బిగ్ బాస్2 లో శ్రీరెడ్డి లేదట!

కాస్టింగ్ కౌచ్ పై పోరాడుతూ విపరీతమైన పాపులారిటీ దక్కించుకున్న నటి శ్రీరెడ్డి తరచూ వివాదాస్పద కామెంట్స్ చేస్తూ వార్తల్లో నిలుస్తోంది. గత కొన్నిరోజులుగా ఆమెను బిగ్ బాస్ 2 లో కంటెస్టంట్ గా ఎంపిక చేశారనే వార్తలు వినిపిస్తున్నాయి.

దాదాపు ఈమె ఎంట్రీ ఖాయమని అనుకున్నారు కానీ తాజా సమాచారం ప్రకారం శ్రీరెడ్డి బిగ్ బాస్ హౌస్ లో కనిపించదని తెలుస్తోంది. ఈ షో ద్వారా తన పాపులారిటీ మరింత పెంచుకోవచ్చనే ఆలోచనతో శ్రీరెడ్డి స్వయంగా హౌస్ లో చోటు కోసం ప్రయత్నించిందట. కానీ ఆమెకు నిరాశ ఎదురైనట్లు తెలుస్తోంది. ఈ షో మొత్తాన్ని ఆర్గనైజ్ చేసే ఓ ప్రైవేట్ కార్పోరేట్ కంపనీ శ్రీరెడ్డి విషయంలో సానుకూలంగా స్పందించకపోవడంతో ఆమెను పక్కన పెట్టినట్లు తెలుస్తోంది. 

సో.. బిగ్ బాస్ హౌస్ లో శ్రీరెడ్డి కనిపించదన్నమాట. మరి కంటెస్టంట్స్ పేర్లు వినిపిస్తోన్న మిగిలిన వారైనా ఈ షోలో ఉన్నారో లేదో కొన్ని రోజుల్లో తెలియనుంది!