సినిమా ఇండస్ట్రీలో బయోపిక్ ల హవా నడుస్తోంది. నిజ జీవితాల ఆధారంగా తెరకెక్కుతోన్న చిత్రాలకు బాక్సాఫీస్ వద్ద మంచి రెస్పాన్స్ వస్తోంది. ఈ నేపధ్యంలో చాలా మంది దర్శకనిర్మాతల దృష్టి బయోపిక్ ల మీద పడింది.
సినిమా ఇండస్ట్రీలో బయోపిక్ ల హవా నడుస్తోంది. నిజ జీవితాల ఆధారంగా తెరకెక్కుతోన్న చిత్రాలకు బాక్సాఫీస్ వద్ద మంచి రెస్పాన్స్ వస్తోంది. ఈ నేపధ్యంలో చాలా మంది దర్శకనిర్మాతల దృష్టి బయోపిక్ ల మీద పడింది. ఆసక్తికరంగా లేకపోతే బయోపిక్ ని కూడా ప్రజలు చూడరని ఎన్టీఆర్ 'కథానాయకుడు' సినిమాతో తేలిపోయింది.
ఎన్టీఆర్ కథ కావడంతో సినిమా కోసం ఆసక్తిగా ఎదురుచూసిన అభిమానులను ఈ సినిమా మెప్పించలేకపోయింది. దానికి ఒక్కొక్కరు ఒక్కో డ్రాబ్యాక్ చెప్పుకొస్తున్నారు. ఎన్టీఆర్ నే జనాలు చూడలేదంటే మరి వైఎస్సార్ బయోపిక్ 'యాత్ర' పరిస్థితేంటనే భయం మేకర్స్ లో కనిపిస్తోంది.
ఫిబ్రవరి 8న విడుదల కాబోతున్న ఈ సినిమాకి ప్రేక్షకాదరణ దక్కుతుందా లేదా..? అనే టెన్షన్ తో ఉన్నారు దర్శకనిర్మాతలు. వైఎస్ జీవితంలో ఆసక్తి కలిగించే విషయాలు ఎన్నో ఉన్నాయి. అందులో ఒకటి ఆయనకి ఉన్న ఫ్యాక్షన్ బ్యాక్ డ్రాప్. కానీ ఈ సినిమాలో ఆ విషయాలను టచ్ చేయడం లేదు.
వైఎస్సార్ పాదయాత్ర, జనాల మంచి కోరుకునే నాయకుడిగా మాత్రమే ఆయన్ని చూపించబోతున్నారు. ఎన్టీఆర్ సినిమాలో కమర్షియల్ ఎలిమెంట్స్ ఎంతగా చూపించినా వర్కవుట్ అవ్వలేదు. మరవేవీ లేకుండానే వస్తోన్న 'యాత్ర' సక్సెస్ అవుతుందా..? అనేది చూడాలి!