ట్రోల్స్ ఎదుర్కొనేందుకు నేను సిద్ధమే.. సింగర్‌ సునీత కొడుకు ఆసక్తికర వ్యాఖ్యలు..

సింగర్‌ సునీత కొడుకు ఆకాష్‌ హీరోగా `సర్కారు నౌకరి` చిత్రంలో నటిస్తున్నాడు. ఈ మూవీ గురించి, ట్రోల్స్ గురించి ఆయన స్పందించారు. ఆసక్తికర వ్యాఖ్యలు చేశారు.

సినిమా పరిశ్రమలో వారసులు అంటే రకరకాలు ట్రోల్స్ వస్తుంటారు. సినిమా తేడా కొడితే దారుణంగా ఆడుకుంటారు. అవన్నీ ఫేస్‌ చేయడానికి తానుసిద్ధంగానే ఉన్నానని అంటున్నాడు యంగ్‌ హీరో ఆకాష్‌. సింగర్‌ సునీత కొడుకు అయిన ఆకాష్‌ హీరోగా ఎంట్రీ ఇస్తూ `సర్కారు నౌకరి` చిత్రంలో నటిస్తున్నారు. భావన కథానాయికగా చేస్తున్న ఈ మూవీని కే రాఘవేంద్రరావు సమర్పణలో ఆర్కే టెలీ షో బ్యానర్‌పై నిర్మితమవుతుంది. గంగనమోని శేఖర్‌ దర్శకుడు. ఈ మూవీ కొత్త సంవత్సరం కానుకగా జనవరి 1న రిలీజ్‌ కాబోతుంది. ఈ సందర్బంగా మీడియాతో ఆకాష్‌ ముచ్చటించాడు. 

ఇందులో ఆయన ట్రోల్స్ పై స్పందించాడు. సినిమా ఫ్యామిలీ నుంచి వచ్చినప్పుడు ఎంట్రీ ఈజీగానే ఉంటుంది. కానీ నిలబడేందుకు తానేకష్టపడాలి, అందరిని ఆకట్టుకునేలా సినిమాలు చేయాలి, యాక్టింగ్‌ చేయాలి. టాలెంట్‌ లేకపోతే ఎవరూ పట్టించుకోరు. ఆ విషయంలో తాను కేర్‌ తీసుకుంటానని తెలిపారు ఆకాష్‌. అయితే అమ్మ సింగర్‌ సునీత వారసుడిగా వచ్చాను కావడంతో తనపై బాధ్యత, బరువు ఉంటుంది. చాలా అంచనాలుంటాయి. సినిమా ఆడితే ప్రశంసిస్తారు. లేదంటే ట్రోల్స్ చేస్తారు. దారుణంగా విమర్శలు చేస్తారు. వాటిని తీసుకునేందుకు తాను సిద్ధంగానే ఉన్నాను. దానికి ఎలా రియాక్ట్ అవ్వాలనేది కూడా తెలుసుకున్నాను. 

అయితే సందర్భం ఏదైనా, ఎన్ని విమర్శలు వచ్చినా, సినిమా బాగా లేదన్నా, తనయాక్టింగ్‌ గురించి మాట్లాడినా, మరే విమర్శలు చేసినా ఓపికగా భరించాలని, సైలెంట్‌గా ఉండాలని, వాటినిభరిస్తూ, వర్క్ తోనే తానేంటో చూపించాలనేది తాను అనుకుంటున్న విషయం అని, ఏదైనా ఓపికతో సాధించాలని భావిస్తున్నట్టు తెలిపారు. తనకు బ్యాక్‌ గ్రౌండ్‌ ఉందని పెద్ద సినిమాలు చేయాలనుకోలేదని, కంటెంట్‌ ఉన్న సినిమాతో రావాలని భావించానని, అందుకే ఈ మూవీ చేస్తున్నట్టు తెలిపారు. 

ఆకాష్‌ ఇంకా చెబుతూ, మా అమ్మ ఫేమస్ సింగర్. నాకు యాక్టింగ్ అంటే చిన్నప్పటి నుంచి ఇష్టం. చిరంజీవి సినిమాలు ఎక్కువగా చూస్తుండేవాడిని. అలాగే డ్యాన్స్ క్లాసులకు వెళ్లాను. నటుడిని కావాలనే కోరిక బలంగా ఉండేది. స్కూల్ డేస్ లోనే అమ్మకు ఈ విషయం చెబితే నువ్వు సినిమాల్లో ట్రై చేయడానికి ఇంకా చాలా టైమ్ ఉంది అని చెప్పేది. ఢిల్లీలో చదువులు పూర్తయ్యాక నా డ్రీమ్ గురించి ఇంట్లో చెప్పాను. నేను హీరోగా సక్సెస్ అవుతానా లేదా అనేది కాదు కనీసం ట్రై చేస్తాను అని అన్నాను. నేను స్ట్రాంగ్ డెసిషన్ తో ఉన్నానని అమ్మకు అప్పుడు అర్థమైంది.

