వంద కోట్ల క్లబ్ లో చేరిన 'ఎఫ్ 2'!

విక్టరీ వెంకటేష్, వరుణ్ తేజ్ లు హీరోలుగా నటించిన 'ఎఫ్ 2' సినిమా సంక్రాంతి కానుకగా ప్రేక్షకుల ముందుకు వచ్చిన బిగ్గెస్ట్ హిట్ గా నిలిచింది. సంక్రాంతి బరిలో పెద్ద సినిమాలతో పోటీ పడి మరీ తన సత్తా చాటింది ఈ చిత్రం.

వెండితెరపై వెంకీ, వరుణ్ ల ఫ్రస్ట్రేషన్ ని అభిమానులు బాగా ఎంజాయ్ చేశారు. విడుదల రోజు నుండి ఈ సినిమా స్టడీ కలెక్షన్స్ ని రాబడుతోంది. వారం రోజుల్లోనే యాభై కోట్ల షేర్ ని దాటేసిన ఈ సినిమా ఇప్పుడు వంద కోట్ల క్లబ్ లో చేరిపోయింది. ఈ విషయాన్ని చిత్రబృందం అధికారికంగా ప్రకటించింది.

జనవరి 12న విడుదలైన ఈ సినిమా రెండు వారాల్లో రూ.100 కోట్ల గ్రాస్ కలెక్షన్లు సాధించింది. రెండు తెలుగు రాష్ట్రాలతో పాటు ఓవర్సీస్ లో కూడా ఈ సినిమా సత్తా చాటుతోంది. సినిమా వంద కోట్ల షేర్ సాధించడంపై స్పందించిన దర్శకుడు అనీల్ రావిపూడి ఈరోజు ఎప్పటికీ మర్చిపోలేనంటూ సోషల్ మీడియాలో పోస్ట్ పెట్టాడు.

గతేడాదిలో సరైన సినిమాలు లేక నిరాశలో ఉన్న దిల్ రాజు నిర్మాతగా ఈ సినిమాతో భారీ విజయాన్ని అందుకున్నాడు.