ఒకే సినిమాలో 45 పాత్రలు.. గిన్నిస్ రికార్డ్ క్రియేట్‌ చేసిన నటుడు ఎవరో తెలుసా?

ఒకే సినిమాలో 45 పాత్రలు పోషించి గిన్నిస్ రికార్డ్ సృష్టించిన దక్షిణ భారత నటుడి గురించి ఇందులో తెలుసుకుందాం. 

10 పాత్రల్లో కమల్ హాసన్

 ఒకే సినిమాలో ఒక నటుడు అనేక పాత్రలు పోషించడం చాలా అరుదు. డ్యూయల్ రోల్ చేయడమే కష్టం. కానీ కొంతమంది నటులు రెండు కంటే ఎక్కువ పాత్రలు కూడా పోషించి ఆకట్టుకున్నారు. 

ముఖ్యంగా కమల్ హాసన్ 'దశావతారం' సినిమాలో 10 పాత్రలు పోషించారు. దానికి ముందు 'మైఖేల్ మదన కామరాజన్' లో నాలుగు పాత్రలు పోషించారు.

కమల్ ని దాటిన మలయాళ నటుడు

'దశావతారం' లో కమల్ హాసన్ పాత్రలు బాగా పాపులర్ అయ్యాయి. బలరాం నాయుడు, పంజాబీ గాయకుడు, ఆంగ్లేయుడు, వృద్ధురాలు.. ఇలా పది విభిన్న పాత్రల్లో ఆకట్టుకున్నారు. 

ఇప్పుడు ఆయన్ని దాటి, 45 పాత్రలు పోషించి గిన్నిస్ రికార్డ్ సృష్టించాడు మలయాళ నటుడు జాన్ జార్జ్.  ఆయన 'ఆరాణు ఎన్జన్‌' సినిమాలో ఈ ఘనత సాధించారు.

45 పాత్రల్లో జాన్సన్ జార్జ్ రికార్డు

`ఆరాణు ఎన్జన్‌` సినిమా 2018 మార్చి 9న విడుదలైంది. దీనికి వి.ఆర్. ఉన్నికృష్ణన్ దర్శకత్వం వహించారు. విడుదలైనప్పుడు ఈ సినిమాకి పెద్దగా ఆదరణ లభించలేదు. గిన్నిస్ బుక్ లో చోటు దక్కించుకున్న తర్వాత ప్రేక్షకులు బాగా ఆదరించారు.

ఇందులో మహాత్మా గాంధీ, అబ్దుల్ కలాం, స్వామి వివేకానంద, డావిన్సీ, జీసస్ క్రైస్ట్ వంటి 45 పాత్రల్లో జాన్సన్ జార్జ్ నటించారు. ప్రతి పాత్రలోనూ వేరియేషన్‌ చూపించి అదరగొట్టాడు.

'ఆరాణు ఎన్జన్‌' సినిమా కథేంటి?

గ్లోబ్ మ్యాన్ అనే వ్యక్తి గురించి చెప్పే కథ ఇది. తన గుర్తింపు ఏంటో తెలుసుకోవడానికి ప్రపంచం మొత్తం తిరిగే పాత్ర ఇందులో హీరోది. ప్రతి పాత్ర ద్వారా, 'నేనెవరు? నా నిజమైన గుర్తింపు ఏమిటి?' అనే ప్రశ్నను లేవనెత్తుతుంది.

కొత్త అనుభూతినిచ్చే 'ఆరాణు ఎన్జన్‌`

గిన్నిస్ రికార్డ్ తర్వాత జాన్సన్ జార్జ్ కి సినిమా పరిశ్రమలో ప్రత్యేక గుర్తింపు లభించింది. ఆయన సాధించిన రికార్డును ఇప్పటివరకు ఎవరూ బద్దలు కొట్టలేకపోయారు. 

మీరు కొత్తగా,  ఒక సినిమా చూడాలనుకుంటే ‘ఆరాణుఎన్జన్‌’ మంచి ఛాయిస్‌గా నిలుస్తుంది. సినిమా నిడివి 1 గంట 47 నిమిషాలు.