నాగచైతన్య నెక్ట్స్ మూవీ ఫైనల్.. డైరెక్టర్ ఎవరంటే ?
సారాంశం
అక్కినేని హీరో నాగచైతన్య ఇప్పుడు `కస్టడీ` సినిమాతో రాబోతున్నారు. ఆ తర్వాత ఎవరితో సినిమా చేస్తున్నారనేది క్లారిటీ లేదు. ఈ నేపథ్యంలో డైరెక్టర్ని ఫిక్స్ చేసుకున్నాడట చైతూ.
నాగచైతన్య.. ప్రస్తుతం `కస్టడీ` చిత్రంలో నటిస్తున్నాడు. తమిళ దర్శకుడు వెంకట్ ప్రభు దర్శకత్వంలో రూపొందుతున్న చిత్రమిది. ఇందులో కృతి శెట్టి హీరోయిన్గా నటిస్తుంది. చైతూ పోలీస్గా నటిస్తున్న ఈ సినిమా ఈ నెల 12న విడుదల కాబోతుంది. చిత్ర ప్రమోషన్స్ లో చైతూ బిజీగా ఉన్నారు. డిఫరెంట్ ప్రమోషన్స్ చేస్తూ వార్తల్లో నిలుస్తున్నారు.
ఇదిలా ఉంటే ఇప్పుడు తన తదుపరి సినిమా ఫైనల్ అయ్యిందట. ఆయన తనకు `మజిలి` లాంటి హిట్ సినిమాని అందించిన శివ నిర్వాణ దర్శకత్వంలో సినిమా చేయబోతున్నారట. ఆల్మోస్ట్ ఈ స్టోరీకి చైతూ కనెక్ట్ అయ్యారని, త్వరలోనే దీన్ని అధికారికంగా ప్రకటించే అవకాశం ఉందని తెలుస్తుంది. ఫ్యామిలీ ఎమోషన్స్ బ్యాక్ డ్రాప్లో సినిమా చేయడంలో శివ దిట్ట. `మజిలి`తో అనే నిరూపించారు. ఇప్పుడు విజయ్ దేవరకొండ, సమంతలతో `ఖుషి` సినిమా చేస్తున్నారు. ఇది రొమాంటిక్ డ్రామాగా రూపొందుతుంది. ఇది సెప్టెంబర్ 1న విడుదల కానుంది.
ఈ సినిమా షూటింగ్ పూర్తయిన అనంతరం చైతూ సినిమా ప్రారంభమయ్యే అవకాశం ఉందట. ఇదిలా ఉంటే చైతూ మరో సినిమాకి కమిట్ అయ్యారట. గీతా ఆర్ట్స్ లో ఓ సినిమా చేయబోతున్నారని తెలుస్తుంది. అయితే దీనికి దర్శకుడు ఎవరనేది ఆసక్తికరంగా మారింది. చందుమొండేటి పేరు వినిపిస్తుంది. ఇందులో నిజమెంతా అనేది తెలియాలి.
నాగచైతన్యకి `మజిలి` తర్వాత సరైన హిట్ పడలేదు. `బంగార్రాజు` యావరేజ్గా ఆడింది. ఆ తర్వాత చేసిన `థ్యాంక్యూ` మూవీ డిజాస్టర్గా నిలిచింది. ఈ నేపథ్యంలో సరైన బ్రేక్ లాంటి సినిమా కోసం వేయిట్ చేస్తున్నారు. మరి ఇప్పుడు వెంకట్ ప్రభుతో చేస్తున్న సినిమాతో సత్తా చాటుతాడా? అనేది చూడాలి.