ఉత్తేజ్ మయూఖ ఇన్ స్టిట్యూట్ లో రెండున్నర నెలలు యాక్టింగ్ కోర్సు చేశాను. యంగ్ రైటర్స్, డైరెక్టర్స్ ను కలుస్తుండేవాడిని. అవకాశాల కంటే ముందు పరిచయాలు చేసుకున్నాను. ఈ క్రమంలో దర్శకుడు శేఖర్ కథ గురించి చెప్పి కలిశారు. నాకు, అమ్మకు కలిసి "సర్కారు నౌకరి" కథ చెప్పారు. కథ వినగానే నాకు బాగా నచ్చింది. ఎందుకంటే నాకు కంటెంట్ ఓరియెంటెడ్ మూవీస్ అంటే ఇష్టం. నేను చేసే ఫస్ట్ మూవీ యాక్షన్, డ్రామా, కామెడీ, మెసేజ్...ఇలా పర్టిక్యులర్ జానర్ లో ఉండాలని కోరుకోలేదు. ఓ మంచి సినిమాతో లాంఛ్ అవ్వాలని మాత్రమే అనుకున్నా` అని తెలిపారు.

`సర్కారు నౌకరి` చిత్రం గురించి చెబుతూ, 90వ దశకంలో మన దేశంలోకి ఎయిడ్స్ అనే మహమ్మారి వచ్చింది. అప్పటికి ఈ వ్యాధి ఎలా వ్యాపిస్తుంది, ఎలా వస్తుంది, కండోమ్స్ వాడితే ఎయిడ్స్ రాకుండా అరికట్టవచ్చు అనే విషయాల మీద అవగాహన లేదు.  అలాంటి టైమ్ లో ఎంతోమంది ప్రభుత్వ ఉద్యోగులు ప్రజల్లో ఎయిడ్స్ మీద అవగాహన కల్పించేందుకు ప్రయత్నించారు. గ్రామీణ ప్రాంత ప్రజలకు కండోమ్స్ వాడకం, ఎయిడ్స్ మీద అవగాహన కల్పించే క్రమంలో ఓ ప్రభుత్వ ఉద్యోగి ఎలాంటి సంఘర్షణ ఎదుర్కొన్నాడు, తన లక్ష్యాన్ని ఎలా చేరుకున్నాడు, ఇందుకు అతనిలో ఉన్న మరో బలమైన కారణం ఏంటి అనేది "సర్కారు నౌకరి" సినిమా కథాంశం.  

సర్కారు నౌకరి" కథలో ఎమోషన్, ఎంటర్ టైన్ మెంట్, మెసేజ్ అన్నీ ఉన్నాయి. ఇది కేవలం మెసేజ్ ఓరియెంటెడ్ మూవీ కాదు. నా క్యారెక్టర్ లో ఉద్యోగ ధర్మం, ప్రజల్ని చైతన్య చేయాలనే లక్ష్యం ఉంటాయి. అదే టైమ్ లో నా ఉద్యోగం పట్ల నా మిత్రులు, నా భార్య ఎలా రియాక్ట్ అయ్యారు అనేది ఇంట్రెస్టింగ్ గా ఉంటుంది. ఎయిడ్స్ గురించి ఇప్పుడు సొసైటీకి అవగాహన వచ్చింది. అయితే ఒకప్పుడు గ్రామీణ ప్రాంతాల్లో ఈ వ్యాధి పట్ల ఎలాంటి అవగాహన ఉండేది. దాని గురించి చెప్పినా ప్రజలు ఎట్లా రియాక్ట్ అయ్యేవారు అనేది అన్ని ఎమోషన్స్ కలిపి సినిమాటిక్ గా చూపిస్తున్నాం. నటుడిగా నన్ను నేను ప్రూవ్ చేసుకోవాలంటే "సర్కారు నౌకరి" లాంటి కథనే డెబ్యూ మూవీకి కరెక్ట్ అనిపించింది. ఇందులో నా క్యారెక్టర్ లో అన్ని రకాల ఎమోషన్స్ ఉంటాయి. కమర్షియల్ సినిమాల్లోనూ నటించాలని ఉంది` అని తెలిపారు ఆకాష్‌. 

`దర్శకేంద్రుడు రాఘవేంద్రరావు  చేతుల మీదుగా నేను హీరోగా లాంఛ్ అవడాన్ని నా లైఫ్ లో మర్చిపోలేను. ఆయన చేతుల మీదుగా వెంకటేష్ గారు, టబూ గారు, మహేశ్ గారు, అల్లు అర్జున్ గారు ఇలా..ఎంతోమంది స్టార్స్ ఇంట్రడ్యూస్ అయ్యారు. అలాంటి వారి లిస్టులో నా పేరు కూడా ఉందంటే అంతకంటే అదృష్టం లేదు. `సర్కారు నౌకరి` సినిమా ప్రమోషన్ లో రాఘవేంద్రరావు గారు మాట్లాడుతూ ఆకాష్ సునీత అబ్బాయి, ఆకాష్ అంటే నాకు బాధ్యత అన్నారు. ఆ మాటతో ఎమోషన్ అయ్యాను. చాలా సహజంగా చేశావని చెప్పడం గొప్ప కాంప్లిమెంట్‌గా భావిస్తున్నా` అని అన్నారు.