి పోస్టర్ ను విడుదల చేశారు. గతంలో ఎప్పుడూ కనిపించని లుక్ లో సుధీర్ ను చూసి అభిమానులు ఆశ్చర్యపోతున్నారు. సిక్స్ ప్యాక్ తో కనిపించే బాబు రూటు మార్చి చాలా లావుగా మారి అలరించబోతుండటం ఆసక్తికరంగా మారింది. ప్రస్తుతం పోస్టర్ వైరల్ అవుతోంది.
Latest Videos
మరోవైపు మిగితా రెండు లుక్స్ లో ‘పరుశురామ్’ లుక్ ను మార్చి 4న, డీజే లుక్ ను మార్చి 7న విడుదల చేయనున్నట్టు మేకర్స్ ప్రకటించారు. తాజా పోస్టర్ తో ఆ లుక్స్ పైనా ఆసక్తి నెలకొంది. ఇక గతంలో సూపర్ స్టార్ క్రిష్ణ పుట్టిన రోజు సందర్భంగానే ఈ చిత్రం నుంచి చిన్న గ్లింప్స్ ను వదిలారు. ఆ వీడియోలో సుధీర్ సిక్స్ లో ప్యాక్ తో అదిరిపోయే డాన్స్ తో ఆకట్టుుకునన్నారు. మొత్తంగా భిన్నంగా చిత్రాన్ని ప్రమోట్ చేస్తూ ఆసక్తిని పెంచుతున్నారు. చిత్రానికి హర్ష వర్ధన్ దర్శకత్వం వహిస్తున్నారు. శ్రీ వెంకటేశ్వర సినిమాస్ పతాకంపై రూపొందిస్తున్నారు.
Bet you didn't see this coming 😉 Meet Durga! pic.twitter.com/IWhVydn4ie
— Sudheer Babu (@isudheerbabu)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి