సమంత ఏం మాయ చేసిందో...

మొదటి సినిమాతోనే తొలిప్రేమ కొడుకు ప్రేమను అంగీకరించిన నాగ్? త్వరలోనే చైతూ సమంతల పెళ్లి వేడుక

నాగార్జున అమలను పెళ్లాడిన సంగతి మనందరికీ తెలుసు. ఇప్పుడు నాగ్ తనయుడు చైతూ కూడా ఓ హీరోయిన్-ను పెళ్లాడబోతున్నాడని అంతటా టాక్ నడుస్తోంది. అందుకు చాలా  ఆధారాలు కూడా దొరికాయి. ప్రైవేట్ ఈవెంట్స్-లో చైతూ-సమంత కలిసి కనిపిస్తున్నారు. అంతేకాదు.. తండ్రి నాగార్జున కూడా అదే సీన్లో దర్శనమిస్తున్నాడు..అంటే.. కొడుకు ప్రేమను తండ్రి అంగీకరించినట్టేనని ప్రచారం మొదలైంది.

ఏం మాయచేశావే చిత్రంతో సమంతా ఓవర్ నైట్ లో స్టార్ హీరోయిన్ గా మారింది. ఆ తరువాత టాలీవుడ్ లో తిరుగులేని తారగా.. వెలిగిపోతోంది. ఆ సినిమా టైంలోనే వీరిద్దరి మధ్య ప్రేమ చిగురించిందని పుకార్లు షికారు చేశాయి. అయితే.. చాలా కాలానికి ఆ వ్యవహారంపై ఓ క్లారిటీ వచ్చింది. సమంత మత మార్పిడి చేసుకుని హిందూ మతాన్ని స్వీకరించింది. చైతూని పెళ్లాడటం కోసమే ఆ పని చేసిందని టాక్ వినిపించింది.

చైతూ-సమంత ఇద్దరూ వాళ్ల పెళ్లి విషయం బయటపెట్టకపోయినా... మేం పెళ్లి చేసుకోబోతున్నాం అన్న హింట్ మాత్రం ఇచ్చారు. చైతూ.. నేనో హీరోయిన్ ను పెళ్లి చేసుకుంటున్నానని బహిరంగంగానే చెప్పాడు. అది సమంతనే అన్న విషయం అందరికీ తెలుసు. అతి త్వరలోనే ఈ ప్రేమ జంట ఎంగేజ్ మెంట్ జరగబోతోంది. అయితే.. ఆ వార్తను ఎవరు ముందుగా బయటపెడతారనేదే ప్రశ్న. కొడుకు ప్రేమను అంగీకరించాడు కాబట్టి నాగార్జునే స్వయంగా ప్రకటిస్తాడని ఇండస్ట్రీలో ప్రచారం జరుగుతోంది.

మరి ఏం జరగబోతోందో.. పెళ్లి బాజాలు ఎప్పుడు మోగబోతున్నాయో వెయిట్ అండ్ సీ.