ప్రభాస్కు థ్యాంక్స్ చెప్పిన దీపికా
సారాంశం
ప్రభాస్.. `దీపికాతో కలిసి వర్క్ చేయటం ఆనందంగా ఉంది` అంటూ ట్వీట్ చేశాడు. అందుకు బదులుగా దీపిక స్పందిస్తూ `మీ స్వాగతానికి కృతజ్ఞతలు. ఈ గొప్ప ప్రయాణం ప్రారంభించడానికి ఆసక్తిగా ఎదురుచూస్తున్నా` అంటూ రిప్లై ఇచ్చింది. ఈ ప్రకటన వచ్చిన దగ్గర నుంచి ప్రభాస్, దీపికల అభిమానులు ప్రాజెక్ట్ కోసం ఆసక్తిగా ఎదురుచూస్తున్నారు.
ఇటీవల ప్రభాస్ సినిమాకు సంబంధించి భారీ ప్రకటన వచ్చిన సంగతి తెలిసిందే. వైజయంతి మూవీస్ బ్యానర్పై నాగ అశ్విన్ దర్శకత్వంలో పాన్ ఇండియా లెవల్లో తెరకెక్కుతున్న సినిమాలో ప్రభాస్ సరసన జోడిగా దీపికా పదుకొనే హీరోయిన్గా నటించనుందని ప్రకటించారు చిత్రయూనిట్. ఈ విషయాన్ని ప్రభాస్, దీపికా పదుకొణేలు తమ సోషల్ మీడియా ద్వారా ప్రకటించారు.
ప్రభాస్.. `దీపికాతో కలిసి వర్క్ చేయటం ఆనందంగా ఉంది` అంటూ ట్వీట్ చేశాడు. అందుకు బదులుగా దీపిక స్పందిస్తూ `మీ స్వాగతానికి కృతజ్ఞతలు. ఈ గొప్ప ప్రయాణం ప్రారంభించడానికి ఆసక్తిగా ఎదురుచూస్తున్నా` అంటూ రిప్లై ఇచ్చింది. ఈ ప్రకటన వచ్చిన దగ్గర నుంచి ప్రభాస్, దీపికల అభిమానులు ప్రాజెక్ట్ కోసం ఆసక్తిగా ఎదురుచూస్తున్నారు.
ఈ సినిమాను తెలుగు, హిందీ, తమిళ భాషల్లో రూపొందిస్తున్నారు. ఈ సినిమాను భారీ బడ్జెట్తో తెరకెక్కించేందుకు ప్లాన్ చేస్తున్నారు. ఇండియాలో బిగ్గెస్ట్ సినిమాగా పేరు తెచ్చుకున్న బాహుబలి సినిమాను మించి ఈ సినిమా బడ్జెట్ ఉంటుందని భావిస్తున్నారు. ఈ సినిమాను సైన్స్ ఫిక్షన్ జానర్లో రూపొందిస్తున్నారు. ఈ సినిమాను అశ్వనీదత్తో కలిసి స్వప్నా దత్, ప్రియాంక దత్లు నిర్మిస్తున్నారు.