`సలార్‌` నుంచి రిలీజ్‌ ట్రైలర్‌ వచ్చింది. ప్రభాస్‌ని హైలైట్‌గా చూపిస్తూ, ఆయన హీరోయిజాన్ని హైలైట్‌ చేస్తూ, ఆయన విరోచితమైన యాక్షన్‌ని చూపించేలా ఈ ట్రైలర్‌ సాంగింది.
ప్రభాస్‌ నటిస్తున్న `సలార్‌` చిత్రం నుంచి మరో ట్రైలర్‌ వచ్చేసింది. మొదటి `సలార్‌` ట్రైలర్‌ డిజప్పాయింట్‌ చేసిన నేపథ్యంలో నష్ట నివారణ చర్యలు చేపట్టింది యూనిట్‌. సినిమాపై హైప్‌ తెచ్చేందుకు ప్రభాస్‌ ఫ్యాన్స్ ని ఖుషి చేసేందుకు ఇప్పుడు రిలీజ్‌ ట్రైలర్‌ పేరుతో మరో ట్రైలర్‌ని విడుదల చేసింది. రెండు సార్లు వాయిదా పడిన ఈ ట్రైలర్‌ ఎట్టకేలకు మధ్యాహ్నం మూడున్నర తర్వాత విడుదల చేశారు.
ఇందులో ప్రభాస్‌ని హైలైట్‌గా చూపిస్తూ, ఆయన హీరోయిజాన్ని హైలైట్‌ చేస్తూ, ఆయన విరోచితమైన యాక్షన్‌ని చూపించేలా ఈ ట్రైలర్‌ సాంగింది. సుల్తాన్‌ తనకు సమస్య వస్తే తన బలమైన పెద్ద సైన్యం ఉన్నా, ఆ విషయం సైన్యానికి చెప్పకుండా ఒక్కడికే చెప్పేవాడు. అతను సల్తాన్‌ కావాలనుకున్నది ఏదైనా తెచ్చి ఇచ్చేవాడని, వద్దనుకున్నది ఏదీ మిగిల్చేవాడు కాదని బ్యాక్‌ గ్రౌండ్‌ వాయిస్‌తో ప్రభాస్‌ పాత్రని ఎలివేట్‌ చేసిన తీరు ఆకట్టుకుంటుంది. ఇక `కేజీఎఫ్‌`కి పది రెట్లు హింస, యాక్షన్‌ ఉంటుందనేలా ఇందులో యాక్షన్‌ సన్నివేశాలుసాగాయి.
మొదటి ట్రైలర్‌ని మిస్‌ అయ్యింది, ప్రభాస్‌ ఫ్యాన్స్ కోరుకున్నది ఇదేనా అనేలా ఈ ట్రైలర్‌ సాగడం విశేషం. ఆద్యంతం గూస్‌బంమ్స్ తెప్పించేలా ఉంది. సినిమాపై అంచనాలు పెంచింది. మొదటి ట్రైలర్‌లో ప్రభాస్‌ పెద్దగా లేడనే అసంతృప్తి ఉన్న నేపథ్యంలో ఇందులో ప్రభాస్‌ని చూపించిన తీరు వాహ్‌ అనేలా ఉంది. ఇద్దరు స్నేహితులు శత్రువులుగా మారడం వల్ల ఖాన్‌సార్‌ సామ్రాజ్యం ఎలా మారిపోయింది, వారి జీవితాలు ఎలా మారాయి అనేది ఈ చిత్ర కథాంశంగా ఉండబోతుందని తెలుస్తుంది. అయితే ఇందులోనూ ప్రభాస్‌కి ఇందులో రెండు డైలాగ్‌ లు ఉన్నాయి. అందులో తుపాకీ కాల్చుతూ `అంతేగా` అని చెప్పడం హైలైట్‌గా ఈ మాత్రం చాలు అనేలా ఉండటం విశేషం.
ప్రభాస్‌, పృథ్వీరాజ్‌ స్నేహితులుగా నటిస్తున్నారు. శృతి హాసన్‌ హీరోయిన్‌గా చేస్తుంది. ప్రశాంత్‌ నీల్‌ రూపొందించిన ఈ మూవీని హోంబలే ఫిల్మ్స్ నిర్మిస్తుంది. డిసెంబర్‌ 22న ప్రపంచవ్యాప్తంగా ఈ మూవీ విడుదల కాబోతుంది.