చాలా కాలంగా చర్చలు.. అల్లు అర్జున్ తో మూవీ గురించి మురుగదాస్ లేటెస్ట్ కామెంట్స్

ఐకాన్ స్టార్ అల్లు అర్జున్ నటిస్తున్న పుష్ప 2 షూటింగ్ శరవేగంగా జరుగుతోంది. వచ్చే ఏడాది ఆరంభంలోనే పుష్ప ది రూల్ రిలీజ్ చేసే దిశగా సుక్కు అండ్ టీం వర్క్ చేస్తున్నారు.అదే సమయంలో అల్లు అర్జున్ ఫ్యూచర్ ప్రాజెక్ట్స్ ఏంటి అనే చర్చ కూడా జరుగుతోంది.

ఐకాన్ స్టార్ అల్లు అర్జున్ నటిస్తున్న పుష్ప 2 షూటింగ్ శరవేగంగా జరుగుతోంది. వచ్చే ఏడాది ఆరంభంలోనే పుష్ప ది రూల్ రిలీజ్ చేసే దిశగా సుక్కు అండ్ టీం వర్క్ చేస్తున్నారు. పుష్ప చిత్రం పాన్ ఇండియా స్థాయిలో సెట్ చేసిన క్రేజ్ ని అంతా ఇంతా కాదు. దీనితో పుష్ప ది రూల్ ఎలా ఉండబోతోంది అనే ఉత్కంఠ ప్రతి ఒక్కరిలో ఉంటుంది.   

అదే సమయంలో అల్లు అర్జున్ ఫ్యూచర్ ప్రాజెక్ట్స్ ఏంటి అనే చర్చ కూడా జరుగుతోంది. సౌత్ అగ్ర దర్శకుల్లో మురుగదాస్ కూడా ఒకరు. గజినీ, తుపాకీ లాంటి బ్లాక్ బస్టర్ అందించారు. తెలుగులో మురుగదాస్ నేరుగా స్టాలిన్, స్పైడర్ లాంటి చిత్రాలు చేశారు. 

అయితే అల్లు అర్జున్, మురుగదాస్ కాంబినేషన్ గురించి చాలా కాలంగా చర్చ జరుగుతోంది. అయితే అఫీషియల్ అనౌన్స్ మెంట్ మాత్రం రావడం లేదు. ఈ కాంబినేషన్ సెట్ కావాలని బన్నీ ఫ్యాన్స్ అంతా కోరుకుంటున్నారు. మురుగదాస్ తన ప్రతి చిత్రాన్ని వైవిధ్యమైన కథాంశంతో, అద్భుతమైన సందేశంతో తెరకెక్కిస్తారు. అలాగని వినోదాత్మక అంశాలు మిస్ కాకుండా చూసుకుంటారు. 

మురుగదాస్ నిర్మాణంలో తెరకెక్కిన ఆగష్టు 16 1947 అనే చిత్రం వచ్చే వారం తెలుగు తమిళ భాషల్లో రిలీజ్ కి రెడీ అవుతోంది. ఈ నేపథ్యంలో హైదరాబాద్ లో నిర్వహించిన మీడియా సమావేశంలో మరుగదాస్ పాల్గొన్నారు. అల్లు అర్జున్ తో సినిమా అంటూ చాలా కాలంగా వస్తున్న వార్తలపై స్పందించారు. 

ఒక దర్శకుడిగా నేను చాలా మంది హీరోలతో చర్చలు జరుపుతుంటాను. హీరోలు కూడా అంతే. ప్రారంభ దశల్లో ఉన్న చర్చలని ఇప్పుడే ప్రకటించలేం. అన్ని అనుకున్నట్లు జరిగితే ఆ ప్రాజెక్టు కూడా తప్పకుండా ఉంటుంది అని మురుగదాస్ తెలిపారు. మురుగదాస్ మాటలని బట్టి.. అల్లు అర్జున్ తో ఇంకా ఏది ఫైనల్ కాలేదు అని స్పష్టం అవుతోంది.