నీటిలో భారీ యాక్షన్ సీక్వెన్స్.. ‘దేవర’ నుంచి దిమ్మతిరిగిపోయే అప్డేట్..!
By Asianet News | First Published Sep 4, 2023, 9:12 AM ISTఎన్టీఆర్ ‘దేవర’ సినిమాపై అందుతున్న అప్డేట్స్ తో భారీ అంచనాలను నెలకొంటున్నాయి. భారీ స్కేల్లో ఈ చిత్రాన్ని నిర్మిస్తుండగా.. సినిమాకే హైలెట్ గా నిలిచే యాక్షన్ సీక్వెన్స్ పై ప్రస్తుతం టీమ్ వర్క్ చేస్తున్నట్టు తెలుస్తోంది.
యంగ్ టైగర్ ఎన్టీఆర్ (NTR) ‘ఆర్ఆర్ఆర్’ తర్వాత గ్లోబల్ స్టార్ గా గుర్తింపు దక్కించుకున్న విషయం తెలిసిందే. దీంతో ఆయన రాబోయే చిత్రాలపై భారీ స్థాయిలో అంచనాలు ఉన్నాయి. ఇటు ప్రేక్షకులతో పాటు అటు మార్కెట్ లోనూ భారీ డిమాండ్ ను సాధిస్తున్నాయి. ఈ క్రమంలో ఎన్టీఆర్ - కొరటాల శివ కాంబోలో వస్తున్న Devara చిత్రంపై అదిరిపోయే అప్డేట్ అందింది.
ఇప్పటికే చిత్ర షూటింగ్ ప్రారంభమై శరవేగంగా చిత్రీకరణ జరుపుకుంటోంది. ఫస్ట్ షెడ్యూల్ లో ఓ షిప్ లో భారీ యాక్షన్ షూట్ చేసిన విషయం తెలిసిందే. అలాగే ఒక సాంగ్ షూటింగ్ కూడా పూర్తైనట్టు తెలుస్తోంది. ఈ క్రమంలో తాజాగా అందిన అప్డేట్ మాత్రం సినిమాపై తారాస్థాయిలో అంచనాలు పెంచేస్తోంది. సినిమాకే హైలెట్ అయ్యే ఫైట్ సీన్ ను ప్రస్తుతం యూనిట్ షూట్ చేస్తున్నారని టాక్ వినిపిస్తోంది.
Latest Videos
undefined
లేటెస్ట్ అప్డేట్ ప్రకారం.. పూర్తిగా నీటిలో సాగే ఓ భారీ యాక్షన్ సీక్వెన్స్ ను షూట్ చేస్తున్నట్టు ప్రచారం జరకుగుతోంది. ఏకంగా 20 రోజుల పాటు ఈ ఫైట్ సీన్ నే చిత్రీకరిస్తున్నారంట. ఈ యాక్షన్ సీక్వెన్స్ కోసం ఎన్టీఆర్ సైతం మూడు రోజులు శిక్షణ తీసుకున్నారని అంటున్నారు. ఫైట్ మాస్టర్ కింగ్ సోలొమన్ యుద్ధసన్నివేశాలను డిజైన్ చేశారని టాక్. మరోవైపు ఈ చిత్రానికి హాలీవుడ్ టెక్నీషియన్లు వర్క్ చేస్తుండటం, ఆ స్థాయిలోనే షూటింగ్ పనులు కొనసాగుతుండటంతో భారీ హైప్ నెలకొంది.
ఎన్టీఆర్ రెండోసారి కొరటాల శివ దర్వకత్వంలో ‘దేవర’ చిత్రంలో నటిస్తున్న విషయం తెలిసిందే. హీరోయిన్ గా బాలీవుడ్ యంగ్ బ్యూటీ, శ్రీదేవి కూతురు జాన్వీ కపూర్ (Janhvi Kapoor) నటిస్తోంది. విలన్ పాత్రను బాలీవుడ్ స్టార్ సైఫ్ అలీఖాన్ పోషిస్తున్నారు. మ్యూజిక్ సెన్సేషన్ అనిరుధ్ సంగీతం అందిస్తున్నారు. ఎన్టీఆర్ ఆర్ట్స్ బ్యానర్ పై భారీ స్థాయిలో నిర్మిస్తున్నారు. వచ్చే ఏడాది ఏప్రిల్ 5న పాన్ ఇండియా స్థాయిలో సినిమా ప్రేక్షకుల ముందుకు రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి