తెలుగు ఫ్యామిలీ ఆడియెన్స్ ముందుకు `సలార్`.. వచ్చేది అప్పుడే..
సారాంశం
`సలార్` థియేటర్లో దుమ్మురేపింది. భారీ వసూళల్ని రాబట్టింది. అంతేకాదు ఓటీటీలోనూ విశేష ఆదరణ పొందింది. ఇప్పుడు ఫ్యామిలీ ఆడియెన్స్ ముందుకు రాబోతుంది.
ప్రభాస్ నటించిన `సలార్` చిత్రం ఎంతటి విజయాన్ని సాధించిందో తెలిసిందే. ప్రశాంత్ నీల్ దర్శకత్వం వహించిన ఈ మూవీ గతేడాది డిసెంబర్ 22న విడుదలై భారీ విజయాన్ని సాధించింది. ప్రభాస్ సోలోగా ఏడు వందల కోట్లు కొల్లగొట్టాడు. `డంకీ` మూవీ లేకపోతే వెయ్యి కోట్ల వరకు వెళ్లేది. ఆ తర్వాత నెల రోజుల్లోనే ఈ చిత్రం ఓటీటీలో వచ్చింది. ఓటీటీలోనూ ఇది దుమ్ము రేపింది. అనేక రికార్డులను కొలగొట్టింది.
ఇప్పుడు ఫ్యామిలీ ఆడియెన్స్ ముందుకు రాబోతుంది. ఇంటిళ్లిపాదిని అలరించేందుకువస్తుంది. ఈ చిత్రం వరల్డ్ వైడ్ టెలివిజన్ ప్రీమియర్ కి టైమ్ ఫిక్స్ అయ్యింది. ఈ నెల 21న ఈ మూవీ టీవీలో సందడి చేయబోతుంది. వచ్చే ఆదివారం సాయంత్రం 5.30లకు స్టార్ మా లో టెలికాస్ట్ కానుంది. తాజాగా టీమ్ ఈవిషయాన్ని ప్రకటించింది. మరి థియేటర్లో దుమ్మురేపి, ఓటీటీలోనూ సత్తా చాటిని ఈ మూవీకి టీవీ ఆడియెన్స్ నుంచి ఎలాంటి రెస్పాన్స్ వస్తోందో చూడాలి.
ప్రశాంత్ నీల్ దర్శకత్వం వహించిన `సలార్` చిత్రంలో ప్రభాస్ దేవా పాత్రలో నటించారు. శృతి హాసన్ హీరోయిన్గా కనిపించగా, వరధరాజా మన్నార్గా మలయాళ నటుడు పృథ్వీరాజ్ సుకుమారన్ నటించాడు. ఖాన్సార్ సామ్రాజ్యం ప్రధానంగా సాగే ఈ మూవీ ఆద్యంతం యాక్షన్ ఎంటర్టైనర్గా ఆకట్టుకుంది. చిన్నప్పట్నుంచి ప్రాణ స్నేహితులుగా ఉన్న దేవా(ప్రభాస్), వరద(పృథ్వీరాజ్) ఖాన్సార్ లు చిన్నప్పుడే దూరమవుతున్నారు.
పెద్దాయక వరధ ఆపదలో ఉన్నారని తెలిసి ఫ్రెండ్ కోరిక మేరకు మళ్లీ ఖాన్సార్కి వస్తాడు దేవా. తన రాజ్యంలోనే అధికారం కోసం కుట్ర జరిగిన నేపథ్యంలో వాళ్ల అంతుచూసి స్నేహితుడికి ఖాన్సార్ ని ఇచ్చేస్తాడు. మరి అంతటి స్నేహితులు ఎందుకు విడిపోయారు. ఇద్దరి మధ్య గొడవేంటి? ఖాన్సార్ ఏం జరిగింది? అనేది కథ. ఇది రెండో పార్ట్ లో చెప్పబోతున్నారు ప్రశాంత్నీల్. `సలార్ః సీజ్ ఫైర్`గా మొదటి పార్ట్ విడుదలైంది. ఇక రెండో పార్ట్ `సలార్ః శౌర్యంగ పర్వం`పేరుతో రాబోతుంది. త్వరలోనే ఈ రెండో పార్ట్ షూటింగ్ స్టార్ట్ కానుందట.