ఎన్టీఆర్‌ జయంతి స్పెషల్‌.. ఫ్యాన్స్ కి బాలయ్య సర్‌ప్రైజ్‌ .. NBK107 అప్‌డేట్‌..

తండ్రి ఎన్టీఆర్‌ జయంతిని పురస్కరించుకుని ఫ్యాన్స్ ని సర్‌ప్రైజ్‌ చేయబోతున్నారు బాలకృష్ణ. తాను నటిస్తున్న `ఎన్బీకే 107` నుంచి రేపు బిగ్‌ అప్‌డేట్ ఇవ్వబోతున్నారు.

నందమూరి నట సింహం బాలకృష్ణ(Balakrishna) తన అభిమానులకు మరో సర్‌ప్రైజ్‌ ఇవ్వబోతున్నారు. నటసార్వభౌమ నందమూరి తారక రామారావు(ఎన్టీఆర్‌) జయంతి సందర్భంగా తన కొత్త సినిమా అప్‌డేట్‌ ఇవ్వబోతున్నారు. ప్రస్తుతం బాలయ్య.. గోపీచంద్‌ మలినేనితో ఓ సినిమా చేస్తున్న విషయం తెలిసిందే. `NBK 107` పేరుతో ఈ చిత్రం రూపొందుతుంది. ఇందులో శృతి హాసన్‌(Shruti Haasan) హీరోయిన్‌గా నటిస్తుంది. 

మైత్రి మూవీ మేకర్స్ నిర్మిస్తున్న ఈ సినిమా నుంచి ఇప్పటి వరకు ఫస్ట్ లుక్‌ మాత్రమే వచ్చింది. ఈ నేపథ్యంలో ఇప్పుడు మరో అప్‌డేట్‌ ఇవ్వబోతున్నారు. ఎన్టీఆర్‌(Sr NTR) జయంతి సందర్భంగా రేపు శనివారం ఉదయం 10.20నిమిషాలకు ఈ చిత్రం నుంచి అప్‌డేట్ ఇవ్వబోతున్నట్టు ప్రకటించింది యూనిట్‌. అయితే ఆ అప్‌డేట్‌ ఏంటనేది ఆసక్తికరంగా మారింది. ఈ సినిమా నుంచి ఫస్ట్ గ్లింప్స్ వచ్చే అవకాశం ఉందని అంటున్నారు. అదే సమయంలో టైటిల్‌ని కూడా ప్రకటించే ఛాన్స్ ఉందని టాక్‌. మరి ఫ్యాన్స్‌ ని బాలయ్య(NBK) ఎలా సర్‌ప్రైజ్‌ చేస్తారనేది మాత్రం ఇప్పుడు ఆసక్తికరంగా మారింది. ఇది ట్రెండ్‌ అవుతుంది. 

`అఖండ` లాంటి భారీ బ్లాక్‌ బస్టర్‌ తర్వాత బాలయ్య హీరోగా వస్తోన్న సినిమా కావడం, `క్రాక్‌` వంటి హిట్‌ తర్వాత గోపీచంద్‌ మలినేని దర్శకత్వంలో వస్తోన్న సినిమా కావడంతో ఈ చిత్రంపై అంచనాలు భారీగానే ఉన్నాయి. పైగా ఇప్పటికే విడుదలైన ఫస్ట్ లుక్‌, లీకైన లుక్‌ సినిమాపై అంచనాలను మరింతగా పెంచాయి. మరి అంచనాలను సినిమా రీచ్‌ అవుతుందా? లేదా చూడాలి. ఈ చిత్రాన్ని దసరాకి విడుదల చేయాలనుకుంటున్నట్టు టాక్‌. సినిమా షూటింగ్‌ శరవేగంగా జరుగుతుంది.

 `ఖిలాడీ` ఫేమ్‌ డింపుల్‌ హయతి ఇందులో ఐటెమ్‌ సాంగ్‌ చేయబోతుందని సమాచారం. ఇటీవల ఓ స్పెషల్‌ సాంగ్‌ని కూడా షూట్‌ చేశారు. మరోవైపు ఈసినిమాకి ఆసక్తికర టైటిల్‌ వినిపిస్తుంది. `అన్నగారు` అనే టైటిల్‌ ప్రధానంగా సోషల్‌ మీడియాలో చక్కర్లు కొడుతుంది. మరి దాన్నే ఫిక్స్ చేస్తారా? లేక మరేదైనా ఊహించని టైటిల్‌తో వస్తారా? అనేది చూడాలి.