పాత కథే మరి వర్కవుట్ అవుతుందా?

''చెప్పుకోవడానికి ఇదేం కొత్త కథ కాదు.. దేశం పుట్టినప్పటి నుండి మనం చెప్పుకునే కథే..' అంటున్నాడు గోపీచంద్. ఈ మధ్యకాలంలో గోపీచంద్ కెరీర్ కు ఉపయోగపడే ఒక్క సినిమా కూడా రాలేదు. మూస ధోరణిలో సినిమాలు చేసుకుంటూ హీరోగా వెనకబడిపోతున్న గోపీచంద్ ఈసారి 'పంతం' ఫర్ ఎ కాజ్ అంటూ ప్రేక్షకులను పలకరించనున్నాడు. తాజాగా ఈ సినిమా టీజర్ ను విడుదల చేసింది చిత్రబృందం.

ఇందులో.. ''ఫ్రీగా ఇల్లు ఇస్తాం.. కరెంట్ ఇస్తాం.. రుణాలు మాఫీ చేస్తాం అనగానే ఓటుకి 5 వేలు ఇస్తాం అనగానే ముందు.. వెనక.. మంచి.. చెడు.. ఆలోచించకుండానే ఓటేసేసి అవినీతి లేని సమాజం కావాలి, కరెప్షన్ లేని కంట్రీ కావాలంటే ఎక్కడ నుంచి వస్తాయ్'' అంటూ గోపీచంద్ పలికిన డైలాగ్ ఆలోచింపజేస్తుంది. దర్శకుడు చక్రవర్తి రూపొందించిన ఈ సినిమాలో మెహ్రీన్ హీరోయిన్ గా కనిపించనుంది.