ఈరోజు నాకు కాల్ వచ్చింది.. ఎవరో ఒరిస్సా MP అంట.. నాకు కాల్ చేసి మీరు చేసిన సేవా బావుంది. నేను 3సార్లు ఎంపీని. మా ఒరిస్సా నుంచి మీకు ఏదైనా సాయం కావాలా..
బిగ్ బాస్ షోతో క్రేజ్ దక్కించుకున్న కరాటే కళ్యాణి.. షో నుంచి బయటకు వచ్చిన తరువాత సోషల్ మీడియాలో యాక్టివ్ అయ్యారు. అలాగే కరాటే కళ్యాణి ఉచితంగా భోజనం అందరిస్తూ ఆందరికీ ఆదర్శంగా నిలుస్తున్నారు. శ్రీ ఆదిభట్ల శ్రీ కళాపీఠం చారిటబుల్ ట్రస్ట్ పేరుతో ప్రతిరోజు 100 నుంచి 200 మంది వరకూ కోవిడ్ పేషంట్స్ కి బలవర్ధకమైన ఆహారాన్ని అందిస్తున్నారు. గత 18 రోజులుగా కరాటే కళ్యాణి ప్రతి రోజూ కరోనా రోగులకు ఆహారాన్ని అందిస్తున్నారు. వాటికి సంబంధంచిన ఫొటోలను తన ఫేస్ బుక్‌లో ఎప్పటికప్పుడు షేర్ చేస్తున్న కరాటే కళ్యాణి.. తాజాగా ఆసక్తికరమైన పోస్ట్‌ని షేర్ చేసింది.
ఒరిసా ఎంపీ నంటూ తనను ఫోన్‌లో వేధిస్తున్న ఓ వ్యక్తి బండారాన్ని బయటపెట్టింది కరాటే కళ్యాణి. ‘‘ఈరోజు నాకు కాల్ వచ్చింది.. ఎవరో ఒరిస్సా ఎంపీ అంట.. నాకు కాల్ చేసి మీరు చేసిన సేవా బావుంది. నేను 3సార్లు ఎంపీని. మా ఒరిస్సా నుంచి మీకు ఏదైనా సాయం కావాలా.. అంటున్నాడు. కోట్లు ఇస్తాడట.. నేనే దొరికేనా రా.. గొంతు మార్చి ఒకడే మాట్లాడుతున్నాడు.. నాదగ్గర నీ పప్పులు ఉడకవు.. చాలామంది ఇబ్బందుల్లో ఉన్నారు.. వెళ్లి వాళ్ళకి మీ పేరు మీద ఇచ్చేయండి ఆ కోట్లు అని. నా ఫేస్ బుక్ కూడా చూస్తున్నాడు అంట ఆ ఎంపీ.
చివరాఖరికి నాకు ఒక 10 సార్లు కాల్ చేసి విసిగించి.. మీకు పెళ్లి అయ్యిందా అని అడిగాడు. నాకు విషయం అర్థం అయ్యింది. వెంటనే ఫోన్ కట్ చేశా. నా నంబర్ కోసం విజయశాతి గారిని.. అలాగే డీకే అరుణ గారిని కూడా అడిగాని చెప్తున్నాడు ఈ ఎంపీ. ఎందుకో మరిం స్పెషల్ ఇంట్రస్ట్. మీకు బీజేపీలో ఏదో పదవి ఉంది అనుకున్నా అని మాట కలిపాడు. నేను ఏ పార్టీలో లేను అని చెప్పి పెట్టేసా. ఇలాంటి వాళ్ళు పొంచి ఉంటారు.. తస్మాత్ జాగ్రత్త. నేను కావాలని మాట్లాడలేదు.. బిజీగా ఉన్నా అంటే కూడా వాడు పని మానుకొని మరి నాతో అన్నిసార్లు కాల్ చేస్తాడా పిచ్చి ఎంపీ వేరేలా ట్రై చెయ్యి.. బ్యాండ్ బాజా బారాత్. ఐప్పోగలదు నాతో పెట్టుకుంటే.. ఫేస్ బుక్ వల్ల చాలా అనుభవాలు.. ఎవ్వరినీ నమ్మకండి’ అంటూ ఫేస్ బుక్‌లో పోస్ట్ పెట్టింది కరాటే కళ్యాణి.