`హిరణ్య కశ్యప`.. తన నెక్ట్స్ సినిమా ప్రకటించిన రానా.. సీన్‌లోకి త్రివిక్రమ్‌..

ఇప్పుడు మరో సినిమాని అనౌన్స్ చేశారు రానా. ఎప్పట్నుంచో చేయాలనుకున్న భారీ ప్రాజెక్ట్ `హిరణ్య కశ్యప`ని అనౌన్స్ చేశారు రానా. బుధవారం సాయంత్రం ఈ విషయాన్ని ఆయన వెల్లడించారు. 

హీరో రానా తన నెక్ట్స్  సినిమాని ప్రకటించారు. ఆ మధ్య దర్శకుడు తేజతో సినిమా చేయబోతున్నట్టు ప్రకటించారు. `నేనే రాజు నేనే మంత్రి` కాంబినేషన్‌లో సినిమా చేయబోతున్నట్టు తెలిపారు. ఇప్పుడు మరో సినిమాని అనౌన్స్ చేశారు రానా. ఎప్పట్నుంచో చేయాలనుకున్న భారీ ప్రాజెక్ట్ `హిరణ్య కశ్యప`ని అనౌన్స్ చేశారు రానా. బుధవారం సాయంత్రం ఈ విషయాన్ని ఆయన వెల్లడించారు. 

తన నెక్ట్స్ ప్రాజెక్ట్ `హిరణ్య కశ్యప` అని వెల్లడించారు. కామిక్స్ `అమరచిత్ర కథలు` స్ఫూర్తితో ఈ చిత్రాన్ని రూపొందిస్తున్నట్టు తెలిపారు. అంతే కాదు, ఇందులో మరో ఆసక్తికర అంశాన్ని వెల్లడించారు. ఈ ప్రాజెక్ట్ లోకి మాటల మాంత్రికుడు త్రివిక్రమ్‌ ఎంటర్‌ రావడం విశేషం. ఆయన ఈ చిత్రానికి కథ అందిస్తున్నారు. అయితే దర్శకుడి పేరుని మాత్రం ప్రకటించలేదు. నిజానికి రానాతో ఈ సినిమాని దర్శకుడు గుణశేఖర్‌ ప్రకటించారు. కానీ అనుకోని కారణాలతో ఈ ప్రాజెక్ట్ ఆగిపోయింది. ఇప్పుడు రానా నుంచి వచ్చిన ప్రకటనలో దర్శకుడి పేరు లేకపోవడం గమనార్హం. 

గుణశేఖర్‌ కాకుండా మరొకరు ఈ సినిమాని డైరెక్ట్ చేస్తారా? లేక ఆయనే రూపొందిస్తారా? అనేది ప్రస్తుతానికి సస్పెన్స్ గా నిలిచింది. గుణశేఖరే దర్శకుడు అయి ఉంటే ఆయన పేరుని వెల్లడించేవారు. తాజా ప్రకటన బట్టి చూస్తుంటే వేరే దర్శకుడు ఈ సినిమాని తెరకెక్కించే అవకాశం ఉంది. దీనికితోడు త్రివిక్రమ్‌ కథ అందిస్తున్నారంటే ప్రాజెక్ట్ లో ఆయన పార్ట్ చాలా ఉంటుంది. డైరెక్షన్‌ విభాగంలోనూ ఆయన ఇన్‌వాల్వ్ మెంట్‌ ఉంటుంది. ఈ లెక్కన కొత్త దర్శకులతో ఈ సినిమాని తెరకెక్కించే అవకాశం ఉంది. ఇక ఈ సినిమాని స్పిరిట్‌ మీడియా నిర్మిస్తున్నారు. భారీగా దీన్ని తెరకెక్కించబోతున్నారు. 

రానా చివరగా `విరాటపర్వం` చిత్రంలో నటించారు. వేణు ఉడుగుల దర్శకత్వంలో రూపొందిన ఈ చిత్రంలో సాయిపల్లవి హీరోయిన్ గా నటించింది. ఈ సినిమా కమర్షియల్‌ గా ఆదరణ పొందలేకపోయింది. ఆ తర్వాత ఆ మధ్య తేజతో సినిమా ప్రకటించారు. ఇప్పుడు తన నెక్ట్స్ మూవీ `హిరణ్య కశ్యప` అని అనౌన్స్ చేశారు. మరి తేజతో సినిమా ఉంటుందా? లేదా? అనేది సస్పెన్స్ గా మారింది. ఎందుకంటే తన తమ్ముడు అభిరామ్‌ని హీరోగా పరిచయం చేస్తూ రూపొందించిన `అహింస` చిత్రం పరాజయం చెందింది. దీంతో రానా సినిమాపై డౌట్‌ నెలకొంది.