దీపికా పదుకొనెకి అరుదైన గౌరవం.. గ్లోబల్‌ పురస్కారం..

ఈ అవార్డు కోసం ప్రపంచ వ్యాప్తంగా ఆరోగ్యం, చదువు, టూరిజం వంటి వివిధ రంగాల్లో ఈ ఏడాది మూడు వేలకుపైగా నామినేషన్లు వచ్చాయి. నటనకు సంబంధించిన ఉత్తమ నటిగా దీపికా పదుకొనెకి అవార్డు దక్కడం విశేషం. 

బాలీవుడ్‌(bollywood)లో లేడీ ఓరియెంటెడ్‌ చిత్రాలకు కేరాఫ్‌గా నిలుస్తుంది దీపికా పదుకొనె(deepika padukone). గ్లోబల్‌ బ్యూటీ ప్రియాంక చోప్రా దారిలో హాలీవుడ్‌ చిత్రాలు కూడా చేస్తూ సత్తా చాటుతుంది. ఈ నేపథ్యంలో దీపికా పదుకొనెకి ఓ అరుదైన గౌరవం దక్కింది. గ్లోబల్‌ అవార్డుని సొంతం చేసుకుంది.  ప్రతిష్టాత్మక `ది గ్లోబల్‌ అచీవర్స్ అవార్డు 2021` ని దక్కించుకుంది.  ప్రపంచ వ్యాప్తంగా వివిధ రంగాల్లో ఉత్తమ ప్రతిభ కనబరిచిన వారికి ఇచ్చే అవార్డు దీపికాకి దక్కడం విశేషం. 

ఈ అవార్డు కోసం ప్రపంచ వ్యాప్తంగా ఆరోగ్యం, చదువు, టూరిజం వంటి వివిధ రంగాల్లో ఈ ఏడాది మూడు వేలకుపైగా నామినేషన్లు వచ్చాయి. నటనకు సంబంధించిన ఉత్తమ నటిగా దీపికా పదుకొనెకి అవార్డు దక్కడం విశేషం. ఈ అవార్డుకి అమెరికా మాజీ ప్రెసిడెంట్‌ బరాక్‌ ఒబామా, బిజినెస్‌మేన్‌ జెఫ్‌ బెజోస్‌, క్రీడాకారుడు క్రీస్టీనో రోనాల్డో లాంటి హేమాహేమీలతో కలిసి దీపికా ఎంపికవ్వడం విశేషం. ఇండియా నుంచి ఈ అవార్డుకి ఎంపికైన తొలి మహిళ దీపికా కావడం విశేషం. 

బాలీవుడ్‌ నటుడు రణ్‌వీర్‌ సింగ్‌ని ప్రేమించి పెళ్లి చేసుకున్న దీపికా పదుకొనె ప్రస్తుతం పలు క్రేజీ ప్రాజెక్ట్ లతో దూసుకుపోతుంది. అందులో భాగంగా దీపికా ఇప్పుడు హృతిక్‌ రోషన్‌తో కలిసి `ఫైటర్‌`, అమితాబ్‌ బచ్చన్‌తో కలిసి `ది ఇంటర్న్`, భర్త రణ్‌వీర్‌ సింగ్‌తో కలిసి `83` చిత్రాల్లో నటిస్తుంది. దీంతోపాటు ఓ హాలీవుడ్‌ చిత్రం కూడా దీపికా చేతిలో ఉంది. `రామ్‌లీలా`, `బాజీరావు మస్తానీ`,`పద్మావత్‌` చిత్రాలతో దీపికా లేడీ ఓరియెంటెడ్‌ చిత్రాలకు కేరాఫ్‌గా ఎదిగిన విషయం తెలిసిందే.