అప్పట్లో వెంకీతో అనుకున్నఆ కథే,ఇప్పుడు ప్రభాస్ తో

By Arun Kumar PFirst Published 29, Oct 2018, 12:05 PM IST
Highlights

ఒక హీరోతో అనుకున్న కథ మరో హీరో చేయటం వింతేమీ కాదు..కొత్త అసలు కాదు. అలాంటిదే ఇప్పుడు ప్రభాస్ కొత్త చిత్రానికి జరగుతోందని ఫిల్మ్ నగర్ వర్గాల సమాచారం. అప్పట్లో యేలేటి చంద్రశేఖర్ దర్శకత్వంలో వెంకటేష్ హీరోగా ఓ చిత్రం ప్లాన్ చేసారు.

ఒక హీరోతో అనుకున్న కథ మరో హీరో చేయటం వింతేమీ కాదు..కొత్త అసలు కాదు. అలాంటిదే ఇప్పుడు ప్రభాస్ కొత్త చిత్రానికి జరగుతోందని ఫిల్మ్ నగర్ వర్గాల సమాచారం. అప్పట్లో యేలేటి చంద్రశేఖర్ దర్శకత్వంలో వెంకటేష్ హీరోగా ఓ చిత్రం ప్లాన్ చేసారు. సురేష్ ప్రొడక్షన్స్ పై ఈ సినిమా అనుకున్నారు. అయితే బడ్జెట్  లిమిటేషన్స్, యేలేటి సక్సెస్ లో లేకపోవటం వంటి కారణాలతో ఆ ప్రాజెక్టు ముందుకు వెళ్లలేదు. అయితే ఇప్పుడా కథనే ప్రభాస్ తో చేస్తున్నట్లు ఫిల్మ్ నగర్ వర్గాల సమాచారం.

 యేలేటి శిష్యుడు 'జిల్‌' తీసిన రాధాకృష్ణ...ఆ కథను తాను చేసుకుంటానని తీసుకుని,ప్రభాస్ బాడీ లాంగ్వేజ్ కు తగ్గట్లు మార్పులు ,చేర్పులు చేసినట్లు చెప్తున్నారు.  ఈ చిత్రాన్ని యువీ క్రియేషన్స్‌ తెరకెక్కిస్తోంది.  ఈ సినిమా జోనర్‌ ఏమిటన్నదానిపై ఓ ఆసక్తికరమైన వార్త ప్రచారంలో ఉంది. ఇది జ్యోతిష్య శాస్త్రం, హస్త సాముద్రికం నేపథ్యంలో నడిచే కథ అని తెలుస్తోంది. 1970  కాలంలో జరిగినట్టుగా చూపిస్తారట. ఈ కాలానికి ముడిపెడతారట. అలాగే ఇదో థ్రిల్లర్‌ అని, యాక్షన్‌ అంశాలకూ ప్రాధాన్యం ఉందని తెలుస్తోంది.

 ఎక్కువ భాగం విదేశాల్లోనే తెరకెక్కిస్తారని సమాచారం. ఆర్ట్ డైరక్టర్ రవీంద్ర...ఇప్పటికే ఈ చిత్రం కోసం ఓ ఫిక్షన్ విలేజ్ సెట్ ని డిజైన్ చేసారు. ఇటలిలో ఆ రోజుల్లో జరిగే కథ ఇది. జ్యోతిష్య  శాస్త్తానికి సంభందించిన కొన్ని అంశాలు చాలా ఉత్కంఠ కలిగిస్తాయని చెప్పుకుంటున్నారు.  ప్రభాస్ ఇప్పటివరకూ చేసే,చేస్తున్న సినిమాలు ఒకెత్తు..ఇదొక ఎత్తు అని, జనం మాట్లాడుకునే సినిమా అవుతుందని టీమ్ చెప్తోంది. 
 

Last Updated 29, Oct 2018, 12:05 PM IST